ಗಳಿಕೆ ವಿಚಾರದಲ್ಲಿ ‘ಬಾಹುಬಲಿ 2’ ದಾಖಲೆ ಮುರಿಯಲಿದೆ ‘RRR’? 8,000 ಥಿಯೇಟರ್ನಲ್ಲಿ ರಾಜಮೌಳಿ ಸಿನಿಮಾ
ವಿಶ್ವಾದ್ಯಂತ ಈ ಸಿನಿಮಾ ಬರೋಬ್ಬರಿ 8 ಸಾವಿರ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿದೆ. ದಿನಕ್ಕೆ ಕನಿಷ್ಠ ನಾಲ್ಕು ಶೋ ಎಂದು ಪರಿಗಣಿಸಿದರೂ ‘ಆರ್ಆರ್ಆರ್’ ಚಿತ್ರದ 32,000 ಸಾವಿರ ಶೋಗಳು ಶುಕ್ರವಾರ ಪ್ರದರ್ಶನ ಕಾಣಲಿವೆ.
ಎಸ್.ಎಸ್. ರಾಜಮೌಳಿ (SS Rajamouli) ನಿರ್ದೇಶನದ ‘ಆರ್ಆರ್ಆರ್’ ಸಿನಿಮಾ (RRR Movie) ಬಾಕ್ಸ್ ಆಫೀಸ್ನಲ್ಲಿ ಅಬ್ಬರಿಸೋಕೆ ರೆಡಿ ಆಗಿದೆ. ಈ ಸಿನಿಮಾ ಮೊದಲ ದಿನ (ಮಾರ್ಚ್ 25) ಬೆಂಗಳೂರಿನಲ್ಲಿ ಒಂದೇ 600ಕ್ಕೂ ಅಧಿಕ ಶೋಗಳನ್ನು ಪಡೆದುಕೊಂಡಿದೆ. ಇನ್ನು ರಾಜ್ಯದ ನಾನಾ ಕಡೆಗಳಲ್ಲಿ ಈ ಸಿನಿಮಾದ ಪ್ರೀ-ಟಿಕೆಟ್ ಬುಕಿಂಗ್ ಜೋರಾಗಿ ಸಾಗುತ್ತಿದೆ. ಇನ್ನು, ತೆಲುಗು ಚಿತ್ರೋದ್ಯಮದ ಕೇಂದ್ರಬಿಂದು ಹೈದರಾಬಾದ್ನಲ್ಲಿ ಈ ಚಿತ್ರಕ್ಕೆ 1000ಕ್ಕೂ ಅಧಿಕ ಶೋಗಳು ಸಿಕ್ಕಿವೆ. ಇದರಲ್ಲಿ ಬಹುತೇಕ ಶೋನ ಟಿಕೆಟ್ಗಳು ಸೋಲ್ಡ್ಔಟ್ ಆಗಿವೆ. ಸಿನಿಮಾ ಸೃಷ್ಟಿ ಮಾಡುತ್ತಿರುವ ಅಬ್ಬರ ನೋಡಿದರೆ ಒಳ್ಳೆಯ ಕಲೆಕ್ಷನ್ ಮಾಡುವ ಸೂಚನೆ ಸಿಕ್ಕಿದೆ. ಗಳಿಕೆ ವಿಚಾರದಲ್ಲಿ ‘ಬಾಹುಬಲಿ 2’ ಸಿನಿಮಾ (Bahubali 2) ದಾಖಲೆಯನ್ನು ಮುರಿದರೂ ಅಚ್ಚರಿ ಏನಿಲ್ಲ.
ಸ್ವಾತಂತ್ರ್ಯ ಹೋರಾಟಗಾರರಾದ ಅಲ್ಲುರಿ ಸೀತಾರಾಮ ರಾಜು ಮತ್ತು ಕೋಮರಾಮ್ ಭೀಮ್ ಅವರ ಜೀವನವನ್ನು ಸ್ಫೂರ್ತಿಯಾಗಿ ಇಟ್ಟುಕೊಂಡು ‘ಆರ್ಆರ್ಆರ್’ ಸಿನಿಮಾ ಸಿದ್ಧಗೊಂಡಿದೆ. ಆದರೆ, ಚಿತ್ರದ ಕಥೆ ಸಂಪೂರ್ಣ ಕಾಲ್ಪನಿಕ ಎಂದು ರಾಜಮೌಳಿ ಹೇಳಿದ್ದಾರೆ. ಸ್ವಾತಂತ್ರ್ಯ ಪೂರ್ವ ಭಾರತದ ಕಥೆಯನ್ನು ರಾಜಮೌಳಿ ಹೇಳುತ್ತಿದ್ದಾರೆ. ಜ್ಯೂ.ಎನ್ಟಿಆರ್ ಅವರು ಕೋಮರಾಮ್ ಭೀಮ್ ಆಗಿ ಕಾಣಿಸಿಕೊಂಡರೆ, ಅಲ್ಲುರಿ ಸೀತಾರಾಮ ಪಾತ್ರದಲ್ಲಿ ರಾಮ್ ಚರಣ್ ನಟಿಸಿದ್ದಾರೆ. ಈ ಚಿತ್ರದ ಟ್ರೇಲರ್ನಿಂದ ನಿರೀಕ್ಷೆ ಹುಟ್ಟಿದೆ. ಹೀಗಾಗಿ, ಸಿನಿಮಾಗೆ ಸಾಕಷ್ಟು ಚಿತ್ರಮಂದಿರಗಳು ಸಿಕ್ಕಿವೆ.
