Darshan: ಆರ್​ಸಿಬಿ ಮ್ಯಾಚ್​ಗೂ ಮುನ್ನ ದರ್ಶನ್​ ವಿಡಿಯೋ ವೈರಲ್​; ನೀವು ಇದನ್ನು ನೋಡಲೇಬೇಕು

ದರ್ಶನ್​ ಕ್ರಿಕೆಟ್​ ಪ್ರಿಯ. ಅವರು ಸಮಯ ಸಿಕ್ಕಾಗೆಲ್ಲ ಗೆಳೆಯರ ಜತೆ ಕ್ರಿಕೆಟ್​ ಆಡುತ್ತಾರೆ. ಇತ್ತೀಚೆಗೆ ಅವರು ಅಭಿಷೇಕ್​ ಅಂಬರೀಶ್​ ಜತೆ ಕ್ರಿಕೆಟ್​ ಆಡಿದ್ದ ವಿಡಿಯೋ ಸಾಕಷ್ಟು ವೈರಲ್​ ಆಗಿತ್ತು.

  • TV9 Web Team
  • Published On - 19:41 PM, 8 Apr 2021
Darshan: ಆರ್​ಸಿಬಿ ಮ್ಯಾಚ್​ಗೂ ಮುನ್ನ ದರ್ಶನ್​ ವಿಡಿಯೋ ವೈರಲ್​; ನೀವು ಇದನ್ನು ನೋಡಲೇಬೇಕು
ಆರ್​​ಸಿಬಿ ಟೀಂ-ದರ್ಶನ್​

ಶುಕ್ರವಾರ (ಏಪ್ರಿಲ್​ 8) ಐಪಿಎಲ್​ ಸೀಸನ್​ 14ರ ಮೊದಲ ಪಂದ್ಯ ಚೆನ್ನೈನಲ್ಲಿ ನಡೆಯುತ್ತಿದೆ. ಚೆನ್ನೈನ ಚೆಪಾಕ್​ ಸ್ಟೇಡಿಯಂನಲ್ಲಿ ವಿರಾಟ್​ ಕೊಹ್ಲಿ ನಾಯಕತ್ವದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಹಾಗೂ ರೋಹಿತ್​ ಶರ್ಮಾ ನೇತೃತ್ವದ ಮುಂಬೈ ಇಂಡಿಯನ್ಸ್​ ಮುಖಾಮುಖಿ ಆಗಲಿವೆ. ಈ ಮ್ಯಾಚ್​ಗೂ ಮುನ್ನ ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​ ಅವರ ಹಳೆಯ ವಿಡಿಯೋ ಒಂದು ವೈರಲ್​ ಆಗಿದೆ.

ದರ್ಶನ್​ ಕ್ರಿಕೆಟ್​ ಪ್ರಿಯ. ಅವರು ಸಮಯ ಸಿಕ್ಕಾಗೆಲ್ಲ ಗೆಳೆಯರ ಜತೆ ಕ್ರಿಕೆಟ್​ ಆಡುತ್ತಾರೆ. ಇತ್ತೀಚೆಗೆ ಅವರು ಅಭಿಷೇಕ್​ ಅಂಬರೀಶ್​ ಜತೆ ಕ್ರಿಕೆಟ್​ ಆಡಿದ್ದ ವಿಡಿಯೋ ಸಾಕಷ್ಟು ವೈರಲ್​ ಆಗಿತ್ತು. ಕ್ರಿಕೆಟ್​ಗೆ ಸಂಬಂಧಿಸಿದಂತೆ ಅವರ ಹಳೆಯ ವಿಡಿಯೋ ವೈರಲ್​ ಆಗಿದೆ. ಈ ವಿಡಿಯೋದಲ್ಲಿ ಅವರು ಅಭಿಮಾನಿಗಳಿಗೆ ಕಿವಿಮಾತು ಹೇಳಿದ್ದಾರೆ.

