Sai Pallavi: ಸಾಯಿ ಪಲ್ಲವಿಗೆ ಜೋಡಿಯಾದ ಕ್ರಿಕೆಟಿಗ ಡೇವಿಡ್​ ವಾರ್ನರ್​; ಫ್ಯಾನ್ಸ್​ ಮೆಚ್ಚಿದ ವಿಡಿಯೋ ವೈರಲ್​

David Warner: ಐಪಿಎಲ್​ ಮೂಲಕ ಭಾರತಕ್ಕೆ ಡೇವಿಡ್ ವಾರ್ನರ್​ ಹೆಚ್ಚು ಹತ್ತಿರ ಆಗಿದ್ದಾರೆ. ಇಲ್ಲಿನ ಸಿನಿಮಾಗಳ ಬಗ್ಗೆಯೂ ಅವರಿಗೆ ಕ್ರೇಜ್​ ಶುರುವಾಗಿದೆ. ಬಾಲಿವುಡ್ ಮತ್ತು ದಕ್ಷಿಣ ಭಾರತದ ಕೆಲವು ಜನಪ್ರಿಯ ಸಿನಿಮಾಗಳ ದೃಶ್ಯಗಳಿಗೆ ಅವರು ಮಾರುಹೋಗಿದ್ದಾರೆ.

Sai Pallavi: ಸಾಯಿ ಪಲ್ಲವಿಗೆ ಜೋಡಿಯಾದ ಕ್ರಿಕೆಟಿಗ ಡೇವಿಡ್​ ವಾರ್ನರ್​; ಫ್ಯಾನ್ಸ್​ ಮೆಚ್ಚಿದ ವಿಡಿಯೋ ವೈರಲ್​
ಡೇವಿಡ್ ವಾರ್ನರ್ - ಸಾಯಿ ಪಲ್ಲವಿ
Madan Kumar

| Edited By: Apurva Kumar Balegere

May 21, 2021 | 2:53 PM

ಕ್ರಿಕೆಟಿಗರಿಗೂ ಸಿನಿಮಾ ಮಂದಿಗೂ ಒಳ್ಳೆಯ ಒಡನಾಟ ಇದ್ದೇ ಇರುತ್ತದೆ. ಆದರೆ ಆಸ್ಟ್ರೇಲಿಯನ್​ ಕ್ರಿಕೆಟರ್​ ಡೇವಿಡ್​ ವಾರ್ನರ್​ಗೂ ದಕ್ಷಿಣ ಭಾರತದ ಸ್ಟಾರ್​ ನಟಿ ಸಾಯಿ ಪಲ್ಲವಿಗೂ ಏನು ಸಂಬಂಧ? ಸದ್ಯ ಅವರಿಬ್ಬರೂ ಜೋಡಿಯಾಗಿ ಕುಣಿದಿರುವ ಒಂದು ವಿಡಿಯೋ ವೈರಲ್​ ಆಗಿದೆ. ಇದು ಯಾವ ಸಿನಿಮಾದ ವಿಡಿಯೋ ಎಂದು ತಲೆ ಕೆಡಿಸಿಕೊಳ್ಳಬೇಕಿಲ್ಲ. ಡೇವಿಡ್​ ವಾರ್ನರ್​ ಅವರ ಇನ್​ಸ್ಟಾಗ್ರಾಮ್​ ಖಾತೆಯನ್ನು ಗಮನಿಸಿದರೆ ಅದರ ಸತ್ಯ ಏನೆಂಬುದು ಗೊತ್ತಾಗುತ್ತದೆ. ಸದ್ಯಕ್ಕಂತೂ ಆ ವಿಡಿಯೋವನ್ನು ಡೇವಿಡ್​ ವಾರ್ನರ್​ ಮತ್ತು ಸಾಯಿ ಪಲ್ಲವಿ ಅಭಿಮಾನಿಗಳು ಶೇರ್​ ಮಾಡಿಕೊಳ್ಳುತ್ತಿದ್ದಾರೆ.