ವಿಶ್ವಾದ್ಯಂತ ಈ ಸಿನಿಮಾ ಬರೋಬ್ಬರಿ 8 ಸಾವಿರ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗುತ್ತಿದೆ. ದಿನಕ್ಕೆ ಕನಿಷ್ಠ ನಾಲ್ಕು ಶೋ ಎಂದು ಪರಿಗಣಿಸಿದರೂ ‘ಆರ್ಆರ್ಆರ್’ ಚಿತ್ರದ 32,000 ಸಾವಿರ ಶೋಗಳು ಶುಕ್ರವಾರ ಪ್ರದರ್ಶನ ಕಾಣಲಿವೆ. ಇದರಿಂದ ಚಿತ್ರದ ಕಲೆಕ್ಷನ್ 125 ಕೋಟಿ ದಾಟಿದರೂ ಅಚ್ಚರಿ ಏನಿಲ್ಲ.
ಬೆಂಗಳೂರಿನ ಹಲವು ಕಡೆಗಳಲ್ಲಿ ತಡರಾತ್ರಿ 1 ಗಂಟೆಯಿಂದಲೇ ಸಿನಿಮಾ ಪ್ರದರ್ಶನ ಆರಂಭವಾಗಲಿದೆ. ಫ್ಯಾನ್ ಶೋನ ಸಿನಿಮಾದ ಟಿಕೆಟ್ ದರ ಕನಿಷ್ಠ ಬೆಲೆ 400 ರೂಪಾಯಿ. ಗರಿಷ್ಠ 700, 800 ರೂಪಾಯಿ ವರೆಗೂ ಇದೆ. ಟಿಕೆಟ್ ದರ ಗಗನಕ್ಕೆ ಏರಿದರೂ ಬೆಂಗಳೂರಿನಲ್ಲಿ ಜನರು ಮುಗಿಬಿದ್ದು ಟಿಕೆಟ್ ಬುಕ್ ಮಾಡುತ್ತಿದ್ದಾರೆ. ‘ಬಾಹುಬಲಿ’ ಸಿನಿಮಾ ಮೊದಲ ದಿನ 50 ಕೋಟಿ ಹಾಗೂ ‘ಬಾಹುಬಲಿ 2’ 122 ಕೋಟಿ ರೂಪಾಯಿಯನ್ನು ಕಲೆ ಹಾಕಿತ್ತು. ಈಗ ‘ಆರ್ಆರ್ಆರ್’ ಅಬ್ಬರ ನೋಡಿದರೆ ಈ ಎಲ್ಲಾ ದಾಖಲೆಗಳು ಪುಡಿ ಆಗುವ ಸೂಚನೆ ಸಿಕ್ಕಿದೆ.
ಹಿಂದಿ ಚಿತ್ರರಂಗದಿಂದಲೂ ಸಿನಿಮಾ ಒಳ್ಳೆಯ ಗಳಿಕೆ ಮಾಡುವ ಸೂಚನೆ ಸಿಕ್ಕಿದೆ. ಅಲ್ಲು ಅರ್ಜುನ್ ನಟನೆಯ ‘ಪುಷ್ಪ’ ಸಿನಿಮಾ 100 ಕೋಟಿ ಕಮಾಯಿ ಮಾಡಿದೆ. ಅದೇ ರೀತಿ ‘ಆರ್ಆರ್ಆರ್’ ಕೂಡ ಹಿಂದಿ ವರ್ಷನ್ನಿಂದ ಒಳ್ಳೆಯ ಹಣ ಬಾಚುವ ಸೂಚನೆ ಸಿಕ್ಕಿದೆ.
ಇದನ್ನೂ ಓದಿ: ‘ಆರ್ಆರ್ಆರ್’ ಟೀಂ ಕಡೆಯಿಂದ ಒಂದು ಗುಡ್ ನ್ಯೂಸ್, ಒಂದು ಬ್ಯಾಡ್ ನ್ಯೂಸ್
ಪ್ರಿಯಕರನ ಜತೆ ಇದ್ದಾಗಲೂ ‘ಆರ್ಆರ್ಆರ್’ ಪ್ರಚಾರ ಮಾಡಿದ ನಟಿ ಆಲಿಯಾ ಭಟ್; ವಿಡಿಯೋ ವೈರಲ್
Published On - 4:01 pm, Thu, 24 March 22