Shah Rukh Khan: ಶಾರುಖ್​ ಖಾನ್​ ಚಿತ್ರರಂಗಕ್ಕೆ ಕಾಲಿಟ್ಟು ಕಳೆಯಿತು 31 ವರ್ಷ; ಅಂದು ಮಾಡಿದ ತಪ್ಪನ್ನು ಇಂದು ಒಪ್ಪಿಕೊಂಡ ನಟ

ಬಣ್ಣದ ಲೋಕದಲ್ಲಿ ಹಂತಹಂತವಾಗಿ ಬೆಳೆದು ಬಂದ ನಟ ಶಾರುಖ್​ ಖಾನ್​ (Shah Rukh Khan) ಅವರು ಇಂದಿಗೂ ಸೂಪರ್​ ಸ್ಟಾರ್​ ಆಗಿ ಮೆರೆಯತ್ತಿದ್ದಾರೆ. ಅವರು​ ಚಿತ್ರರಂಗಕ್ಕೆ ಕಾಲಿಟ್ಟು 31 ವರ್ಷ ಕಳೆದಿದೆ. 57ರ ಪ್ರಾಯದಲ್ಲೂ ಅವರು ಚಾರ್ಮ್​ ಉಳಿಸಿಕೊಂಡಿದ್ದಾರೆ. ಹದಿಹರೆಯದ ನಟರಿಗೂ ಅವರು ಸಖತ್​ ಪೈಪೋಟಿ ನೀಡುತ್ತಿದ್ದಾರೆ. ಸಿನಿಮಾ ಕ್ಷೇತ್ರದಲ್ಲಿ 31 ವರ್ಷಗಳನ್ನು ಪೂರೈಸಿರುವುದಕ್ಕೆ ಅವರಿಗೆ ಎಲ್ಲರೂ ಅಭಿನಂದನೆ ತಿಳಿಸುತ್ತಿದ್ದಾರೆ. ಈ ಸಂದರ್ಭದಲ್ಲಿ ಅವರ ಮೊದಲ ಸಿನಿಮಾ ‘ದೀವಾನಾ’ (Deewana Movie) ಬಗ್ಗೆ ಜನರು ಮಾತನಾಡುತ್ತಿದ್ದಾರೆ. ಆ ಸಿನಿಮಾದ ಅನೇಕ ದೃಶ್ಯಗಳನ್ನು ಮೆಲುಕು ಹಾಕಲಾಗುತ್ತಿದೆ. ಈ ಕುರಿತು ಅಭಿಮಾನಿಗಳ ಜೊತೆ ಪ್ರಶ್ನೋತ್ತರ ನಡೆಸುವಾಗ ಶಾರುಖ್​ ಖಾನ್​ ಅವರು 31 ವರ್ಷಗಳ ಹಿಂದಿನ ತಪ್ಪನ್ನು ಒಪ್ಪಿಕೊಂಡಿದ್ದಾರೆ. ಏನದು? ಈ ಸ್ಟೋರಿಯಲ್ಲಿದೆ ಉತ್ತರ..

ಶಾರುಖ್​ ಖಾನ್​ ಅವರು ನಟಿಸಿದ ಮೊದಲ ಸಿನಿಮಾ ‘ದೀವಾನಾ’. ಆ ಸಿನಿಮಾ 1992ರ ಜೂನ್​ 25ರಂದು ತೆರೆಕಂಡಿತ್ತು. 2023ರ ಜೂನ್​ 25ಕ್ಕೆ ಬರೋಬ್ಬರಿ 31 ವರ್ಷಗಳು ಪೂರ್ಣಗೊಂಡಿವೆ. ಆ ಸಿನಿಮಾದಲ್ಲಿ ಶಾರುಖ್​ ಖಾನ್​ ಅವರ ಎಂಟ್ರಿ ಸೀನ್​ ಬಗ್ಗೆ ಫ್ಯಾನ್ಸ್​ ಈಗಲೂ ಮಾತನಾಡುತ್ತಾರೆ. ‘ಕೋಯಿ ನಾ ಕೋಯಿ ಚಾಹಿಯೇ..’ ಹಾಡಿನಲ್ಲಿ ಶಾರುಖ್​ ಖಾನ್​ ಅವರು ಬೈಕ್​ ರೈಡ್​ ಮಾಡುತ್ತಾ, ಸ್ನೇಹಿತರ ಜೊತೆ ಹಾಡುವ ದೃಶ್ಯ ಇದೆ. ಅದರಲ್ಲಿ ಶಾರುಖ್​ ಅವರು ಹೆಲ್ಮೆಟ್​ ಧರಿಸಿಲ್ಲ. ಆ ವಿಡಿಯೋವನ್ನು ಅಭಿಮಾನಿಗಳು ಈಗ ಶೇರ್​ ಮಾಡಿಕೊಂಡಿದ್ದಾರೆ.

