51ನೇ ವಯಸ್ಸಿಗೆ ಮೂರನೇ ಬಾರಿ ತಂದೆ ಆಗುತ್ತಿದ್ದಾರೆ ಫರ್ಹಾನ್ ಅಖ್ತರ್?

ನಟ, ನಿರ್ದೇಶಕ ಫರ್ಹಾನ್ ಅಖ್ತರ್ ಮತ್ತು ಶಿಬಾನಿ ದಾಂಡೇಕರ್ 2022ರಲ್ಲಿ ಕೆಲವೇ ಅತಿಥಿಗಳ ಸಮ್ಮುಖದಲ್ಲಿ ವಿವಾಹವಾದರು. ಇದೀಗ ಮದುವೆಯಾಗಿ ಮೂರು ವರ್ಷಗಳ ನಂತರ ಹೊಸ ಸುದ್ದಿ ನೀಡಲಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಶಿಬಾನಿ ಜೊತೆ ಫರ್ಹಾನ್ಗೆ ಇದು ಎರಡನೇ ಮದುವೆ. ಈ ಹಿಂದೆ ಅವರು ಮೊದಲು ಕೇಶ ವಿನ್ಯಾಸಕಿ ಅಧುನಾ ಭವಾನಿ ಅವರನ್ನು ವಿವಾಹವಾದರು. ಫರ್ಹಾನ್ ಮತ್ತು ಅಧುನಾ ಅವರಿಗೆ ಶಕ್ಯಾ ಮತ್ತು ಅಕಿರಾ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ. ಮದುವೆಯಾದ 16 ವರ್ಷಗಳ ನಂತರ, ಫರ್ಹಾನ್ ಮತ್ತು ಅಧುನಾ ವಿಚ್ಛೇದನ ಪಡೆದರು. ಇದೀಗ 51ನೇ ವಯಸ್ಸಿನಲ್ಲಿ ಫರ್ಹಾನ್ ಮೂರನೇ ಬಾರಿಗೆ ತಂದೆಯಾಗಲಿದ್ದಾರೆ ಎಂಬ ಚರ್ಚೆ ಇದೆ. ಇದಕ್ಕೆ ಅವರ ಮಲತಾಯಿ ಮತ್ತು ಹಿರಿಯ ನಟಿ ಅಧುನಾ ಮೌನವಾಗಿದ್ದಾರೆ.

ಏಪ್ರಿಲ್ 2017 ರಲ್ಲಿ, ಫರ್ಹಾನ್ ಅಧುನಾಗೆ ವಿಚ್ಛೇದನ ನೀಡಿದರು. ಅದರ ನಂತರ, ಫರ್ಹಾನ್ ಮತ್ತು ಶಿಬಾನಿ ಇನ್‌ಸ್ಟಾಗ್ರಾಮ್ ಡಿಎಂ (ಡೈರೆಕ್ಟ್ ಮೆಸೇಜ್) ಮೂಲಕ ಮೊದಲ ಬಾರಿಗೆ ಪರಸ್ಪರ ಮಾತುಕತೆ ನಡೆಸಿದರು. ಈ ಸಂವಹನವು ಕ್ರಮೇಣ ಸ್ನೇಹವಾಗಿ ಮತ್ತು ನಂತರ ಪ್ರೀತಿಗೆ ತಿರುಗಿತು. ಆ ಬಳಿಕ ಇವರು ಮದುವೆ ಆದರು.

