Kingdom Movie

‘ಕಿಂಗ್‌ಡಮ್’ ಮುಂಬರುವ ಆ್ಯಕ್ಷನ್ ಚಿತ್ರ. ವಿಜಯ್ ದೇವರಕೊಂಡ ಅವರು ಈ ಚಿತ್ರದಲ್ಲಿ ಪ್ರಬಲ ಪಾತ್ರ ಮಾಡಿದ್ದಾರೆ. ರೆಟ್ರೋ ಶೈಲಿಯಲ್ಲಿ ಸಿನಿಮಾ ಮೂಡಿ ಬಂದಿದೆ. ತನ್ನ ಭೂಮಿ ಮತ್ತು ಜನರನ್ನು ಆಕ್ರಮಣಕಾರರಿಂದ ರಕ್ಷಿಸಲು ಉಗ್ರ ಯೋಧನಾಗಿ ವಿಜಯ್ ಬದಲಾಗುತ್ತಾರೆ. ಭವ್ಯ ದೃಶ್ಯಗಳು, ಯುದ್ಧ ಸನ್ನಿವೇಶಗಳು ಮತ್ತು ಬಿಗಿಯಾದ ಕಥಾಹಂದರದೊಂದಿಗೆ ‘ಕಿಂಗ್‌ಡಮ್’ ಗಮನ ಸೆಳೆದಿದೆ. ದೇಶಭಕ್ತಿ, ನಾಟಕ ಮತ್ತು ಶೌರ್ಯದ ವಿಷಯವನ್ನು ಸಿನಿಮಾ ಹೊಂದಿದೆ. ಗೌತಮ್ ತಿನ್ನನುರಿ ನಿರ್ದೇಶನ ಮಾಡಿದ್ದಾರೆ. ಜುಲೈ 31ರಂದು ಸಿನಿಮಾ ರಿಲೀಸ್ ಆಗಲಿದೆ. ಈ ಚಿತ್ರದ ಬಜೆಟ್ 100 ಕೋಟಿ ರೂಪಾಯಿ. ಈ ಚಿತ್ರವನ್ನು ನಾಗ ವಂಶಿ ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರದ ಮೂಲಕ ವಿಜಯ್ ದೇವರಕೊಂಡ ಅವರು ಗೆಲ್ಲುವ ಭರವಸೆಯಲ್ಲಿ ಇದ್ದಾರೆ. ಈ ಸಿನಿಮಾದಲ್ಲಿ ಸತ್ಯದೇವ್, ಭಾಗ್ಯಶ್ರೀ ಬೋರ್ಸೆ, ಬಾಬುರಾಜ್ ಮೊದಲಾದವರು ನಟಿಸಿದ್ದಾರೆ.