ನಿರ್ದೇಶಕ ರಾಜಮೌಳಿಗೆ ‘ನಾವ್ ರೆಡಿ ಸಾರ್’ ಎಂದ RRR ಹೀರೋಗಳು
Ram Charan and Jr NTR: ಉಕ್ರೇನ್ನಲ್ಲಿ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ RRR ಚಿತ್ರತಂಡದ ಚಿತ್ರೀಕರಣದ ಸಂದರ್ಭದ ದೃಶ್ಯವನ್ನು ನಟ ರಾಮ್ ಚರಣ್ ಹಂಚಿಕೊಂಡಿದ್ದಾರೆ.
RRR ಚಿತ್ರ ಈಗಾಗಲೇ ತನ್ನ ವೈವಿಧ್ಯಪೂರ್ಣ ತಾರಾಗಣದಿಂದಾಗಿ ಎಲ್ಲರ ಗಮನ ಸೆಳೆದಿದೆ. ಹಿಂದಿ ಚಿತ್ರರಂಗ ಹಾಗೂ ದಕ್ಷಿಣ ಭಾರತೀಯ ಚಿತ್ರರಂಗದ ಶ್ರೇಷ್ಠ ನಟರ ಸಂಗಮವಾಗಿರುವ ಈ ಚಿತ್ರ ಬಹಳ ಅದ್ದೂರಿಯಿಂದ ಚಿತ್ರೀಕರಣವಾಗುತ್ತಿದ್ದು, ಸದ್ಯ ಚಿತ್ರತಂಡ ಉಕ್ರೇನ್ನಲ್ಲಿ ಬೀಡುಬಿಟ್ಟಿದೆ. ಇತ್ತೀಚೆಗಷ್ಟೇ ಸೆಟ್ನಲ್ಲಿ ಮೊದಲ ಬಾರಿಗೆ ಐಡಿ ಕಾರ್ಡ್ ಹಾಕಿಕೊಳ್ಳಬೇಕಾಗಿ ಬಂದಿದ್ದ ಸಂದರ್ಭವನ್ನು ಚಿತ್ರ ಸಮೇತ ಹಂಚಿಕೊಂಡಿದ್ದ ಜೂನಿಯರ್ ಎನ್ಟಿಆರ್, ಚಿತ್ರದ ಕೊನೆಯ ಭಾಗದ ಕೆಲಸಗಳು ಲಗುಬಗೆಯಿಂದ ನಡೆಯುತ್ತಿವೆ ಎಂದು ಹೇಳಿದ್ದರು. ಈಗ ಚಿತ್ರದ ಮತ್ತೊಬ್ಬ ಹೀರೋ ರಾಮ್ಚರಣ್ ಚಿತ್ರೀಕರಣದ ಸಂದರ್ಭದ ವಿಡಿಯೊವೊಂದನ್ನು ಹಂಚಿಕೊಂಡಿದ್ದು ಅದಕ್ಕೆ ಅವರು ನೀಡಿರುವ ಅಡಿಬರಹ(ಕ್ಯಾಪ್ಶನ್) ಎಲ್ಲರ ಗಮನ ಸೆಳೆದಿದೆ.
ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿರುವ ವಿಡಿಯೊದಲ್ಲಿ ಜೂನಿಯರ್ ಎನ್ಟಿಆರ್ ಮತ್ತು ರಾಮ್ಚರಣ್ ಒಟ್ಟಿಗೇ ಕುಳಿತಿದ್ದು, ರಾಜಮೌಳಿ ಕ್ಯಾಮೆರಾ ಹಿಡಿದುಕೊಂಡಿದ್ದಾರೆ. ನಿಧಾನಕ್ಕೆ ಹಿಂದೆ ಬರುವ ಕ್ಯಾಮೆರಾವು, ರಾಜಮೌಳಿಯವರನ್ನೂ, ಅವರು ಹಿಡಿದುಕೊಂಡಿರುವ ಹಳೆಯ ಮಾದರಿಯ ಕ್ಯಾಮೆರಾವನ್ನು ತೋರಿಸುತ್ತದೆ. ಈ ಚಿತ್ರದಲ್ಲಿ ನಟರೀರ್ವರೂ ಐಡಿ ಕಾರ್ಡ್ ಹಾಕಿಕೊಂಡಿದ್ದು, ನಗುತ್ತಾ ಪೋಸ್ ನೀಡಿದ್ದಾರೆ. ವಿಡಿಯೊವನ್ನು ಹಂಚಿಕೊಂಡಿರುವ ರಾಮ್ಚರಣ್ ಅದಕ್ಕೆ ರಾಜಮೌಳಿಯವರನ್ನು ಟ್ಯಾಗ್ ಮಾಡಿ, ‘ಆಯ್ತು ಸಾರ್, ನಾವು ರೆಡಿ’ ಎಂದು ಕ್ಯಾಪ್ಶನ್ ನೀಡಿದ್ದಾರೆ.
