ವ್ಯಕ್ತಿಯ ಬಾಯಿಗೆ ಟೇಪ್ ಹಾಕಿ ಕಾರಿನ ಡಿಕ್ಕಿಯಲ್ಲಿ ತುಂಬಿದ ರಾಣಾ-ಜಾನ್ವಿ; ಲೀಕ್ ಆಯ್ತು ಸ್ಪೈ ವಿಡಿಯೋ

ನಟ ರಾಣಾ ದಗ್ಗುಬಾಟಿ (Rana Daggubati) ಹಾಗೂ ಜಾನ್ವಿ ಕಪೂರ್ ಅವರು ಕಾರಿನ ಡಿಕ್ಕಿಯಲ್ಲಿ ಯಾರನ್ನೋ ತುಂಬಿದ್ದಾರೆ. ನಂತರ ಕಾರನ್ನು ತೆಗೆದುಕೊಂಡು ಎತ್ತಲೋ ಸಾಗಿದ್ದಾರೆ. ಇದನ್ನು ಯಾರೋ ಸ್ಪೈ ಮಾಡಿದ್ದಾರೆ ಹಾಗೂ ನೆಟ್​​ಫ್ಲಿಕ್ಸ್ ಇಂಡಿಯಾ ಈ ವಿಡಿಯೋನ ಶೇರ್ ಮಾಡಿಕೊಂಡಿದೆ! ಅಂದಹಾಗೆ ಇದು ‘ರಾಣಾ ನಾಯ್ಡು’ (Rana Naidu) ವೆಬ್ ಸೀರಿಸ್​ನ ಪ್ರಮೋಷನ್​ ಗಿಮಿಕ್. ಈ ವಿಡಿಯೋನ ನೆಟ್​​ಫ್ಲಿಕ್ಸ್ ಇಂಡಿಯಾ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ಇದಕ್ಕೆ ಫ್ಯಾನ್ಸ್ ವಿವಿಧ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.

ರಾಣಾ ದಗ್ಗುಬಾಟಿ ನಟನೆಯ ‘ರಾಣಾ ನಾಯ್ಡು’ ಸೀರಿಸ್​ನ ಟ್ರೇಲರ್ ಇತ್ತೀಚೆಗೆ ರಿಲೀಸ್ ಆಯಿತು. ಆ್ಯಕ್ಷನ್ ಹಾಗೂ ಕ್ರೈಮ್ ಕಥೆಯನ್ನು ಈ ವೆಬ್ ಸರಣಿ ಹೊಂದಿದೆ. ಅಮೆರಿಕದ ಕ್ರೈಮ್ ಸೀರಿಸ್ ಒಂದನ್ನು ಸ್ಫೂರ್ತಿಯಾಗಿಟ್ಟುಕೊಂಡು ಇದನ್ನು ರಿಮೇಕ್ ಮಾಡಲಾಗಿದೆ. ಸುಪರ್ಣ್ ವರ್ಮ ಹಾಗೂ ಕರಣ್ ಅಶುಮನ್ ಅವರು ಇದನ್ನು ನಿರ್ದೇಶನ ಮಾಡಿದ್ದಾರೆ.

ಬಾಲಿವುಡ್​ನ ಮುಖ್ಯವಾಗಿಟ್ಟುಕೊಂಡು ಕಾಲ್ಪನಿಕ ಕಥೆ ಹೆಣೆಯಲಾಗಿದೆ. ಬಾಲಿವುಡ್​ನಲ್ಲಿ ನಡೆಯುವ ಪ್ರತಿ ಹಗರಣದಲ್ಲಿ ರಾಣಾ ಕೈವಾಡ ಇರುತ್ತದೆ ಎಂಬುದನ್ನು ಸೀರಿಸ್ ಟ್ರೇಲರ್​ನಲ್ಲಿ ತೋರಿಸಲಾಗಿದೆ. ರಾಣಾ ದಗ್ಗುಬಾಟಿ, ವೆಂಕಟೇಶ್ ದಗ್ಗುಬಾಟಿ ಮೊದಲಾದವರು ಇದರಲ್ಲಿ ನಟಿಸಿದ್ದಾರೆ. ಹಿಂದಿ ಹಾಗೂ ತೆಲುಗು ಭಾಷೆಯಲ್ಲಿ ಸೀರಿಸ್ ರಿಲೀಸ್ ಆಗುತ್ತಿದೆ. ಈ ವೆಬ್ ಸರಣಿಯಲ್ಲಿ ಜಾನ್ವಿ ಕೂಡ ಅತಿಥಿ ಪಾತ್ರ ಮಾಡಲಿದ್ದಾರೆ ಎಂಬುದು ಈಗ ರಿವೀಲ್ ಆಗಿದೆ.

ನೆಟ್​​ಫ್ಲಿಕ್ಸ್ ಇಂಡಿಯಾ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಒಂದನ್ನು ಹಂಚಿಕೊಂಡಿದೆ. ಈ ವಿಡಿಯೋದಲ್ಲಿ ರಾಣಾ ಹಾಗೂ ಜಾನ್ವಿ ವ್ಯಕ್ತಿಯೊಬ್ಬನ ಬಾಯಿಗೆ ​ಟೇಪ್ ಹಾಕಿ ಎತ್ತಿಕೊಂಡು ಬರುತ್ತಾರೆ. ಕಾರಿನ ಡಿಕ್ಕಿಯಲ್ಲಿ ಆತನ ತುಂಬಲಾಗುತ್ತದೆ. ಈ ವಿಡಿಯೋಗೆ ‘ನಾವು ಕಪೂರ್ ಅವರ ಕೆಲಸದ ಮೇಲೆ ಕಣ್ಣಿಡುತ್ತಿದ್ದೇವೆ’ ಎಂದು ಕ್ಯಾಪ್ಶನ್ ನೀಡಲಾಗಿದೆ.

ಇದನ್ನೂ ಓದಿ: Netflix: 30 ರಾಷ್ಟ್ರಗಳಲ್ಲಿ ಶುಲ್ಕ ತಗ್ಗಿಸಿದ ನೆಟ್​ಫ್ಲಿಕ್ಸ್, ಭಾರತವೂ ಇದೆಯೇ ಪಟ್ಟಿಯಲ್ಲಿ?

ರಾಣಾ ದಗ್ಗುಬಾಟಿ ಅವರು ನಟನೆ ಮೂಲಕ ಪ್ರೇಕ್ಷಕರಿಗೆ ಇಷ್ಟವಾಗಿದ್ದಾರೆ. ಈಗ ಅವರು ವೆಬ್​ ಸೀರಿಸ್ ಮೂಲಕ ಪ್ರೇಕ್ಷಕರ ಎದುರು ಬರಲು ರೆಡಿ ಆಗಿದ್ದಾರೆ. ಮಾರ್ಚ್ 10ರಂದು ‘ರಾಣಾ ನಾಯ್ಡು’ ಸೀರಿಸ್ ರಿಲೀಸ್ ಆಗುತ್ತಿದೆ. ಟ್ರೇಲರ್ ನೋಡಿದ ಅನೇಕರು ಇದನ್ನು ಮೆಚ್ಚಿಕೊಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