Prabhas: ಡೇಟಿಂಗ್ ವಿಚಾರಕ್ಕೆ ಜಾಗತಿಕ ಮಟ್ಟದಲ್ಲಿ ಪ್ರಭಾಸ್ ಸುದ್ದಿ; ಇದೆಲ್ಲ ಯಾರ ಜೊತೆ, ಏನು ಕಥೆ?
ಡೇಟಿಂಗ್ ಆ್ಯಪ್ ಎಂದರೆ ಕೊಂಚ ಹುಷಾರಾಗಿ ಇರಲೇಬೇಕು. ಅದರಿಂದ ಅನುಕೂಲ ಮತ್ತು ಅಪಾಯ ಎರಡೂ ಇದೆ. ಆ್ಯಪ್ ಬಳಸುತ್ತಿರುವವರ ಮೇಲೆ ಅದೆಲ್ಲವೂ ಅವಲಂಬಿಸಿದೆ. ಹಾಗಾಗಿ ಅಂತಿಮವಾಗಿ ಪ್ರಭಾಸ್ ನಿರ್ಧಾರ ಏನು ಎಂಬ ಬಗ್ಗೆ ಕೌತುಕ ಮೂಡಿದೆ.
ನಟ ಪ್ರಭಾಸ್ (Prabhas) ಅವರನ್ನು ಅಭಿಮಾನಿಗಳು ಪ್ರೀತಿಯಿಂದ ಡಾರ್ಲಿಂಗ್ ಎನ್ನುತ್ತಾರೆ. ಅವರಿಗೆ ಮಹಿಳಾ ಅಭಿಮಾನಿಗಳ ಬಳಗ ದೊಡ್ಡದಿದೆ. ‘ಬಾಹುಬಲಿ’, ‘ಸಾಹೋ’ ಸಿನಿಮಾಗಳಲ್ಲಿ ಆ್ಯಕ್ಷನ್ ಅವತಾರವೆತ್ತಿದ್ದ ಅವರು ಈಗ ‘ರಾಧೆ ಶ್ಯಾಮ್’ ಚಿತ್ರದಲ್ಲಿ ಪಕ್ಕಾ ಲವರ್ ಬಾಯ್ ಆಗಿ ಕಾಣಿಸಿಕೊಳ್ಳಲಿದೆ. ಈ ಸಿನಿಮಾ 2022ರ ಸಂಕ್ರಾಂತಿ ವೇಳೆಗೆ ಬಿಡುಗಡೆ ಆಗಲಿದೆ. ಪ್ರಭಾಸ್ಗೆ ಇರುವ ಲವರ್ ಬಾಯ್ ಇಮೇಜ್ ಅನ್ನು ಎನ್ಕ್ಯಾಶ್ ಮಾಡಿಕೊಳ್ಳಲು ಒಂದು ಡೇಟಿಂಗ್ (Dating App) ಕಂಪನಿ ಉಪಾಯ ಮಾಡಿದೆ. ಜಾಗತಿಕ ಮಟ್ಟದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಆ ಕಂಪನಿಯ ಆ್ಯಪ್ಗೆ ಪ್ರಭಾಸ್ ಅವರನ್ನು ರಾಯಭಾರಿಯಾಗಿ ನೇಮಿಸಿಕೊಳ್ಳಲು ಆಲೋಚಿಸಲಾಗಿದೆ ಎಂಬ ಸುದ್ದಿ ಕೇಳಿಬರುತ್ತಿದೆ.
ನಟನೆ ಜೊತೆಗೆ ಹಲವು ಪ್ರತಿಷ್ಠಿತ ಬ್ರ್ಯಾಂಡ್ಗಳಿಗೆ ರಾಯಭಾರಿ ಆಗಿಯೂ ಪ್ರಭಾಸ್ ಫೇಮಸ್ ಆಗಿದ್ದಾರೆ. ಅನೇಕ ಜಾಹೀರಾತುಗಳಲ್ಲಿ ಅವರು ನಟಿಸಿದ್ದಾರೆ. ಬಾಹುಬಲಿ ಸಿನಿಮಾ ಬಳಿಕ ಅವರಿಗೆ ಪ್ಯಾನ್ ಇಂಡಿಯಾ ಸ್ಟಾರ್ ಎಂಬ ಪಟ್ಟ ಕೂಡ ಸಿಕ್ಕಿದೆ. ಅವರನ್ನು ರಾಯಭಾರಿಯಾಗಿ ಮಾಡಿಕೊಂಡರೆ ಇಡೀ ದೇಶದಲ್ಲಿ ಇರುವ ಯುವಜನತೆಯನ್ನು ಸೆಳೆಯಬಹುದು ಎಂಬುದು ಆ ಡೇಟಿಂಗ್ ಕಂಪನಿಯ ಪ್ಲ್ಯಾನ್. ಹಾಗಾಗಿ ಪ್ರಭಾಸ್ಗೆ ಹೀಗೊಂದು ಆಫರ್ ನೀಡಲಾಗಿದೆ ಎಂಬ ಮಾಹಿತಿ ಹರಿದಾಡುತ್ತಿದೆ.
