ಚೆನ್ನೈನಲ್ಲಿ CSK Vs RR ಮ್ಯಾಚ್​ ವೇಳೆ ‘ಸವಿ ಸವಿ ನೆನಪು..’ ಸಾಂಗ್? ಇಲ್ಲಿದೆ ಅಸಲಿಯತ್ತು

ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಆರ್​ಆರ್ (RR Movie)​​ ನಡುವಿನ ಪಂದ್ಯ ಚೆನ್ನೈನಲ್ಲಿ ನಡೆದಿದೆ. ಭಾನುವಾರ (ಮೇ 12) ಈ ಮ್ಯಾಚ್​ ನಡೆದಿದ್ದು, ಚೆನ್ನೈ ಗೆದ್ದು ಬೀಗಿದೆ. ಆರ್​ಆರ್​ ನೀಡಿದ 141 ರನ್​ಗಳ ಸ್ಕೋರ್​ನ ಕೇವಲ ಐದು ವಿಕೆಟ್ ನಷ್ಟಕ್ಕೆ ಹೊಡೆದು ಮುಗಿಸಿದೆ ಸಿಎಸ್​ಕೆ. ಓವರ್​ಗಳ ಮಧ್ಯೆ ಸಾಂಗ್ ಹಾಕಲಾಗುತ್ತದೆ. ‘ಮೈ ಆಟೋಗ್ರಾಫ್’ ಸಿನಿಮಾದ ‘ಸವಿ ಸವಿ ನೆನಪು’ ಹಾಡನ್ನು ಹಾಕಲಾಗಿದೆ ಎಂದು ಕೆಲವು ಸೋಶಿಯಲ್ ಮೀಡಿಯಾ ಪೇಜ್​ಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಇದರ ಅಸಲಿಯತ್ತು ಬೇರೆಯೇ ಇದೆ.

2006ರಲ್ಲಿ ‘ಮೈ ಆಟೋಗ್ರಾಫ್’ ಸಿನಿಮಾ ರಿಲೀಸ್ ಆಯಿತು. ಸುದೀಪ್ ಅವರು ಈ ಚಿತ್ರದಲ್ಲಿ ಮುಖ್ಯಭೂಮಿಕೆ ನಿರ್ವಹಿಸಿದ್ದರು. ಹಲವು ಬ್ರೇಕಪ್​ಗಳನ್ನು ಕಂಡಿರೋ ಕಥಾ ನಾಯಕ ನಂತರ ಮದುವೆ ಸಂದರ್ಭದಲ್ಲಿ ಮಾಜಿ ಗೆಳೆತಿಯರಿಗೆ ವಿವಾಹ ಆಮಂತ್ರಣಪತ್ರ ನೀಡಲು ತೆರಳುತ್ತಾರೆ. ಈ ರೀತಿಯಲ್ಲಿ ಸಿನಿಮಾ ಸಾಗುತ್ತದೆ. ಸಖತ್ ಭಾವನಾತ್ಮಕವಾಗಿ ಈ ಸಿನಿಮಾ ಮೂಡಿ ಬಂದಿತ್ತು. ಈ ಚಿತ್ರಕ್ಕೆ ಭಾರದ್ವಾಜ್ ಸಂಗೀತ ಸಂಯೋಜನೆ ಮಾಡಿದ್ದರು. ಈ ಸಿನಿಮಾದ ‘ಸವಿ ಸವಿ ನೆನಪು..’ ಹಾಡು ಗಮನ ಸೆಳೆದಿದೆ. ಈಗಲೂ ಕೇಳುಗರ ಫೇವರಿಟ್ ಎನಿಸಿಕೊಂಡಿದೆ. ಇದನ್ನು ಚೆನ್ನೈ ಸ್ಟೇಡಿಯಂನಲ್ಲಿ ಪ್ಲೇ ಮಾಡಲಾಗಿದೆ ಎಂದು ಹೇಳಲಾಗಿತ್ತು.

ಆರ್​ಸಿಬಿ ಹೋಂ ಗ್ರೌಂಡ್​ನಲ್ಲಿ ಮ್ಯಾಚ್ ನಡೆಯುವಾಗ ಕನ್ನಡದ ಸಾಂಗ್​ಗಳನ್ನು ಪ್ಲೇ ಮಾಡಲಾಗುತ್ತದೆ. ಚೆನ್ನೈ ಗ್ರೌಂಡ್​ನಲ್ಲಿ ತಮಿಳು ಸಾಂಗ್ ಬದಲು ಕನ್ನಡದ ಹಾಡು ಹಾಕಿದ್ದು ಏಕೆ ಎನ್ನುವ ಪ್ರಶ್ನೆಯನ್ನು ಅನೇಕರು ಕೇಳಿದ್ದರು. ಅಸಲಿಗೆ ಅಲ್ಲಿ ಪ್ಲೇ ಆಗಿದ್ದು ‘ಸವಿ ಸವಿ ನೆನಪು’ ಹಾಡು ಅಲ್ಲವೇ ಅಲ್ಲ.

View this post on Instagram

A post shared by “dhoni fan’s Bijapur district” (@dhoni_sameer_07)

‘ಮೈ ಆಟೋಗ್ರಾಫ್’ ಸಿನಿಮಾ ತಮಿಳಿನ ‘ಆಟೋಗ್ರಾಫ್’ ಚಿತ್ರದ ರಿಮೇಕ್. ಚೇರನ್ ಅವರು ಈ ಸಿನಿಮಾದಲ್ಲಿ ನಟಿಸಿದ್ದರು, ಜೊತೆಗೆ ನಿರ್ದೇಶಿಸಿದ್ದರು. ಈ ಚಿತ್ರದ ‘ಜ್ಞಾಬಗಂ ವರುದೆ..’ ಹಾಡು. ಇದನ್ನು ಚೆನ್ನೈ ಸ್ಟೇಡಿಯಂನಲ್ಲಿ ಪ್ಲೇ ಮಾಡಲಾಗಿತ್ತು. ಇದನ್ನು ಕೆಲವರು ತಪ್ಪಾಗಿ ಕೇಳಿಸಿಕೊಂಡು ‘ಚೆನ್ನೈನಲ್ಲಿ ಕನ್ನಡ ಸಾಂಗ್’ ಎಂದು ಹಾಕಿದ್ದಾರೆ. ಸದ್ಯ ಈ ವಿಡಿಯೋ ವೈರಲ್ ಆಗಿದೆ.

ಇದನ್ನೂ ಓದಿ: ವೋಟ್ ಮಾಡದೆ ಮನೆಯಲ್ಲಿ ಕುಳಿತವರ ಬಗ್ಗೆ ಕಿಚ್ಚ ಸುದೀಪ್ ಅಸಮಾಧಾನ

ಸುದೀಪ್ ಅವರು ‘ಮ್ಯಾಕ್ಸ್’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಈ ಚಿತ್ರದ ಬಗ್ಗೆ ಅಭಿಮಾನಿಗಳಿಗೆ ದೊಡ್ಡ ಮಟ್ಟದ ನಿರೀಕ್ಷೆ ಇದೆ. ಈ ಚಿತ್ರದ ಶೂಟಿಂಗ್ ಭರದಿಂದ ಸಾಗುತ್ತಿದೆ. ಈ ಚಿತ್ರದ ರಿಲೀಸ್​ಗಾಗಿ ಫ್ಯಾನ್ಸ್ ಕಾಯುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 9:52 am, Mon, 13 May 24