ರಾಮನಗರದಲ್ಲಿ ಶೂಟ್ ಆದ ಅಮಿತಾಭ್ ‘ಶೋಲೆ’ಗೆ 50 ವರ್ಷ; ಮಾಡಿದ ದಾಖಲೆಗಳು ಒಂದೆರಡಲ್ಲ

ಅದು 1975ರ ಆಗಸ್ಟ್ 15. ಬಾಲಿವುಡ್​ನಲ್ಲಿ ಅಮಿತಾಭ್ ಬಚ್ಚನ್ (Amitabh Bachchan), ಸಂಜೀವ್ ಕುಮಾರ್, ಹೇಮಾ ಮಾಲಿನಿ, ಧರ್ಮೇಂದ್ರ, ಜಯಾ ಬಚ್ಚನ್, ಅಮ್ಜದ್ ಖಾನ್ ನಟನೆಯ ‘ಶೋಲೆ’ ಸಿನಿಮಾ ರಿಲೀಸ್ ಆಯಿತು. ಈ ಸಿನಿಮಾ ಮೊದಲ ಎರಡು ವಾರ ಸಾಮಾನ್ಯ ಪ್ರದರ್ಶನ ಕಂಡಿತು. ಆದರೆ, ಚಿತ್ರಕ್ಕೆ ಸಿಕ್ಕ ಮಾತಿನ ಪ್ರಚಾರದಿಂದ ಮೂರನೇ ವಾರ ಎನ್ನುವಾಗ ಸಿನಿಮಾ ಸೂಪರ್ ಹಿಟ್ ಆಗುವ ಎಲ್ಲಾ ಸೂಚನೆ ಪಡೆಯಿತು. ಈ ಚಿತ್ರ ಈಗ 50 ವರ್ಷ ಪೂರ್ಣಗೊಳಿಸುವ ಹಂತದಲ್ಲಿ ಇದೆ.

‘ಶೋಲೆ’ ಚಿತ್ರವನ್ನು ಕರ್ನಾಟಕದ ರಾಮನಗರದಲ್ಲಿ ಶೂಟ್ ಮಾಡಲಾಯಿತು.  ಈ ಚಿತ್ರದ ಕ್ಲೈಮ್ಯಾಕ್ಸ್ ಶೂಟ್ ಆದ ಬೆಟ್ಟಕ್ಕೆ ‘ಶೋಲೆ ಬೆಟ್ಟ’ ಎನ್ನುವ ಹೆಸರನ್ನೇ ಇಡಲಾಗಿದೆ ಅನ್ನೋದು ವಿಶೇಷ. ಈ ಸಿನಿಮಾಗೆ ಸಲ್ಮಾನ್ ಖಾನ್ ತಂದೆ ಸಲೀಮ್ ಹಾಗೂ ಕಥೆಬರಹಗಾರ ಜಾವೇದ್ ಅಖ್ತರ್ ಅವರು ಕಥೆಯನ್ನು ಬರೆದಿದ್ದರು. ರಮೇಶ್ ಸಿಪ್ಪಿ ಅವರು ಚಿತ್ರವನ್ನು ನಿರ್ದೇಶನ ಮಾಡಿದ್ದರು. 50ನೇ ವರ್ಷದ ಸಂಭ್ರಮಾಚರಣೆ ವೇಳೆ ಸಿನಿಮಾ ಮತ್ತೆ ರೀ-ರಿಲೀಸ್ ಆಗುವ ಸಾಧ್ಯತೆ ಇದೆ. ಈ ಸಿನಿಮಾ ಮಾಡಿದ ದಾಖಲೆ ಬಗ್ಗೆ ಇಲ್ಲಿದೆ ಮಾಹಿತಿ.

