ನೀವು ಅಂದುಕೊಂಡಂತೆ ಇಲ್ಲ ಈ ಶುಭಾ ಪೂಂಜಾ; ಶೀಘ್ರವೇ ಬಯಲಾಗಲಿದೆ ಇನ್ನೊಂದು ಮುಖ

Shubha Poonja: ‘ತ್ರಿದೇವಿ’ ಸಿನಿಮಾದಲ್ಲಿ ಸಾಹಸ ದೃಶ್ಯಗಳಿಗಾಗಿ ಶುಭಾ ಪೂಂಜಾ, ಕಮರ್ಷಿಯಲ್ ಮಾಡೆಲ್ ಸಂಧ್ಯಾ ಮತ್ತು ಜೋಸ್ನಾ ಅವರು ಒಂದು ತಿಂಗಳ ಕಾಲ ಕಳರಿಪಯಟ್ಟು ಕಲಿತಿದ್ದಾರೆ. ಜೂ.6ರಂದು ಸಂಜೆ 4 ಗಂಟೆಗೆ ಟ್ರೇಲರ್ ಬಿಡುಗಡೆ ಆಗಲಿದೆ.

ಶುಭಾ ಪೂಂಜಾ

ಮದನ್ ಕುಮಾರ್ |
Updated on: Jun 06, 2021 | 9:09 AM

ನಟಿ ಶುಭಾ ಪೂಂಜಾ ಅವರು ಬಿಗ್ ಬಾಸ್ಗೆ ಹೋದ ಬಳಿಕ ಅವರ ಇಮೇಜ್ ಬದಲಾಯಿತು. ‘ಮೊಗ್ಗಿನ ಮನಸ್ಸು’ ಸಿನಿಮಾದಿಂದಲೂ ಪರದೆ ಮೇಲೆ ಪ್ರೇಕ್ಷಕರು ಅವರನ್ನು ನೋಡುತ್ತ ಬಂದಿದ್ದರೂ ಕೂಡ ಅವರ ರಿಯಲ್ ಲೈಫ್ ವಿವರಗಳು ಹೆಚ್ಚು ತಿಳಿದಿರಲಿಲ್ಲ. ಆದರೆ ಬಿಗ್ ಬಾಸ್ ಮನೆಯಲ್ಲಿ ಅವರು ನಡೆದುಕೊಂಡ ರೀತಿಯಿಂದಾಗಿ ಅವರ ನಿಜ ವ್ಯಕ್ತಿತ್ವದ ಬಗ್ಗೆ ಎಲ್ಲರಿಗೂ ತಿಳಿಯುವಂತಾಯಿತು. ಈವರೆಗೂ ಶುಭಾ ಅವರನ್ನು ಪ್ರೇಕ್ಷಕರು ನೋಡಿಯೇ ಇರದ ಇನ್ನೊಂದು ಮುಖವಿದೆ. ಅದು ಇಂದು (ಜೂ.6) ಬಯಲಾಗಲಿದೆ.

ಬಬ್ಲಿ ಬಬ್ಲಿ ಹುಡುಗಿ ಆಗಿಯೇ ಶುಭಾ ಪೂಂಜಾ ಅವರು ತೆರೆ ಮೇಲೆ ಕಾಣಿಸಿಕೊಂಡಿದ್ದು ಹೆಚ್ಚು. ಅವರಿಗೆ ಸಿಗುತ್ತಿದ್ದ ಬಹುತೇಕ ಪಾತ್ರಗಳು ಅದೇ ರೀತಿ ಇರುತ್ತಿದ್ದವು. ಇತ್ತೀಚಿನ ವರ್ಷಗಳಲ್ಲಿ ಅವರು ಹಾರರ್ ಸಿನಿಮಾ ಪ್ರಯತ್ನಿಸಿದರು. ಭಕ್ತಿಪ್ರಧಾನ ಚಿತ್ರದಲ್ಲೂ ನಟಿಸಿದರು. ಈಗ ಅವುಗಳಿಗಿಂತ ಭಿನ್ನವಾಗಿ ಅವರು ಮತ್ತೊಂದು ವೇಷ ಧರಿಸಿದ್ದಾರೆ. ‘ತ್ರಿದೇವಿ’ ಸಿನಿಮಾದಲ್ಲಿ ಶುಭಾ ಪೂಂಜಾ ಫೈಟ್ ಮಾಡಿದ್ದಾರೆ! ಈ ಬಗ್ಗೆ ಅವರೇ ಮಾಹಿತಿ ನೀಡಿದ್ದಾರೆ.