ಐಪಿಎಲ್​ ಮೂಲಕ ಭಾರತಕ್ಕೆ ಡೇವಿಡ್ ವಾರ್ನರ್​ ಹೆಚ್ಚು ಹತ್ತಿರ ಆಗಿದ್ದಾರೆ. ಇಲ್ಲಿನ ಸಿನಿಮಾಗಳ ಬಗ್ಗೆಯೂ ಅವರಿಗೆ ಕ್ರೇಜ್​ ಶುರುವಾಗಿದೆ. ಬಾಲಿವುಡ್ ಮತ್ತು ದಕ್ಷಿಣ ಭಾರತದ ಕೆಲವು ಜನಪ್ರಿಯ ಸಿನಿಮಾಗಳ ದೃಶ್ಯಗಳಿಗೆ ಫೇಸ್​ಆ್ಯಪ್​ ಮೂಲಕ ತಮ್ಮ ಮುಖವನ್ನು ಜೋಡಿಸಿ ಅವರು ಅಭಿಮಾನಿಗಳಿಗೆ ಮನರಂಜನೆ ನೀಡುತ್ತಿದ್ದಾರೆ.

ಈ ಹಿಂದೆಯೂ ಅವರು ಹಲವು ವಿಡಿಯೋಗಳನ್ನು ಶೇರ್​ ಮಾಡಿಕೊಂಡಿದ್ದರು. ಈಗ ಅಭಿಮಾನಿಗಳ ಒತ್ತಾಯದ ಮೇರೆಗೆ ‘ಮಾರಿ 2’ ಸಿನಿಮಾದ ರೌಡಿ ಬೇಬಿ ಹಾಡಿಗೆ ಅವರು ತಮ್ಮ ಮುಖ ಜೋಡಿಸಿದ್ದಾರೆ. ಧನುಷ್​ ಬದಲಿಗೆ ಸಾಯಿ ಪಲ್ಲವಿ ಪಕ್ಕದಲ್ಲಿ ವಾರ್ನರ್​ ಡ್ಯಾನ್ಸ್​ ಮಾಡುತ್ತಿರುವ ವಿಡಿಯೋ ಕಂಡು ಫ್ಯಾನ್ಸ್​ ಚಪ್ಪಾಳೆ ಹೊಡೆಯುತ್ತಿದ್ದಾರೆ.

‘ಕೆಜಿಎಫ್: ಚಾಪ್ಟರ್​ 2’​ ಸಿನಿಮಾದ ಟೀಸರ್​ ರಿಲೀಸ್​ ಆಗಿ ದೊಡ್ಡಮಟ್ಟದಲ್ಲಿ ಸೌಂಡು ಮಾಡಿತ್ತು. ಅದು ಡೇವಿಡ್​ ವಾರ್ನರ್​ ಗಮನವನ್ನೂ ಸೆಳೆದಿತ್ತು. ಆ ಟೀಸರ್​ನಲ್ಲಿ ಬೆಂಕಿಯಂತೆ ಸುಡುತ್ತಿರುವ ಗನ್​ ನಳಿಕೆಯಿಂದ ರಾಖಿ ಭಾಯ್​ ಸಿಗರೇಟ್​ ಹಚ್ಚಿಕೊಳ್ಳುವ ಶಾಟ್​ಗೆ ಡೇವಿಡ್​ ವಾರ್ನರ್​ ಫೇಸ್​ಆ್ಯಪ್​ ಮಾಡಿದ್ದರು. ಅದನ್ನು ಕೂಡ ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಂಡಿದ್ದರು. ಆ ಮೂಲಕ ಆಸ್ಟ್ರೇಲಿಯಾ ಮಂದಿ ಕೂಡ ‘ಕೆಜಿಎಫ್​: ಚಾಪ್ಟರ್​ 2’ ಬಗ್ಗೆ ಕ್ರೇಜ್​ ಹೆಚ್ಚಿಸಿಕೊಳ್ಳುವಂತೆ ಅವರು ಮಾಡಿದ್ದರು. ಆ ವಿಡಿಯೋವನ್ನು ಕೂಡ ಅಭಿಮಾನಿಗಳು ಶೇರ್​ ಮಾಡಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ:

ಸಾಯಿ ಪಲ್ಲವಿ ದುಬಾರಿ ಸೀರೆ; ಆದರೆ ವೈರಲ್​ ಆಗಿರುವ ವಿಚಾರವೇ ಬೇರೆ!

ನಗ್ನ ವಿಡಿಯೋ ಲೀಕ್​; 4 ದಿನ ಮನೆಯಿಂದ ಹೊರಬಂದಿರಲಿಲ್ಲ ನಟಿ ರಾಧಿಕಾ ಆಪ್ಟೆ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada