Marakkar: ಇದುವರೆಗೆ ಯಾವ ಭಾರತೀಯ ಚಿತ್ರವೂ ಮಾಡಿರದ ದಾಖಲೆ ‘ಮರಕ್ಕಾರ್’ ಪಾಲು; ಏನಿದು ಸಮಾಚಾರ?

ಮೋಹನ್​ಲಾಲ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ‘ಮರಕ್ಕಾರ್: ಲಯನ್ ಆಫ್​ ದಿ ಅರೇಬಿಯನ್ ಸೀ’ ಚಿತ್ರ ಇಂದು (ಡಿ.02) ಬಿಡುಗಡೆಯಾಗಿದೆ. ಚಿತ್ರದ ಅದ್ದೂರಿತನಕ್ಕೆ ಹಾಗೂ ದೃಶ್ಯ ವೈಭವಕ್ಕೆ ಜನರು ಫುಲ್ ಮಾರ್ಕ್ಸ್ ನೀಡಿದ್ದಾರೆ. ಜೊತೆಗೆ ಚಿತ್ರ ಕಟ್ಟಿಕೊಟ್ಟ ಬಗೆಯನ್ನು ಇಷ್ಟಪಟ್ಟಿದ್ದಾರೆ. ಇಂತಿಪ್ಪ ‘ಮರಕ್ಕಾರ್’ ಬಿಡುಗಡೆಗೂ ಮುನ್ನವೇ ದಾಖಲೆಯೊಂದು ಬರೆದಿತ್ತು. ಹೌದು. ನಿನ್ನೆ (ಡಿ.01) ಮೋಹನ್​ಲಾಲ್ ಟ್ವೀಟ್ ಮೂಲಕ ಚಿತ್ರ ಸೃಷ್ಟಿಸಿದ ಅಪೂರ್ವ ದಾಖಲೆಯ ಕುರಿತು ಮಾಹಿತಿ ಹಂಚಿಕೊಂಡರು. ಕೇವಲ ಪ್ರಿ-ಬುಕ್ಕಿಂಗ್ ಮೂಲಕ ಚಿತ್ರವು ₹ 100 ಕೋಟಿ ಕ್ಲಬ್ ಸೇರಿದೆ. ಅಲ್ಲದೇ ಈ ದಾಖಲೆ ರಚಿಸಿದ ಭಾರತದ ಮೊದಲ ಚಿತ್ರ ಎಂಬ ಹೆಗ್ಗಳಿಕೆಗೆ ‘ಮರಕ್ಕಾರ್’ ಪಾತ್ರವಾಗಿದೆ. ಮೋಹನ್​ಲಾಲ್ ಟ್ವೀಟ್ ಮೂಲಕ ಅಂಕಿಅಂಶವನ್ನು ವಿವರಿಸಿದ್​ದಾರೆ. ಚಿತ್ರವು ವಿಶ್ವಾದ್ಯಂತ 4,100 ಸ್ಕ್ರೀನ್​ಗಳಲ್ಲಿ ತೆರೆಕಾಣುತ್ತಿದ್ದು, ದಿನವೊಂದಕ್ಕೆ 16,000 ಪ್ರದರ್ಶನ ಕಾಣಲಿದೆ. ಈ ಮೂಲಕ ಚಿತ್ರವು ಬಿಡುಗಡೆಗೂ ಮುನ್ನ ಬುಕ್ಕಿಂಗ್​ನಿಂದಲೇ ₹ 100 ಕೋಟಿ ಬಾಚಿಕೊಂಡಿದೆ ಎಂದು ಚಿತ್ರತಂಡ ತಿಳಿಸಿದೆ.

