ಕಾಜಲ್​ ಸಂಸಾರದಲ್ಲಿ ಸಹೋದರಿಯ ಸ್ವಾರ್ಥ; ಬಹಿರಂಗವಾಗಿಯೇ ಹೇಳಿಕೊಂಡ ನಟಿ

ನಟಿ ಕಾಜಲ್​ ಅಗರ್​ವಾಲ್​ ಅವರು ಬಹುಭಾಷೆಯಲ್ಲಿ ಹೀರೋಯಿನ್​ ಆಗಿ ಮಿಂಚುತ್ತಿರುವಾಗಲೇ ಕಳೆದ ವರ್ಷ ಮದುವೆ ಮಾಡಿಕೊಂಡರು. ಇದು ಅವರ ಅಭಿಮಾನಿಗಳಿಗೆ ನಿಜಕ್ಕೂ ಅಚ್ಚರಿ ಮೂಡಿಸಿದ ಸಂಗತಿ. ಗೆಳಯ ಗೌತಮ್​ ಕಿಚಲು ಜೊತೆ ಅವರು ಈಗ ದಾಂಪತ್ಯ ಜೀವನ ನಡೆಸುತ್ತಿದ್ದಾರೆ. ಪತಿ ಒಪ್ಪಿಗೆ ಕೊಟ್ಟರೆ ಮಾತ್ರ ಸಿನಿಮಾಗಳಲ್ಲಿ ನಟಿಸುತ್ತೇನೆ ಎಂದು ಅವರು ಈ ಹಿಂದೆ ಹೇಳಿಕೆ ನೀಡಿದ್ದು ಕೂಡ ಅನಿರೀಕ್ಷಿತವಾಗಿತ್ತು. ಈಗ ಅವರ ಬಗ್ಗೆ ಸಹೋದರಿ ನಿಶಾ ಅಗರ್​ವಾಲ್ ಕೆಲವು ವಿಚಾರಗಳನ್ನು ಬಾಯಿ ಬಿಟ್ಟಿದ್ದಾರೆ.

2020ರ ಅಕ್ಟೋಬರ್ 30ರಂದು ಕಾಜಲ್ ಅಗರ್​ವಾಲ್​ ಮತ್ತು ಗೌತಮ್​ ಕಿಚಲು ದಾಂಪತ್ಯಕ್ಕೆ ಜೀವನಕ್ಕೆ ಕಾಲಿಟ್ಟರು. ಆದಷ್ಟು ಬೇಗ ಈ ದಂಪತಿ ಮಗು ಮಾಡಿಕೊಳ್ಳಬೇಕು ಎಂದು ಕಾಜಲ್​ ಸಹೋದರಿ ನಿಶಾ ಅಗರ್​ವಾಲ್​ ಒತ್ತಾಯ ಮಾಡುತ್ತಿದ್ದಾರೆ. ಈ ಬಗ್ಗೆ ಅವರು ಪತ್ರಿಕೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಕಾಜಲ್​ ಅಗರ್​ವಾಲ್​ ಮಗು ಮಾಡಿಕೊಳ್ಳಬೇಕು ಎಂದು ನಿಶಾ ಒತ್ತಾಯಿಸುತ್ತಿರುವುದರ ಹಿಂದೆ ಅವರ ಸ್ವಾರ್ಥ ಇದೆ. ‘ಅವಳು ಆದಷ್ಟು ಬೇಗ ಮಗುವಿಗೆ ಜನ್ಮ ನೀಡಲಿ ಎಂದು ನಾನು ಹೇಳುವುದಕ್ಕೆ ಒಂದು ಸ್ವಾರ್ಥದ ಕಾರಣ ಇದೆ. ಅವಳು ಮದುವೆ ಆದ ದಿನದಿಂದಲೂ ನಾನು ಇದನ್ನು ಹೇಳುತ್ತಲೇ ಇದ್ದೇನೆ. ಅವರು ಮಕ್ಕಳು ಪಡೆಯುವುದನ್ನು ವಿಳಂಬ ಮಾಡಿದರೆ ನನ್ನ ಮಗನಿಗೆ ಆಟವಾಡಲು ಯಾರೂ ಸಿಗುವುದಿಲ್ಲ. ಕಾಜಲ್​ ಮಗು ಮತ್ತು ನನ್ನ ಮಗನ ನಡುವೆ ವಯಸ್ಸಿನ ಅಂತರ ಆಗಿಬಿಡುತ್ತದೆ. ಅವನಿಗೆ ಈಗಾಗಲೇ 3 ವರ್ಷ ಆಗಿದೆ. ಈ ದಂಪತಿ ಸ್ವಲ್ಪ ಗಡಿಬಿಡಿ ಮಾಡಬೇಕು’ ಎಂದು ನಿಶಾ ಅಗರ್​ವಾಲ್​ ಹೇಳಿದ್ದಾರೆ.

View this post on Instagram

A post shared by Nisha Aggarwal (@nishaaggarwal)

‘ಅಮ್ಮ.. ನನಗೆ ತಂಗಿ ಅಥವಾ ತಮ್ಮ ಬೇಕು ಎಂದು ನನ್ನ ಮಗ ಇಶಾನ್​ ಹೇಳುತ್ತಿರುತ್ತಾನೆ. ಹೋಗಿ ನಿನ್ನ ಆಂಟಿಗೆ ಮನವೊಲಿಸು ಅಂತ ನಾನು ಅವನಿಗೆ ಹೇಳುತ್ತೇನೆ’ ಎಂದಿದ್ದಾರೆ ನಿಶಾ. ನಿಶಾ ಕೂಡ ಚಿತ್ರರಂಗದಲ್ಲಿ ಗುರುತಿಸಿಕೊಂಡವರು. ತೆಲುಗು, ತಮಿಳು ಮತ್ತು ಮಲಯಾಳಂ ಸೇರಿ ಕೆಲವು ಬೆರಳೆಣಿಕೆಯಷ್ಟು ಚಿತ್ರಗಳಲ್ಲಿ ನಟಿಸಿದ್ದ ಅವರು 2014ರ ಬಳಿಕ ಬಣ್ಣದ ಲೋಕದಿಂದ ದೂರ ಉಳಿದುಕೊಂಡಿದ್ದಾರೆ.

ಇದನ್ನೂ ಓದಿ:

Kajal Aggarwal: ಪತಿಗಾಗಿ ಚಿತ್ರರಂಗ ತೊರೆಯೋ ನಿರ್ಧಾರಕ್ಕೆ ಬಂದ ಕಾಜಲ್​ ಅಗರ್​ವಾಲ್​

ಅಭಿಮಾನಿಯ ನೋವಿಗೆ ಸ್ಪಂದಿಸಿದ ಕಾಜಲ್​; ಅಬ್ಬಾ ಅವರು ಮಾಡಿದ ಸಹಾಯ ಮರೆಯಂಗಿಲ್ಲ!