ರಣಬೀರ್ ಕಪೂರ್ ಜತೆ ತೃಪ್ತಿ ದಿಮ್ರಿ ಬೋಲ್ಡ್ ಪಾತ್ರ: ‘ಅನಿಮಲ್’ ಚಿತ್ರಕ್ಕೆ ಈ ಸುಂದರಿ ಆಯ್ಕೆ ಆಗಿದ್ದು ಹೇಗೆ?
‘ಅನಿಮಲ್’ ಸಿನಿಮಾಗೆ ರಶ್ಮಿಕಾ ಮಂದಣ್ಣ ನಾಯಕಿ. ಆದರೂ ಕೂಡ ತೃಪ್ತಿ ದಿಮ್ರಿ ಅವರ ಪಾತ್ರ ಹೈಲೈಟ್ ಆಗಿದೆ. ಒಂದು ವರ್ಗದ ಪ್ರೇಕ್ಷಕರು ಈ ಸಿನಿಮಾವನ್ನು ತೆಗಳುತ್ತಿದ್ದಾರೆ. ಕ್ರೌರ್ಯದ ದೃಶ್ಯಗಳು ಅತಿಯಾಗಿವೆ. ಬಳಸಿದ ಭಾಷೆ ಕೀಳುಮಟ್ಟದಲ್ಲಿದೆ. ಮಹಿಳೆಯರ ಪಾತ್ರಗಳನ್ನು ಅವಹೇಳನಕಾರಿಯಾಗಿ ತೋರಿಸಲಾಗಿದೆ ಎಂಬಿತ್ಯಾದಿ ಟೀಕೆಗಳು ವ್ಯಕ್ತವಾಗಿವೆ.
Updated on: Dec 10, 2023 | 7:04 AM
ಬಾಲಿವುಡ್ ನಟಿ ತೃಪ್ತಿ ದಿಮ್ರಿ (Tripti Dimri) ಅವರು ದೇಶಾದ್ಯಂತ ಸೆನ್ಸೇಷನ್ ಸೃಷ್ಟಿ ಮಾಡಿದ್ದಾರೆ. ಅವರನ್ನು ಹೊಸ ನ್ಯಾಷನಲ್ ಕ್ರಶ್ ಎಂದು ಕೂಡ ಅನೇಕರು ಕರೆಯುತ್ತಿದ್ದಾರೆ. ಅದಕ್ಕೆಲ್ಲ ಕಾರಣ ಆಗಿರುವುದು ‘ಅನಿಮಲ್’ (Animal) ಸಿನಿಮಾದ ಸಕ್ಸಸ್. ಹೌದು, ಡಿಸೆಂಬರ್ 1ರಂದು ತೆರೆಕಂಡ ಈ ಚಿತ್ರ ಸೂಪರ್ ಹಿಟ್ ಆಗಿದೆ. ಈ ಸಿನಿಮಾದಲ್ಲಿ ರಣಬೀರ್ ಕಪೂರ್ ಜೊತೆ ತೃಪ್ತಿ ದಿಮ್ರಿ ನಟಿಸಿದ್ದಾರೆ. ಇಬ್ಬರ ನಡುವಿನ ಬೆಡ್ ರೂಂ ದೃಶ್ಯ ಸಖತ್ ಚರ್ಚೆ ಹುಟ್ಟುಹಾಕಿದೆ. ಅಂದಹಾಗೆ, ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ (Sandeep Reddy Vanga) ಅವರು ತಮ್ಮನ್ನು ಈ ಸಿನಿಮಾಗೆ ಆಯ್ಕೆ ಮಾಡಿದ್ದು ಹೇಗೆ ಎಂಬ ಬಗ್ಗೆ ತೃಪ್ತಿ ದಿಮ್ರಿ ಅವರು ತಿಳಿಸಿದ್ದಾರೆ.
