Dboss Darshan Birthday: ಇಂದು ಡಿ ಬಾಸ್ ದರ್ಶನ್ ಜನ್ಮದಿನ: ದಾಸನಿಗೆ ಸಿಕ್ಕ ಉಡುಗೊರೆಗಳೆಷ್ಟು ಗೊತ್ತಾ?
Happy Birthday Darshan: ಸಾಮಾಜಿಕ ಜಾಲತಾಣದಲ್ಲಿ ದರ್ಶನ್ಗೆ ಶುಭಾಶಯಗಳ ಸುರಿಮಳೆಯೇ ಹರಿದು ಬರುತ್ತಿದೆ. ಅಭಿಮಾನಿಗಳು ಹಾಗೂ ಚಿತ್ರರಂಗದ ಗಣ್ಯರು ದರ್ಶನ್ಗೆ ಜನ್ಮದಿನದ ಶುಭಾಶಯ ಕೋರುತ್ತಿದ್ದಾರೆ.
Updated on:Feb 16, 2021 | 7:02 AM
ಇಂದು ದರ್ಶನ್ ಅಭಿಮಾನಿಗಳಿಗೆ ಅಕ್ಷರಶಃ ಹಬ್ಬ. ಏಕೆಂದರೆ ಇಂದು ದರ್ಶನ್ ಹುಟ್ಟುಹಬ್ಬ. ಡಿಬಾಸ್ ಇಂದು (ಫೆ.16) 44ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ನೆಚ್ಚಿನ ನಟನಿಗೆ ಅವರ ಅಭಿಮಾನಿಗಳು ಶುಭಾಶಯಗಳ ಸುರಿಮಳೆಯನ್ನೇ ಹರಿಸಿದ್ದಾರೆ. ಅಷ್ಟೇ ಅಲ್ಲ, ಜನ್ಮದಿನದ ಪ್ರಯುಕ್ತ ಡಿ ಬಾಸ್ಗೆ ಉಡುಗೊರೆಯ ಮಹಾಪೂರ ಹರಿದು ಬಂದಿದೆ. ಪ್ರತಿವರ್ಷ ಮಧ್ಯರಾತ್ರಿ ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿರುವ ದರ್ಶನ್ ಮನೆ ಸಮೀಪ ಅಭಿಮಾನಿಗಳು ತೆರಳಿ ಕೇಕ್ ಕತ್ತರಿಸಿ, ಅವರಿಗೆ ಶುಭ ಹಾರೈಸುತ್ತಿದ್ದರು. ಅವರ ಜನ್ಮದಿನದಂದು ದೊಡ್ಡ ಜನ ಸಾಗರವೇ ಸೇರುತ್ತಿತ್ತು. ಆದರೆ, ಕೊರೊನಾ ಕಾರಣ ನೀಡಿ ದರ್ಶನ್ ಮಧ್ಯರಾತ್ರಿ ಅಭಿಮಾನಿಗಳ ಬಳಿ ಬರದಂತೆ ಕೋರಿದ್ದರು.
ಇನ್ನು, ದರ್ಶನ್ಗೆ ಉಡುಗೊರೆಯ ಮೇಲೆ ಉಡುಗೊರೆ ಸಿಕ್ಕಿದೆ ಮತ್ತು ಸಿಗುತ್ತಿದೆ. ಜನ್ಮದಿನದ ಪ್ರಯುಕ್ತ ಅವರ ಮುಂದಿನ ಚಿತ್ರ ರಾಬರ್ಟ್ ಸಿನಿಮಾದ ಟ್ರೈಲರ್ ರಿಲೀಸ್ ಆಗುತ್ತಿದೆ. ಈ ಟ್ರೈಲರ್ಗಾಗಿ ಅಭಿಮಾನಿಗಳು ಕಾದು ಕೂತಿದ್ದಾರೆ. ಡಿ ಬಾಸ್ ಜನ್ಮದಿನದ ಪ್ರಯುಕ್ತ ಚಿತ್ರತಂಡ ಅಭಿಮಾನಿಗಳಿಗೆ ನೀಡುತ್ತಿರುವ ಗಿಫ್ಟ್.