ಶುಭಾ ಪೂಂಜಾ ಆ್ಯಕ್ಷನ್ ದೃಶ್ಯಗಳಲ್ಲಿ ನಟಿಸಿದ್ದಾರೆ ಎಂದರೆ ನಂಬುವುದು ಕಷ್ಟ. ಆದರೆ ನಂಬಲೇ ಬೇಕು. ಯಾಕೆಂದರೆ ಅವರು ಅದಕ್ಕೆ ಸಾಕ್ಷಿ ಕೂಡ ನೀಡಿದ್ದಾರೆ. ‘ತ್ರಿದೇವಿ’ ಎಂಬ ಹೆಸರು ಹೇಳಿದರೆ ಇದು ಯಾವುದೋ ಭಕ್ತಿ ಪ್ರಧಾನ ಸಿನಿಮಾ ಎನಿಸುವುದು ಸಹಜ. ಆರಂಭದ ದಿನಗಳಲ್ಲಿ ರಿಲೀಸ್ ಆದ ಪೋಸ್ಟರ್ಗಳು ಕೂಡ ಅದನ್ನೇ ಸೂಚಿಸುತ್ತಿದ್ದವು. ಆದರೆ ಈಗ ಸಿನಿಮಾದ ಕೆಲವು ಪೋಸ್ಟರ್ಗಳನ್ನು ಚಿತ್ರತಂಡ ಹಂಚಿಕೊಳ್ಳುತ್ತಿದೆ. ಅದರಲ್ಲಿ ಶುಭಾ ಪೂಂಜಾ ಪಾತ್ರದ ಝಲಕ್ ತೋರಿಸಲಾಗಿದೆ. ಇಂದು ಸಂಜೆ ನಾಲ್ಕು ಗಂಟೆಗೆ ಟ್ರೇಲರ್ ಬಿಡುಗಡೆ ಆಗಲಿದ್ದು, ಚಿತ್ರದ ಬಗ್ಗೆ ಇನ್ನಷ್ಟು ಮಾಹಿತಿ ಸಿಗಲಿದೆ.

ಈ ಸಿನಿಮಾದಲ್ಲಿ ಸಾಹಸ ದೃಶ್ಯಗಳಿಗಾಗಿ ಶುಭಾ ಪೂಂಜಾ, ಕಮರ್ಷಿಯಲ್ ಮಾಡೆಲ್ ಸಂಧ್ಯಾ ಮತ್ತು ಜೋಸ್ನಾ ಒಂದು ತಿಂಗಳ ಕಾಲ ಕಳರಿಪಯಟ್ಟು ಕಲಿತಿದ್ದಾರೆ. ಸಂಧ್ಯಾ ಮತ್ತು ಜೋಸ್ನಾ ಅವರಿಗೆ ಇದು ಮೊದಲ ಸಿನಿಮಾ. ಡ್ಯಾನ್ಸರ್ ಹಾಗೂ ರಂಗಭೂಮಿ ಕಲಾವಿದೆ ಆಗಿ ಜೋಸ್ನಾಗೆ ಅನುಭವ ಇದೆ. ‘ನಾನು ಫೈಟಿಂಗ್ ಮಾಡಿದೀನಿ ಎಂದರೆ ನೀವು ನಂಬುವುದಿಲ್ಲ ಅಂತ ಗೊತ್ತು. ಅದಕ್ಕೆ ಈ ಟ್ರೇನಿಂಗ್ ವಿಡಿಯೋ ನೋಡಿ’ ಎಂದು ಇನ್ಸ್ಟಾಗ್ರಾಮ್ನಲ್ಲಿ ಶುಭಾ ಪೂಂಜಾ ಸಾಕ್ಷಿ ಒದಗಿಸಿದ್ದಾರೆ.