ಐಪಿಎಲ್​ ಎಂದಾಕ್ಷಣ ತಲೆ ಎತ್ತೋದು ಬೆಟ್ಟಿಂಗ್​. ಅನೇಕರು ಬೆಟ್ಟಿಂಗ್​ ದಂಧೆಯಲ್ಲಿ ಸಿಲುಕಿ ಕೋಟ್ಯಂತರ ರೂಪಾಯಿ ಕಳೆದುಕೊಂಡಿದ್ದಾರೆ, ಮನೆ ಮಾರಾಟ ಮಾಡಿ ಬೀದಿಗೆ ಬಂದಿದ್ದಾರೆ. ಬೆಟ್ಟಿಂಗ್​ ಮಾಡದೆ, ನಿಜವಾದ ಕ್ರೀಡಾಭಿಮಾನಿಯಾಗಿ ಮ್ಯಾಚ್​ ನೋಡಬೇಕು ಎನ್ನುವುದು ದರ್ಶನ್​ ಆಶಯ. ಹೀಗಾಗಿ, ಬೆಟ್ಟಿಂಗ್​ಗೆ ಇಳಿಯಬೇಡಿ ಎಂದು ಅವರು ವಿಡಿಯೋದಲ್ಲಿ ಹೇಳಿದ್ದಾರೆ. ಐಪಿಎಲ್​ ಸಮಯವಾದ್ದರಿಂದ ಈಗ ಈ ವಿಡಿಯೋ ಮತ್ತೆ ವೈರಲ್​ ಆಗಿದೆ.

ಐಪಿಎಲ್​ ಆರಂಭವಾದ ತಕ್ಷಣ ಐಪಿಎಲ್​ ಮ್ಯಾಚ್​ ನೋಡೋ ಬದಲು ಅನೇಕರು ಬೆಟ್ಟಿಂಗ್​ ಮಾಡುತ್ತಾ ಕೂತಿರುತ್ತಾರೆ. ಐಪಿಎಲ್​ ಮ್ಯಾಚ್​ನ ಕೇವಲ ಮ್ಯಾಚ್​ ರೀತಿಯಲ್ಲಿ ನೋಡಿ. ಮೈದಾನದಲ್ಲಿ ಆಟಗಾರರು ಕಷ್ಟಪಟ್ಟು ಆಡುತ್ತಿರುತ್ತಾರೆ. ಮ್ಯಾಚ್​ ಮೇಲೆ ಬೆಟ್ಟಿಂಗ್​ ಮಾಡಿ ನೀವು ನಿಮ್ಮ ಲೈಫ್​​ನ ಹಾಳು ಮಾಡಿಕೊಳ್ಳಬೇಡಿ ಎಂದು ದರ್ಶನ್​ ಹೇಳಿದ್ದಾರೆ.

ದರ್ಶನ್​ ಸದ್ಯ, ರಾಬರ್ಟ್ ಗೆಲುವಿನ ಅಲೆಯಲ್ಲಿ ತೇಲುತ್ತಿದ್ದಾರೆ. ರಿಲೀಸ್​ ಆದ 20 ದಿನಕ್ಕೆ ರಾಬರ್ಟ್​ ಸಿನಿಮಾ ಬರೋಬ್ಬರಿ 100 ಕೋಟಿ ಗಳಿಕೆ ಮಾಡಿತ್ತು. ಈ ಮೂಲಕ ಹೊಸ ದಾಖಲೆ ಸೃಷ್ಟಿ ಮಾಡಿತ್ತು. ಹೀಗಾಗಿ, ದರ್ಶನ್​ ಮುಂದಿನ ಚಿತ್ರ ಹೇಗಿರಲಿದೆ ಎನ್ನುವ ಕುತೂಹಲ ಕೂಡ ಮೂಡಿದೆ.

ಇದನ್ನೂ ಓದಿ:100 ಕೋಟಿ ರೂ. ಬಾಚಿಕೊಂಡ ರಾಬರ್ಟ್​! ಸ್ಯಾಂಡಲ್​ವುಡ್​ನಲ್ಲಿ ದರ್ಶನ್​ ಹೊಸ ದಾಖಲೆ 

Roberrt: ರಾಬರ್ಟ್​ ಎತ್ತಂಗಡಿ ಮಾಡಿಸಲು ಬಂದ ಪವನ್​ ಕಲ್ಯಾಣ್​ ಸಿನಿಮಾಗೆ ದರ್ಶನ್​ ಫ್ಯಾನ್ಸ್​ ಕೊಟ್ರು ಸಖತ್​ ಡಿಚ್ಚಿ!