ದರ್ಶನ್ ಜನ್ಮದಿನಕ್ಕಾಗಿ ಅಭಿಮಾನಿಗಳಿಂದ ವಿಶೇಷ ಹಾಡೊಂದು ಗಿಫ್ಟ್ ಸಿಕ್ಕಿದೆ. ದರ್ಶನ್ ಅಭಿಮಾನಿ ಸುಪ್ರೀತ್ ಗಾಂಧಾರ ಹಾಡೊಂದು ಹಾಡಿದ್ದಾರೆ. ದರ್ಶನ್ ಮುಂದಿನ ಸಿನಿಮಾ ರಾಬರ್ಟ್ ಬಾಕ್ಸ್ ಆಫೀಸ್ಅನ್ನು ಧೂಳಿಪಟ ಮಾಡಲಿದೆ ಎಂದು ಹಾಡಿರುವ ಈ ಹಾಡು ಅವರ ಅಭಿಮಾನಿಗಳಿಗೆ ಇಷ್ಟವಾಗಿದೆ.
ಇನ್ನು ಟ್ವಿಟ್ಟರ್ನಲ್ಲಿ ಕಾಮನ್ ಡಿಪಿ ಅಭಿಯಾನ ಜೋರಾಗಿ ನಡೆಯುತ್ತಿದೆ. ನಟನೆಯಲ್ಲಿ ಮಾತ್ರವಲ್ಲದೇ, ಪ್ರಾಣಿಗಳ ರಕ್ಷಣೆ ಹಾಗೂ ಛಾಯಾಗ್ರಹಣದಲ್ಲಿ ದರ್ಶನ್ ಹೆಚ್ಚಿನ ಆಸಕ್ತಿ ಹೊಂದಿದ್ದಾರೆ. ಮೈಸೂರಿನ ಝೂನಲ್ಲಿ ಹುಲಿಯನ್ನು ಕೂಡ ಅವರು ದತ್ತು ಪಡೆದಿದ್ದಾರೆ. ಆಗಾಗ, ಕಾಡಿಗೆ ತೆರಳಿ ಫೋಟೊಗ್ರಫಿ ಕೂಡ ಮಾಡುತ್ತಾರೆ. ಈ ಹಿನ್ನೆಲೆಯಲ್ಲಿ ಅದೇ ಥೀಮ್ಮೇಲೆ ಕಾಮನ್ ಡಿಪಿ ಸಿದ್ಧಪಡಿಸಲಾಗಿದೆ. ವಾಟ್ಸಾಪ್, ಫೇಸ್ಬುಕ್ನಲ್ಲಿ, ಟ್ವಿಟ್ಟರ್ನಲ್ಲಿ ಕಾಮನ್ ಡಿಪಿ ರಾರಾಜಿಸುತ್ತಿದೆ.
ಸಾಮಾಜಿಕ ಜಾಲತಾಣದಲ್ಲಿ ದರ್ಶನ್ಗೆ ಶುಭಾಶಯಗಳ ಸುರಿಮಳೆಯೇ ಹರಿದು ಬರುತ್ತಿದೆ. ಅಭಿಮಾನಿಗಳು ಹಾಗೂ ಚಿತ್ರರಂಗದ ಗಣ್ಯರು ದರ್ಶನ್ಗೆ ಜನ್ಮದಿನದ ಶುಭಾಶಯ ಕೋರುತ್ತಿದ್ದಾರೆ. ಅವರ ಹೆಸರು ಟ್ವಿಟ್ಟರ್ನಲ್ಲಿ ಟ್ರೆಂಡ್ ಕೂಡ ಆಗುತ್ತಿದೆ.
ಇದನ್ನೂ ಓದಿ: DBossBirthdayCDP: ಡಿ ಬಾಸ್ ದರ್ಶನ್ ಜನ್ಮದಿನಕ್ಕೆ ಕಾಮನ್ ಡಿಪಿ ಅಭಿಯಾನ ಆರಂಭಿಸಿದ ಅಭಿಮಾನಿಗಳು
Published On - 6:31 am, Tue, 16 February 21