16ನೇ ಶತಮಾನದಲ್ಲಿ ಪೋರ್ಚುಗೀಸರ ವಿರುದ್ಧ ನೌಕಾಪಡೆಯನ್ನು ಕಟ್ಟಿ ಹೋರಾಡಿದ ‘ಕುಂಜಲಿ ಮರಕ್ಕಾರ್ IV’ ಕತೆಯನ್ನು ಚಿತ್ರವು ಒಳಗೊಂಡಿದೆ. ಪ್ರಿಯದರ್ಶನ್ ನಿರ್ದೇಶಿಸಿರುವ ಈ ಚಿತ್ರ ಕಳೆದ ವರ್ಷವೇ ಬಿಡುಗಡೆಯಾಗಬೇಕಿತ್ತು. ಆದರೆ ಕೊರೊನಾ ಕಾರಣದಿಂದ ಮುಂದೂಡಲ್ಪಟ್ಟಿತ್ತು. ಈ ವರ್ಷ ಒಟಿಟಿಯಲ್ಲಿ ಬಿಡುಗಡೆ ಮಾಡಲು ಚಿತ್ರತಂಡ ಯೋಜಿಸಿತ್ತು. ಕೊನೆಗೆ ಸರ್ಕಾರ ಹಾಗೂ ಚಿತ್ರರಂಗದ ಗಣ್ಯರ ಮಧ್ಯಸ್ಥಿಕೆಯಿಂದ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಯಿತು. ಈ ನಡೆ ಇದೀಗ ಫಲ ನೀಡಿದ್ದು, ಚಿತ್ರತಂಡ ಗಲ್ಲಾಪೆಟ್ಟಿಗೆಯಲ್ಲಿ ಮುನ್ನುಗ್ಗುತ್ತಿದೆ. ಅಲ್ಲದೇ ಭಾನುವಾರದವರೆಗೆ ಚಿತ್ರದ ಟಿಕೇಟ್​ಗಳು ಈಗಾಗಲೇ ಮುಂಗಡವಾಗಿ ಬುಕ್ಕಿಂಗ್ ಆಗಿದೆ ಎನ್ನಲಾಗಿದೆ.

ಮೋಹನ್​ಲಾಲ್ ಹಂಚಿಕೊಂಡಿರುವ ಟ್ವೀಟ್:

‘ಮರಕ್ಕಾರ್’ ಚಿತ್ರವು ಮಲಯಾಳಂ ಚಿತ್ರರಂಗದ ಇತಿಹಾಸದಲ್ಲೇ ಅದ್ದೂರಿ ಬಜೆಟ್​ ಚಿತ್ರವಾಗಿದೆ. ಚಿತ್ರಕ್ಕೆ ಸುಮಾರು ₹ 100 ಕೋಟಿಗೂ ಅಧಿಕ ಮೊತ್ತವನ್ನು ವ್ಯಯಿಸಲಾಗಿದೆ. ಚಿತ್ರವು ಮಲಯಾಳಂ, ಕನ್ನಡ, ತಮಿಳು, ತೆಲುಗು, ಹಿಂದಿ ಹಾಗೂ ಇಂಗ್ಲೀಷ್​ನಲ್ಲಿ ವಿಶ್ವದಾದ್ಯಂತ ಬಿಡುಗಡೆಯಾಗಿದೆ.

ಇದನ್ನೂ ಓದಿ:

Marakkar Trailer: ‘ಮರಕ್ಕಾರ್’ ದೃಶ್ಯ ವೈಭವಕ್ಕೆ ಫಿದಾ ಆದ ಫ್ಯಾನ್ಸ್; ನೂತನ ಕನ್ನಡ ಟ್ರೈಲರ್ ಇಲ್ಲಿದೆ

ಯಶ್​-ರಾಧಿಕಾ ಪಂಡಿತ್​ ಪುತ್ರಿ ಆಯ್ರಾ ಹುಟ್ಟುಹಬ್ಬ; 3ನೇ ವರ್ಷದ ಜನ್ಮದಿನ ಆಚರಿಸಿಕೊಂಡ ಸ್ಟಾರ್​ ಕಿಡ್​