Sir how do you feel when you watch this epic entry of yourself. It’s been 31 years and it still gives us chills ? #AskSRK pic.twitter.com/WCUinNpsTu

— Pratt ? (@thatlakda) June 25, 2023

‘ಈ ನಿಮ್ಮ ಅದ್ಭತ ಎಂಟ್ರಿ ಸೀನ್​ ನೋಡಿದಾಗ ನಿಮಗೆ ಏನು ಅನಿಸುತ್ತದೆ? ಈ ಚಿತ್ರ ಬಂದು 31 ವರ್ಷ ಕಳೆದರೂ ನಮಗೆ ಇಂದಿಗೂ ಅಷ್ಟೇ ಖುಷಿ ನೀಡುತ್ತಿದೆ’ ಎಂದು ಅಭಿಮಾನಿಯೊಬ್ಬರು ಟ್ವೀಟ್​ ಮಾಡಿದ್ದಾರೆ. ಅದಕ್ಕೆ ಪ್ರತಿಕ್ರಿಯಿಸಿರುವ ಶಾರುಖ್​ ಖಾನ್​ ಅವರು, ‘ಹೆಲ್ಮೆಟ್​ ಹಾಕಿಕೊಳ್ಳಬೇಕಿತ್ತು ಎನಿಸುತ್ತದೆ’ ಎಂದು ಟ್ವೀಟ್​ ಮಾಡಿದ್ದಾರೆ. ಅನೇಕ ನಟರು ಸಿನಿಮಾಗಳಲ್ಲಿನ ಬೈಕ್​ ರೈಡ್​ ದೃಶ್ಯಗಳಲ್ಲಿ ಹೆಲ್ಮೆಟ್​ ಧರಿಸಿರುವುದಿಲ್ಲ. ಅಂಥ ಪೋಸ್ಟರ್​ ಮತ್ತು ದೃಶ್ಯಗಳಿಗೆ ಟ್ರಾಫಿಕ್​ ಪೊಲೀಸರು ಖಡಕ್​ ಎಚ್ಚರಿಕೆ ನೀಡಿದ್ದುಂಟು. ಅದೇ ಕಾರಣಕ್ಕೋ ಏನೋ ಶಾರುಖ್​ ಖಾನ್​ ಅವರು ಈಗ ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದಾರೆ.

ಇದನ್ನೂ ಓದಿ: Shah Rukh Khan: ಶಾರುಖ್​ ಖಾನ್​ ಚಿತ್ರದ ಹಾಡಿನ ಮೂಲಕ ಅಮೆರಿಕದಲ್ಲಿ ಮೋದಿಗೆ ಸ್ವಾಗತ; ನಟನ ಪ್ರತಿಕ್ರಿಯೆ ಏನು?

ಈ ವರ್ಷ ಆರಂಭದಲ್ಲಿ ತೆರೆಕಂಡ ‘ಪಠಾಣ್​’ ಸಿನಿಮಾ ಮೂಲಕ ಶಾರುಖ್ ಖಾನ್​ ಅವರ ವೃತ್ತಿ ಜೀವನಕ್ಕೆ ಹೊಸ ಮೆರುಗು ಬಂತು. ಸಾವಿರಾರು ಕೋಟಿ ರೂಪಾಯಿ ಕಲೆಕ್ಷನ್​ ಮಾಡಿದ್ದು ಈ ಸಿನಿಮಾದ ಹೆಚ್ಚುಗಾರಿಕೆ. ಈಗ ಶಾರುಖ್​ ಖಾನ್​ ಅವರ ‘ಜವಾನ್​’ ಮತ್ತು ‘ಡಂಕಿ’ ಸಿನಿಮಾದ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದಾರೆ. ‘ಜವಾನ್​’ ಚಿತ್ರಕ್ಕೆ ಅಟ್ಲಿ ಕುಮಾರ್​ ನಿರ್ದೇಶನ ಮಾಡುತ್ತಿದ್ದು, ರಾಜ್​ಕುಮಾರ್​ ಹಿರಾನಿ ಅವರ ನಿರ್ದೇಶನದಲ್ಲಿ ‘ಡಂಕಿ’ ಚಿತ್ರ ಮೂಡಿಬರುತ್ತಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 6:41 pm, Mon, 26 June 23