ಡೇಟಿಂಗ್ ಆ್ಯಪ್ ಎಂದರೆ ಕೊಂಚ ಹುಷಾರಾಗಿ ಇರಲೇಬೇಕು. ಅದರಿಂದ ಅನುಕೂಲ ಮತ್ತು ಅಪಾಯ ಎರಡೂ ಇದೆ. ಆ್ಯಪ್ ಬಳಸುತ್ತಿರುವವರ ಮೇಲೆ ಅದೆಲ್ಲವೂ ಅವಲಂಬಿಸಿದೆ. ಹಾಗಾಗಿ ಇಂಥ ಆ್ಯಪ್ಗೆ ರಾಯಭಾರಿ ಆಗಲು ಪ್ರಭಾಸ್ ಒಪ್ಪಿಕೊಳ್ಳುತ್ತಾರೋ ಇಲ್ಲವೋ ಎಂಬ ಕುತೂಹಲ ನಿರ್ಮಾಣ ಆಗಿದೆ. ಚಿತ್ರರಂಗದಲ್ಲಿ ಯಶಸ್ಸಿನ ಉತ್ತುಂಗಕ್ಕೆ ಏರಿದರೂ ಪ್ರಭಾಸ್ ಮದುವೆ ಬಗ್ಗೆ ಆಲೋಚನೆ ಮಾಡಿಲ್ಲ. ಮೋಸ್ಟ್ ಎಲಿಜೆಬಲ್ ಬ್ಯಾಚುಲರ್ ಎಂಬ ಪಟ್ಟವನ್ನು ಜೊತೆಗಿಟ್ಟುಕೊಂಡು ಅವರು ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದಾರೆ.
ಪ್ರಭಾಸ್ ಕೈಯಲ್ಲಿ ಹಲವು ಸಿನಿಮಾಗಳಿವೆ. ‘ಕೆಜಿಎಫ್’ ನಿರ್ದೇಶಕ ಪ್ರಶಾಂತ್ ನೀಲ್ ಆ್ಯಕ್ಷನ್-ಕಟ್ ಹೇಳುತ್ತಿರುವ ‘ಸಲಾರ್’ ಸಿನಿಮಾದಲ್ಲಿ ಪ್ರಭಾಸ್ ನಟಿಸುತ್ತಿದ್ದು, ಅದರ ಕೆಲಸಗಳು ಭರದಿಂದ ಸಾಗಿವೆ. ಇತ್ತೀಚೆಗೆ ಈ ಸಿನಿಮಾ ಸೆಟ್ನಿಂದ ಚಿಕ್ಕದೊಂದು ವಿಡಿಯೋ ತುಣುಕು ಲೀಕ್ ಆಗಿ ದೊಡ್ಡ ಸುದ್ದಿ ಆಗಿತ್ತು. ಬಾಲಿವುಡ್ನಲ್ಲಿ ಓಂ ರಾವುತ್ ನಿರ್ದೇಶನ ಮಾಡುತ್ತಿರುವ ‘ಆದಿಪುರುಷ್’ ಚಿತ್ರದಲ್ಲಿ ರಾಮನ ಪಾತ್ರಕ್ಕೆ ಪ್ರಭಾಸ್ ಬಣ್ಣ ಹಚ್ಚುತ್ತಿದ್ದಾರೆ. ರಾವಣನಾಗಿ ಸೈಫ್ ಅಲಿ ಖಾನ್ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನೂ ಹಲವು ಪ್ರಾಜೆಕ್ಟ್ಗಳಿಗೆ ಪ್ರಭಾಸ್ ಸಹಿ ಹಾಕುತ್ತಿದ್ದಾರೆ.
ಇದನ್ನೂ ಓದಿ:
ಪ್ರಶಾಂತ್ ನೀಲ್ ಕಣ್ಣು ತಪ್ಪಿಸಿ ಪ್ರಭಾಸ್ ವಿಡಿಯೋ ಲೀಕ್? ಸಲಾರ್ ಸೆಟ್ನಲ್ಲಿ ಕಿತಾಪತಿ
Prabhas: ಫೇಸ್ಬುಕ್ನಲ್ಲಿ ಪ್ರಭಾಸ್ಗೆ ಎಷ್ಟನೇ ಸ್ಥಾನ? ಬಾಲಿವುಡ್ ಮಂದಿ ಜೊತೆ ಪೈಪೋಟಿಗೆ ಇಳಿದ ಸೌತ್ ಸ್ಟಾರ್