ಇದನ್ನೂ ಓದಿ

‘ಸರಿಗಮಪ’ ವಿನ್ನರ್ ಶಿವಾನಿಗೆ ಸಿಕ್ಕ ಹಣ ಎಷ್ಟು? ಬಾಳು ಬೆಳಗುಂದಿಗೂ ಬಂಪರ್

ದೀಪಿಕಾಳಿಂದ ದೂರವಾದ ಬಗ್ಗೆ ನನಗೆ ಬೇಸರ ಇಲ್ಲ; ಮಾಜಿ ಬಾಯ್​ಫ್ರೆಂಡ್ ಹೇಳಿಕೆ

ಅಣ್ಣಾವ್ರ ಚಿತ್ರವನ್ನು ರಿಮೇಕ್ ಮಾಡಿದ್ದ ಅಮಿತಾಭ್

ಭಾನುವಾರವೇ ಅತೀ ಕಡಿಮೆ ಗಳಿಕೆ ಮಾಡಿದ ‘ಥಗ್ ಲೈಫ್’; ಕನ್ನಡಿಗರ ತಂಟೆಗೆ ಬಂದವರ

• ‘ಶೋಲೆ’ ಚಿತ್ರ ಅಮಿತಾಭ್ ಬಚ್ಚನ್ ಅವರ ವೃತ್ತಿ ಜೀವನವನ್ನೇ ಸಂಪೂರ್ಣವಾಗಿ ಬದಲಿಸಿಬಿಟ್ಟಿತು. ಈ ಚಿತ್ರದ ಎಲ್ಲಾ ಕಲಾವಿದರು ಭರ್ಜರಿ ಮೈಲೇಜ್ ಪಡೆದರು.
• ‘ಶೋಲೆ’ ಸಿನಿಮಾಗೆ ಈ ಮೊದಲು 25 ವರ್ಷ ತುಂಬಿದಾಗ ಸಿಲ್ವರ್ ಜುಬ್ಲಿ ಆಚರಿಸಲಾಯಿತು. ಈ ವೇಳೆ 100ಕ್ಕೂ ಅಧಿಕ ಥಿಯೇಟರ್​ಗಳಲ್ಲಿ ಇದನ್ನು ಸಂಭ್ರಮಿಸಲಾಯಿತು.
• ಮುಂಬೈನ ಮಿನರ್ವಾ ಥಿಯೇಟರ್​ನಲ್ಲಿ ಈ ಚಿತ್ರ 5 ವರ್ಷಕ್ಕೂ ಅಧಿಕ ಕಾಲ ಪ್ರದರ್ಶನ ಕಂಡಿತು. ಅತಿ ದೀರ್ಘ ಕಾಲ (286 ವಾರ) ಪ್ರದರ್ಶನ ಕಂಡ ಸಿನಿಮಾ ಎಂಬ ಹೆಗ್ಗಳಿಕೆ ಈ ಚಿತ್ರಕ್ಕೆ ಇತ್ತು. ದಿಲ್ವಾಲೆ ದುಲ್ಹನಿಯಾ ಲೇ ಜಾಯೆಂಗೆ’ (2001) ಸಿನಿಮಾ ಇದನ್ನು ಬ್ರೇಕ್ ಮಾಡಿತು.
• ಈ ಚಿತ್ರ ಅಂದಿನ ಕಾಲಕ್ಕೆ 24 ಕೋಟಿ ರೂಪಾಯಿ ಬಜೆಟ್​ನಲ್ಲಿ ಸಿದ್ಧವಾಗಿತ್ತು. ಈ ಸಿನಿಮಾ ಸಾವಿರಾರು ಕೋಟಿ ರೂಪಾಯಿ ಗಳಿಕೆ ಮಾಡಿದೆ.
• ಅತಿ ಹೆಚ್ಚು ವೀಕ್ಷಣೆ ಕಂಡ ಸಿನಿಮಾ ಎಂಬ ಖ್ಯಾತಿ ಇದಕ್ಕೆ ಸಿಕ್ಕಿದೆ. ಏಕೆಂದರೆ ರಿಲೀಸ್ ಹಾಗೂ ರೀ-ರಿಲೀಸ್ ಸೇರಿ (1985ರವರೆಗೆ ಮಾತ್ರ) ಈ ಸಿನಿಮಾಗೆ ಈವರೆಗೆ ಥಿಯೇಟರ್​ನಲ್ಲಿ 25 ಕೋಟಿ ಟಿಕೆಟ್ ಮಾರಾಟ ಆಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 9:59 am, Mon, 9 June 25