ವಿಜಯ್ ದೇವರಕೊಂಡ ಫ್ಯಾನ್ಸ್​ಗೆ ಖುಷಿ ಸುದ್ದಿ ಕೊಟ್ಟ ‘ಕಿಂಗ್ಡಮ್’ ನಿರ್ದೇಶಕ; ಬರಲಿದೆ ಎರಡನೇ ಪಾರ್ಟ್

‘ಕಿಂಗ್ಡಮ್’ ಸಿನಿಮಾ ಯಶಸ್ಸಿನ ಬಳಿಕ ನಿರ್ದೇಶಕ ಗೌತಮ್ ತಿನ್ನನುರಿ ಅವರು ಒಂದು ಭರ್ಜರಿ ಅಪ್​ಡೇಟ್ ಕೊಟ್ಟಿದ್ದಾರೆ. ಈ ಸಿನಿಮಾ ಗೆಲುವಿನ ಬೆನ್ನಲ್ಲೇ ‘ಕಿಂಗ್ಡಮ್ 2’ (Kingdom Movie ) ಬರಲಿದೆ ಎಂದು ಹೇಳಿದ್ದಾರೆ. ಜೊತೆಗೆ ಇದೇ ಕಥೆ ಇಟ್ಟುಕೊಂಡು ಒಂದು ಸ್ಪಿನ್ ಆಫ್ ಮಾಡುವ ಆಲೋಚನೆ ಕೂಡ ನಿರ್ದೇಶಕರಿಗೆ ಇದೆ. ಈ ವಿಚಾರ ಕೇಳಿ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಮುಂದೊಂದು ದಿನ ‘ಕಿಂಗ್ಡಮ್ 3’ ಕೂಡ ಮೂಡಿ ಬರಲಿದೆಯಂತೆ.

‘ಕಿಂಗ್ಡಮ್’ ಸಿನಿಮಾ ಜುಲೈ 31ರಂದು ರಿಲೀಸ್ ಆಯಿತು. ಮೊದಲ ದಿನವೇ ಚಿತ್ರ ವಿಶ್ವ ಬಾಕ್ಸ್ ಆಫೀಸ್​ನಲ್ಲಿ 33 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಈ ಸಿನಿಮಾದ ಕೆಲಸಗಳು ಪೂರ್ಣಗೊಳ್ಳದಿದ್ದ ಕಾರಣ ಪ್ರಚಾರದಲ್ಲಿ ಗೌತಮ್ ಭಾಗಿ ಆಗಿರಲಿಲ್ಲ. ಈಗ ಸಿನಿಮಾ ಬಳಿಕ ಅವರು ಅಪ್​ಡೇಟ್ ಒಂದನ್ನು ನೀಡಿದ್ದಾರೆ.

‘ಕಿಂಗ್ಡಮ್’ ಸಿನಿಮಾ ಎರಡು ಭಾಗದಲ್ಲಿ ಮಾಡುವ ಆಲೋಚನೆ ಗೌತಮ್​ಗೆ ಇತ್ತು. ಮೊದಲ ಪಾರ್ಟ್​​ನ ಕೊನೆಯಲ್ಲಿ ಸೇತು ಹೆಸರಿನ ವಿಲನ್ ಪಾತ್ರ ಪರಿಚಯಿಸಲಾಗಿದೆ. ಈತ ವಿಲನ್​ನ ಅಣ್ಣ. ಎರಡನೇ ಪಾರ್ಟ್​ನಲ್ಲಿ ಸೂರಿ (ವಿಜಯ್ ದೇವರಕೊಂಡ) ಹಾಗೂ ಸೇತು ನಡುವಿನ ತಿಕ್ಕಾಟವನ್ನು ಹೈಲೈಟ್ ಮಾಡಲಾಗುತ್ತದೆ. ಈ ಸಿನಿಮಾ ಮಾಡುವುದಕ್ಕೂ ಮೊದಲು ಸೇತು ಪಾತ್ರವನ್ನು ಕೇಂದ್ರೀಕರಿಸಿ ಒಟಿಟಿಗಾಗಿ ಗೌತಮ್ ಒಂದು ಸಿನಿಮಾ ಮಾಡಲಿದ್ದಾರೆ.

ಮೊದಲ ಪಾರ್ಟ್​​ನಲ್ಲಿ ಸಮಯದ ಅಭಾವದಿಂದ ಅನೇಕ ದೃಶ್ಯಗಳನ್ನು ಟ್ರಿಮ್ ಮಾಡಲಾಗಿದೆ. ಹೀಗಾಗಿ, ಒಟಿಟಿ ಪ್ರೀಕ್ವೆಲ್ ಈ ಗ್ಯಾಪ್​ನ ಮುಚ್ಚಲಿದೆ. ಹೀಗಾಗಿ, ಎರಡನೇ ಪಾರ್ಟ್​ ಮಾಡುವುದಕ್ಕೂ ಮೊದಲು ಒಟಿಟಿಗಾಗಿ ಒಂದು ವಿಶೇಷ ಸಿನಿಮಾ ರೆಡಿ ಆಗಲಿದೆ. ನಿರ್ಮಾಪಕ ನಾಗ ವಂಶಿ ಅವರು ಈ ವಿಚಾರವನ್ನು ಖಚಿತಪಡಿಸಿದ್ದಾರೆ. ಆದರೆ, ಸೇತು ಪಾತ್ರವನ್ನು ಯಾರು ಮಾಡುತ್ತಾರೆ ಎಂಬ ವಿಚಾರ ಇನ್ನೂ ರಿವೀಲ್ ಆಗಿಲ್ಲ.

ಇದನ್ನೂ ಓದಿ:‘ಕಿಂಗ್ಡಮ್’ ಪರಿಣಾಮ, ನಟಿ ಭಾಗ್ಯಶ್ರೀಗೆ ಸಿಕ್ಕಿತು ಮತ್ತೊಂದು ದೊಡ್ಡ ಅವಕಾಶ 

ಈ ಚಿತ್ರಕ್ಕೆ ಮೂರು ಪಾರ್ಟ್ ಮಾಡುವ ಆಲೋಚನೆ ಕೂಡ ಇದೆಯಂತೆ. ಇದು ಪ್ರೀಕ್ವೆಲ್ ಆಗಿರಲಿದೆ. ‘ಕಿಂಗ್ಡಮ್’ ಹೇಗೆ ಹುಟ್ಟಿತು ಎಂಬಿತ್ಯಾದಿ ಕಥೆಗಳ ಮೇಲೆ ಸಿನಿಮಾ ಸಾಗಲಿದೆ. ಆದರೆ, ಇನ್ನೂ ಯಾವುದೂ ಫೈನಲ್ ಆಗಿಲ್ಲ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.