ಫರ್ಹಾನ್ ತನ್ನ 51 ನೇ ಹುಟ್ಟುಹಬ್ಬವನ್ನು 9 ಜನವರಿ 2025 ರಂದು ಆಚರಿಸಿದರು. ಇದೇ ಹುಟ್ಟುಹಬ್ಬದ ದಿನವೇ ಶಿಬಾನಿ ಪ್ರೆಗ್ನೆಂಟ್ ಎಂಬ ಮಾತು ಶುರುವಾಗಿತ್ತು. 2025ರ ಹೊಸ ವರ್ಷದಲ್ಲಿ ಶಿಬಾನಿ ಮಗುವಿಗೆ ಜನ್ಮ ನೀಡಲಿದ್ದಾರೆ ಎನ್ನಲಾಗಿದೆ. ಈ ಎಲ್ಲಾ ಚರ್ಚೆಗಳ ಬಗ್ಗೆ ಅಧುನಾ ಅಜ್ಮಿ ‘ಇ ಟೈಮ್ಸ್’ಗೆ ನೀಡಿದ ಸಂದರ್ಶನದಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಈ ಸಂದರ್ಶನದಲ್ಲಿ ಶಿಬಾನಿ ಬಗ್ಗೆ ಅಧುನಾ ಅವರನ್ನು ಕೇಳಿದಾಗ, ‘ಅದರಲ್ಲಿ ಯಾವುದೇ ಸತ್ಯವಿಲ್ಲ’ಎಂದು ಹೇಳಿದರು. ಈ ಉತ್ತರದೊಂದಿಗೆ ಅಧುನಾ ಅಜ್ಮಿ ಫರ್ಹಾನ್ ಮತ್ತು ಶಿಬಾನಿ ಶೀಘ್ರದಲ್ಲೇ ಪೋಷಕರಾಗುತ್ತಾರೆ ಎಂಬ ಮಾತಿಗೆ ಅಂತ್ಯ ಹಾಡಿದ್ದಾರೆ.

ಇದನ್ನೂ ಓದಿ:ಬಾಲಿವುಡ್​ಗೆ ಕಾಲಿಟ್ಟ ‘ಕೆಜಿಎಫ್’ ನಟಿಯ ಪುತ್ರಿ, ಜಾನ್ಹವಿ, ಸಾರಾಗೆ ನಡುಕ

ಕೆಲ ದಿನಗಳ ಹಿಂದೆ ನಟಿ ರಿಯಾ ಚಕ್ರವರ್ತಿ ಅವರ ಯೂಟ್ಯೂಬ್ ಚಾನೆಲ್‌ಗೆ ಫರ್ಹಾನ್ ಸಂದರ್ಶನ ನೀಡಿದ್ದರು. ಈ ಸಂದರ್ಶನದಲ್ಲಿ, ಅವರು ತಮ್ಮ ವಿಚ್ಛೇದನದ ಬಗ್ಗೆ ಮತ್ತು ಅದು ಅವರ ಹೆಣ್ಣುಮಕ್ಕಳ ಮೇಲೆ ಹೇಗೆ ಪರಿಣಾಮ ಬೀರಿತು ಎಂಬುದರ ಬಗ್ಗೆ ತೆರೆದಿಟ್ಟರು. ‘ವಿಚ್ಛೇದನವನ್ನು ಯಾರೂ ಅರಗಿಸಿಕೊಳ್ಳುವುದು ಸುಲಭವಲ್ಲ. ಏಕೆಂದರೆ ತುಂಬಾ ಬಲವಾದ ಮತ್ತು ಪರಿಪೂರ್ಣವೆಂದು ಭಾವಿಸುವ ಸಂಬಂಧವು ಬಿರುಕು ಬಿಡುತ್ತದೆ. ಆದ್ದರಿಂದ, ನನ್ನ ಮಕ್ಕಳಲ್ಲಿ ನನ್ನ ಬಗ್ಗೆ ಅಸಮಾಧಾನವಿದೆ. ಆದರೆ ಇಬ್ಬರೂ ಮುಕ್ತವಾಗಿ ವ್ಯಕ್ತಪಡಿಸುವುದಿಲ್ಲ. ಇದು ಸಮಯದೊಂದಿಗೆ ಉತ್ತಮವಾಗಬಹುದು. ಸಮಯ ಮತ್ತು ಸಂವಹನವು ಸ್ವಲ್ಪ ಮಟ್ಟಿಗೆ ಪರಿಸ್ಥಿತಿಯನ್ನು ಸುಧಾರಿಸುತ್ತದೆ’ ಎಂದು ಅವರು ಹೇಳಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 3:38 pm, Sun, 12 January 25