ಸಿನಿಮಾ ಗೆಲ್ಲದಿದ್ದರೂ 500 ಕೋಟಿ ರೂ. ಒಡೆಯ ಅರ್ಬಾಜ್ ಖಾನ್; 58ನೇ ವಯಸ್ಸಿಗೆ ತಂದೆ

ನಟ ಅರ್ಬಾಜ್ ಖಾನ್ ಇಂದು ತಮ್ಮ 58 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಅರ್ಬಾಜ್ ಖಾನ್ (Arbaz Khan) ಆಗಸ್ಟ್ 4, 1967 ರಂದು ಪುಣೆಯಲ್ಲಿ ಜನಿಸಿದರು. ಅರ್ಬಾಜ್ ಅನೇಕ ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸುವ ಮೂಲಕ ತಮ್ಮ ಅಭಿಮಾನಿಗಳನ್ನು ರಂಜಿಸಲು ಪ್ರಯತ್ನಿಸಿದರು. ಆದರೆ ನಟ ವಿಫಲರಾದರು. ಅರ್ಬಾಜ್ ಖಾನ್ ತಮ್ಮ ಸಹೋದರ ಸಲ್ಮಾನ್ ಖಾನ್ ಅವರಂತೆ ಜನಪ್ರಿಯತೆ ಮತ್ತು ಖ್ಯಾತಿಯನ್ನು ಎಂದಿಗೂ ಪಡೆಯಲಿಲ್ಲ. ಅವರು ಖಾಸಗಿ ಜೀವನದಿಂದಲೇ ಹೆಚ್ಚು ಸುದ್ದಿಯಲ್ಲಿದ್ದಾರೆ.

ಅರ್ಬಾಜ್ ಖಾನ್ ಅವರ  ಪೂರ್ಣ ಹೆಸರು ಅರ್ಬಾಜ್ ಸಲೀಂ ಅಬ್ದುಲ್ ರಶೀದ್ ಖಾನ್. ಬಾಲಿವುಡ್ ಜೊತೆಗೆ, ಅರ್ಬಾಜ್ ದಕ್ಷಿಣ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಅರ್ಬಾಜ್ 1996 ರಲ್ಲಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ‘ದಾರಾರ್’ ಅವರ ಮೊದಲ ಚಿತ್ರ. ನಟನಾ ಕ್ಷೇತ್ರದಲ್ಲಿ ಯಶಸ್ಸು ಸಿಗದ ಕಾರಣ, ಅರ್ಬಾಜ್ ನಿರ್ಮಾಣ ಕ್ಷೇತ್ರದತ್ತ ಗಮನ ಹರಿಸಿದರು. ‘ದಬಾಂಗ್’ ಚಿತ್ರವನ್ನು ನಿರ್ಮಾಣ ಜವಾಬ್ದಾರಿಯನ್ನು ಅರ್ಬಾಜ್ ಹೊಂದಿದ್ದರು.

ಅರ್ಬಾಜ್ ಖಾನ್ ಎರಡು ಬಾರಿ ವಿವಾಹವಾದರು. ಅರ್ಬಾಜ್ ಮತ್ತು ಮಲೈಕಾ ಮೊದಲ ಬಾರಿಗೆ 1993 ರಲ್ಲಿ ಭೇಟಿಯಾದರು. ಅರ್ಬಾಜ್ 1998 ರಲ್ಲಿ ನಟಿ ಮಲೈಕಾ ಅರೋರಾ ಅವರನ್ನು ವಿವಾಹವಾದರು. ಈ ದಂಪತಿಗೆ ಒಂದು ಮಗು ಇದೆ. 19 ವರ್ಷಗಳ ದಾಂಪತ್ಯದ ನಂತರ, ಅರ್ಬಾಜ್-ಮಲೈಕಾ ಬೇರೆಯಾಗಲು ನಿರ್ಧರಿಸಿದರು. 2017ರಲ್ಲಿ, ಅರ್ಬಾಜ್-ಮಲೈಕಾ ತಮ್ಮ ವಿಚ್ಛೇದನವನ್ನು ಘೋಷಿಸಿದರು.

ಇದನ್ನೂ ಓದಿ

ಲಾಭದಲ್ಲೇ ಇದೆ ಯಶ್ ತಾಯಿ ನಿರ್ಮಾಣದ ‘ಕೊತ್ತಲವಾಡಿ’ ಸಿನಿಮಾ?

ಭಾನುವಾರ ಒಂದೇ ದಿನ ಬಜೆಟ್​ಗೂ ಡಬಲ್ ಕಲೆಕ್ಷನ್ ಮಾಡಿದ ‘ಸು ಫ್ರಮ್ ಸೋ’

ಸಮಂತಾ ಕೈಯಲ್ಲಿ ಹೊಸ ಉಂಗುರ; ಹುಟ್ಟಿತು ನಿಶ್ಚಿತಾರ್ಥದ ಚರ್ಚೆ

‘ಸು ಫ್ರಮ್ ಸೋ’ ಗೆದ್ದ ಖುಷಿಯಲ್ಲಿ ಬಾವ ಹೇಳೋದೇನು? ಯಾರಿವರು?

ಅರ್ಬಾಜ್ ಖಾನ್ 56 ನೇ ವಯಸ್ಸಿನಲ್ಲಿ ಮೇಕಪ್ ಕಲಾವಿದೆ ಶುರಾ ಖಾನ್ ಅವರನ್ನು ಎರಡನೇ ಬಾರಿಗೆ ವಿವಾಹವಾದರು. ಶುರಾ ಮತ್ತು ಅರ್ಬಾಜ್ ಅವರ ಮದುವೆಗೆ ಕೆಲವು ಬಾಲಿವುಡ್ ಸೆಲೆಬ್ರಿಟಿಗಳನ್ನು ಆಹ್ವಾನಿಸಲಾಗಿತ್ತು. ಅವರ ವಿವಾಹದ ಅನೇಕ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದವು. ಈಗ 58ನೇ ವಯಸ್ಸಿಗೆ ಅರ್ಬಾಜ್ ತಂದೆ ಆಗುತ್ತಿದ್ದಾರೆ. ಇದು ಅನೇಕರಿಗೆ ಅಚ್ಚರಿ ತಂದಿದೆ.

ಇದನ್ನೂ ಓದಿ: ಅರ್ಬಾಜ್ ಖಾನ್ ಮೂರನೇ ಮದುವೆ ಯಾವಾಗ? ಉತ್ತರಿಸಿದ ನಟ

ಸಿನಿಮಾದಲ್ಲಿ ಹೆಸರು ಮಾಡದೇ ಇದ್ದರೂ ಆಸ್ತಿ ವಿಚಾರದಲ್ಲಿ ಅರ್ಬಾಜ್ ಅವರು ಅನೇಕ ಪ್ರಸಿದ್ಧ ಸೆಲೆಬ್ರಿಟಿಗಳನ್ನು ಹಿಂದಿಕ್ಕಿದ್ದಾರೆ. ವರದಿಗಳ ಪ್ರಕಾರ, ಅರ್ಬಾಜ್ ಅವರ ಒಟ್ಟು ಸಂಪತ್ತು 500 ಕೋಟಿ ರೂಪಾಯಿ ಆಗಿದೆ. ಚಲನಚಿತ್ರಗಳ ಹೊರತಾಗಿ, ಅವರು ಬ್ರಾಂಡ್ ಪ್ರಚಾರ, ಉದ್ಯಮದ ಮೂಲಕ ಹಣ ಗಳಿಸುತ್ತಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:47 am, Mon, 4 August 25