ರಾಮ್ಚರಣ್ ಹಂಚಿಕೊಂಡಿರುವ ವಿಡಿಯೊ:
View this post on Instagram
RRR ಚಿತ್ರತಂಡ ಉಕ್ರೇನ್ನಲ್ಲಿ ಚಿತ್ರದ ಮುಖ್ಯ ಭಾಗಗಳನ್ನು ಚಿತ್ರೀಕರಿಸಲು ಸಿದ್ಧತೆ ನಡೆಸಿದೆ. ಉಕ್ರೇನ್ಗೆ ವಿಮಾನ ಲ್ಯಾಂಡ್ ಆಗುವ ಸಂದರ್ಭವನ್ನೂ ಚಿತ್ರತಂಡ ಈ ಮೊದಲು ಹಂಚಿಕೊಂಡಿತ್ತು. ಸುಮಾರು 450ಕೋಟಿ ಬಜೆಟ್ನಲ್ಲಿ ತಯಾರಾಗುತ್ತಿರುವ ಈ ಚಿತ್ರವನ್ನು ಅಕ್ಟೋಬರ್ 13ರಂದು ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಹೇಳಿದೆ. ಚಿತ್ರದಲ್ಲಿ ಜ್ಯೂ. ಎನ್ಟಿಆರ್, ರಾಮ್ ಚರಣ್, ಆಲಿಯಾ ಭಟ್, ಅಜಯ್ ದೇವಗನ್ ಸೇರಿದಂತೆ ದೊಡ್ಡ ತಾರಾಗಣವಿದೆ. ಕೊಮರಾಮ್ ಭೀಮ್ ಪಾತ್ರದಲ್ಲಿ ಜ್ಯೂ. ಎನ್ಟಿಆರ್ ಕಾಣಿಸಿಕೊಳ್ಳುತ್ತಿದ್ದು, ಅಲ್ಲುರಿ ಸೀತಾರಾಮ ರಾಜು ಪಾತ್ರಕ್ಕೆ ರಾಮ್ ಚರಣ್ ಬಣ್ಣ ಹಚ್ಚುತ್ತಿದ್ದಾರೆ. ಆಲಿಯಾ ಭಟ್ ಸೀತಾ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿನ ವಿಶೇಷ ಹಾಡಿಗಾಗಿ ಚಿತ್ರತಂಡ ಉಕ್ರೇನ್ಗೆ ತೆರಳಿದೆ.
ಇದನ್ನೂ ಓದಿ:
Junior NTR: ಅಬ್ಬಾ, RRR ಚಿತ್ರದಲ್ಲಿ ಹೀರೋಗೂ ಇದೆ ಐಡಿ ಕಾರ್ಡ್; ಅದಕ್ಕೆ ರಾಜಮೌಳಿ ರಿಯಾಕ್ಷನ್ ಏನು?
Salaga: ಸಖತ್ ಸೌಂಡ್ ಮಾಡ್ತಿದೆ ‘ಟಿಣಿಂಗಾ ಮಿಣಿಂಗಾ ಟಿಶ್ಶಾ’; ಈ ಹಾಡಿಗಿದೆ ವಿಶೇಷ ಹಿನ್ನೆಲೆ!
(Ram Chran Shares a special BTS from the movie RRR)