ಈ ಹಿಂದೆ ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆ ಆದ ‘ಕಲಾ’ ವೆಬ್ ಸಿರೀಸ್ನಲ್ಲಿ ತೃಪ್ತಿ ದಿಮ್ರಿ ಅವರು ನಟಿಸಿದ್ದರು. ಅದರಲ್ಲಿ ಅವರದ್ದೇ ಮುಖ್ಯ ಪಾತ್ರ. ಆ ವೆಬ್ ಸಿರೀಸ್ನಲ್ಲಿನ ನಟನೆಯನ್ನು ನೋಡಿ ಸಂದೀಪ್ ರೆಡ್ಡಿ ವಂಗಾ ಅವರು ಫಿದಾ ಆಗಿದ್ದರು. ಬಳಿಕ ತೃಪ್ತಿ ದಿಮ್ರಿಗೆ ಕರೆ ಮಾಡಿ ಅವರು ಆಫರ್ ನೀಡಿದರು. ಈ ಅವಕಾಶವನ್ನು ತೃಪ್ತಿ ಕೂಡ ಸಂತೋಷದಿಂದ ಒಪ್ಪಿಕೊಂಡರು. ಈಗ ‘ಅನಿಮಲ್’ ಸೂಪರ್ ಹಿಟ್ ಆಗಿದ್ದು ಅವರಿಗೆ ಖುಷಿ ನೀಡಿದೆ. ತೃಪ್ತಿ ಅವರಿಗೆ ಹೊಸ ಹೊಸ ಆಫರ್ಗಳು ಬರಲು ಆರಂಭಿಸಿವೆ.
ಇದನ್ನೂ ಓದಿ: ‘ಅನಿಮಲ್’ ಚಿತ್ರದಲ್ಲಿ ತೃಪ್ತಿ ಬೋಲ್ಡ್ ಅವತಾರ
‘ಅನಿಮಲ್’ ಸಿನಿಮಾಗೆ ರಶ್ಮಿಕಾ ಮಂದಣ್ಣ ನಾಯಕಿ. ಆದರೂ ಕೂಡ ತೃಪ್ತಿ ದಿಮ್ರಿ ಅವರ ಪಾತ್ರ ಹೈಲೈಟ್ ಆಗಿದೆ. ಈ ಸಿನಿಮಾದಲ್ಲಿ ಬಾಬಿ ಡಿಯೋಲ್, ಅನಿಲ್ ಕಪೂರ್, ಶಕ್ತಿ ಕಪೂರ್ ಮುಂತಾದರು ಕೂಡ ನಟಿಸಿದ್ದಾರೆ. ಹಲವು ಶೇಡ್ನಲ್ಲಿ ರಣಬೀರ್ ಕಪೂರ್ ನಟಿಸಿದ್ದಾರೆ. ವಿಶ್ವ ಬಾಕ್ಸ್ ಆಫೀಸ್ನಲ್ಲಿ ಈ ಸಿನಿಮಾ 500 ಕೋಟಿ ರೂಪಾಯಿ ದಾಟಿದೆ.
View this post on Instagram
ಒಂದು ವರ್ಗದ ಪ್ರೇಕ್ಷಕರು ‘ಅನಿಮಲ್’ ಸಿನಿಮಾವನ್ನು ತೆಗಳುತ್ತಿದ್ದಾರೆ. ಈ ಚಿತ್ರದಲ್ಲಿ ಕ್ರೌರ್ಯದ ದೃಶ್ಯಗಳು ಅತಿಯಾಗಿವೆ. ಬೆಡ್ ರೂಂ ಸೀನ್ಗಳು ಮುಜುಗರ ತರುವಂತಿವೆ. ಬಳಸಿದ ಭಾಷೆ ಕೀಳುಮಟ್ಟದಲ್ಲಿದೆ. ಮಹಿಳೆಯರ ಪಾತ್ರಗಳನ್ನು ಅವಹೇಳನಕಾರಿಯಾಗಿ ತೋರಿಸಲಾಗಿದೆ ಎಂಬಿತ್ಯಾದಿ ಟೀಕೆಗಳು ವ್ಯಕ್ತವಾಗಿವೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
