Sai Pallavi: ಮೆಹಂದಿ ಹಾಕಿಕೊಂಡು ಮದುವೆ ಸಂಭ್ರಮಕ್ಕೆ ಸಜ್ಜಾದ ಸಾಯಿ ಪಲ್ಲವಿ; ಫೋಟೋ ವೈರಲ್​

ಲಾಕ್​ಡೌನ್​ನಲ್ಲಿ ಅನೇಕ ನಟಿಯರು ಸದ್ದಿಲ್ಲದೇ ಮದುವೆ ಆಗುತ್ತಿದ್ದಾರೆ. ಕೆಲವೇ ದಿನಗಳ ಹಿಂದೆ ಪ್ರಣಿತಾ ಸುಭಾಷ್​, ಯಾಮಿ ಗೌತಮ್​ ಮುಂತಾದವರು ಸೈಲೆಂಟ್ ಆಗಿ ಹಸೆಮಣೆ ಏರಿದ್ದರು. ಸಿಂಪಲ್​ ಆಗಿ ಮದುವೆ ಆಗುವ ಸೆಲೆಬ್ರಿಟಿಗಳ ಪಟ್ಟಿ ಬೆಳೆಯುತ್ತಲೇ ಇರುವಾಗ ನಟಿ ಸಾಯಿ ಪಲ್ಲವಿ ಮೆಹಂದಿ ಧರಿಸಿ ಅಚ್ಚರಿ ಮೂಡಿಸಿದ್ದಾರೆ. ಹಾಗಂತ ಸ್ವತಃ ಸಾಯಿ ಪಲ್ಲವಿ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿಲ್ಲ. ಸದ್ಯ ಅವರು ಸಂಬಂಧಿಕರ ಮದುವೆಗಾಗಿ ಸಜ್ಜಾಗಿದ್ದಾರೆ.

ಲಾಕ್​ಡೌನ್​ನಲ್ಲಿ ಕೆಲವು ದಿನಗಳಿಂದ ಸಾಯಿ ಪಲ್ಲವಿ ಅವರು ತಮ್ಮ ಕಸಿನ್ಸ್​ ಜೊತೆ ಕಾಲ ಕಳೆಯುತ್ತಿದ್ದಾರೆ. ಇತ್ತೀಚೆಗೆ ಕ್ಯಾಂಡಿಡ್​ ಗ್ರೂಪ್​ ಫೋಟೋಗಳನ್ನು ಹಂಚಿಕೊಂಡಿದ್ದ ಅವರು ‘ಮದುವೆ ಸ್ಕ್ವಾಡ್​’ ಎಂದು ಕ್ಯಾಪ್ಷನ್​ ನೀಡಿದ್ದರು. ಈಗ ಮೆಹಂದಿ ಸಂಭ್ರಮದ ಕ್ಷಣಗಳ ಫೋಟೋವನ್ನು ಅವರು ಶೇರ್​ ಮಾಡಿಕೊಂಡಿದ್ದಾರೆ. ಇದನ್ನು ಕಂಡ ಹಲವರು ಒಮ್ಮೆಲೇ ಅಚ್ಚರಿ ಪಟ್ಟಿದ್ದಾರೆ. ಸೈಲೆಂಟ್​ ಆಗಿ ಸಾಯಿ ಪಲ್ಲವಿ ಹಸೆಮಣೆ ಏರಬಹುದೇ ಎಂಬ ಗುಮಾನಿ ಅನೇಕರಿಗೆ ಒಂದು ಕ್ಷಣ ಕಾಡಿರಬಹುದು. ಆದರೆ ಅವರು ಈ ರೀತಿ ಮೆಹಂದಿ ಹಚ್ಚಿಕೊಂಡು ಸಜ್ಜಾಗಿರುವುದು ಕಸಿನ್ ಮದುವೆಗೆ ಎನ್ನಲಾಗಿದೆ.

ಈ ಮದುವೆಯ ಬಗ್ಗೆ ಸಾಯಿ ಪಲ್ಲವಿ ಇನ್ನಷ್ಟೇ ಹೆಚ್ಚಿನ ಮಾಹಿತಿ ಹಂಚಿಕೊಳ್ಳಬೇಕಿದೆ. ಶೀಘ್ರವೇ ಅವರು ಮತ್ತಷ್ಟು ಫೋಟೋಗಳನ್ನು ಶೇರ್​ ಮಾಡಿಕೊಳ್ಳುತ್ತಾರೆಂಬ ನಿರೀಕ್ಷೆಯಲ್ಲಿ ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ. ದಕ್ಷಿಣ ಭಾರತದಲ್ಲಿ ಸಾಯಿ ಪಲ್ಲವಿಗೆ ಸಿಕ್ಕಾಪಟ್ಟೆ ಬೇಡಿಕೆ ಇದೆ. ಮಲಯಾಳಂನ ‘ಪ್ರೇಮಂ’ ಸಿನಿಮಾದಿಂದ ಭಾರಿ ಜನಪ್ರಿಯತೆ ಗಳಿಸಿದ ಅವರು ಈಗ ತೆಲುಗು ಮತ್ತು ತಮಿಳು ಚಿತ್ರರಂಗದಲ್ಲಿ ಮಿಂಚುತ್ತಿದ್ದಾರೆ.

‘ಲವ್​ ಸ್ಟೋರಿ’ ಸಿನಿಮಾದಲ್ಲಿ ನಾಗ ಚೈತನ್ಯ ಜೊತೆ, ವಿರಾಟ ಪರ್ವಂ ಸಿನಿಮಾದಲ್ಲಿ ರಾಣಾ ದಗ್ಗುಬಾಟಿ ಜೊತೆ ಅವರು ತೆರೆಹಂಚಿಕೊಂಡಿದ್ದಾರೆ. ನಾನಿ ಜೊತೆ ನಟಿಸುತ್ತಿರುವ ‘ಶ್ಯಾಮ್​ ಸಿಂಗ್​ ರಾಯ್​’ ಸಿನಿಮಾ ಕೂಡ ಸಿಕ್ಕಾಪಟ್ಟೆ ನಿರೀಕ್ಷೆ ಹುಟ್ಟುಹಾಕಿದೆ. ಹೀಗೆ ಸಿನಿಮಾ ಮತ್ತು ಪಾತ್ರಗಳ ಆಯ್ಕೆಯಲ್ಲಿ ತುಂಬ ಕಾಳಜಿ ವಹಿಸುತ್ತ, ಮುಂದೆ ಸಾಗುತ್ತಿರುವ ಸಾಯಿ ಪಲ್ಲವಿ ಸದ್ಯಕ್ಕಂತೂ ಮದುವೆ ಯೋಚನೆ ಮಾಡುವುದು ಅನುಮಾನ. ಎಲ್ಲಕ್ಕಿಂತ ಹೆಚ್ಚಾಗಿ ಈಗಿನ್ನೂ ಅವರಿಗೆ 29ರ ಪ್ರಾಯ.

ಇದನ್ನೂ ಓದಿ:

Sai Pallavi: ಸಾಯಿ ಪಲ್ಲವಿಗೆ ಜೋಡಿಯಾದ ಕ್ರಿಕೆಟಿಗ ಡೇವಿಡ್​ ವಾರ್ನರ್​; ಫ್ಯಾನ್ಸ್​ ಮೆಚ್ಚಿದ ವಿಡಿಯೋ ವೈರಲ್​

ಸಾಯಿ ಪಲ್ಲವಿ ದುಬಾರಿ ಸೀರೆ; ಆದರೆ ವೈರಲ್​ ಆಗಿರುವ ವಿಚಾರವೇ ಬೇರೆ!