KGF Chapter 2: ಹಾಲಿವುಡ್​ ಸಿನಿಮಾದಲ್ಲಿ ಕೆಜಿಎಫ್​-2 ಡೈಲಾಗ್? ಏನಿದರ ಹಿಂದಿನ ರಹಸ್ಯ

ಕೆಜಿಎಫ್​ ಸಿನಿಮಾ ಭಾರತೀಯ ಚಿತ್ರರಂಗದಲ್ಲೇ ಹೊಸ ಇತಿಹಾಸ ಸೃಷ್ಟಿ ಮಾಡಿದೆ. ಕೆಜಿಎಫ್​-2 ಚಿತ್ರ ಜುಲೈನಲ್ಲಿ ತೆರೆಗೆ ಬರಲಿದ್ದು ಮತ್ತೊಂದು ಹೊಸ ದಾಖಲೆ ಸೃಷ್ಟಿ ಮಾಡುವ ಲಕ್ಷಣ ಎದ್ದು ಕಾಣುತ್ತಿದೆ. ಸ್ಯಾಂಡಲ್​ವುಡ್​ ಮಾತ್ರವಲ್ಲದೆ ಬಾಲಿವುಡ್​, ಟಾಲಿವುಡ್​ನಲ್ಲೂ ಕೆಜಿಎಫ್​-2 ಸಿನಿಮಾ ಬಗ್ಗೆ ಚರ್ಚೆ ಆಗುತ್ತಿದೆ. ಈಗ ಹಾಲಿವುಡ್​ ಅಂಗಳದಲ್ಲೂ ಕೆಜಿಎಫ್​-2  ಸದ್ದು ಮಾಡುತ್ತಿದೆ.

ಯಶ್​ ಜನ್ಮದಿನದ ಅಂಗವಾಗಿ ಕೆಜಿಎಫ್​-2 ಸಿನಿಮಾದ ಟೀಸರ್​ ರಿಲೀಸ್​ ಆಗಿತ್ತು. ಈ ಟೀಸರ್​ ಸಾಕಷ್ಟು ದಾಖಲೆಗಳನ್ನು ಕೂಡ ಮಾಡಿತ್ತು. ಈ ಟೀಸರ್​ ಸೃಷ್ಟಿಸಿದ ಹವಾ ನೋಡಿಯೇ ಸಿನಿಮಾ ಮೇಲೆ ಎಷ್ಟು ನಿರೀಕ್ಷೆ ಇದೆ ಎನ್ನುವ ವಿಚಾರ ಸ್ಪಷ್ಟವಾಗಿತ್ತು. ಈ ಟೀಸರ್​ನಲ್ಲಿ A promise was made, and That Promise will be kept.. ಎನ್ನುವ ಡೈಲಾಗ್​ ಬಂದಿತ್ತು. ಈ ಡೈಲಾಗ್​ ಸಾಕಷ್ಟು ವೈರಲ್​ ಆಗಿತ್ತು. ಇದನ್ನು ಹಾಲಿವುಡ್​ ಮಂದಿ ಕೂಡ ಬಳಕೆ ಮಾಡಿಕೊಂಡಂತಿದೆ.

ಗಾಡ್ಜಿಲಾ vs ಕಾಂಗ್​ ಸಿನಿಮಾ ಎಚ್​ಬಿಒ ಮ್ಯಾಕ್ಸ್​ನಲ್ಲಿ ಮಾರ್ಚ್​ 31ರಂದು ರಿಲೀಸ್​ ಆಗುತ್ತಿದೆ. ಈ ಸಿನಿಮಾ ರಿಲೀಸ್​ ಆಗುವುದಕ್ಕೂ ಮುನ್ನ ಚಿತ್ರತಂಡ ಟ್ವೀಟ್​ ಒಂದನ್ನು ಮಾಡಿದೆ. ಅದರಲ್ಲಿ A promise was made, and it will be kept.. ಎಂದು ಹೇಳಿರುವುದು ಸಾಕಷ್ಟು ಕುತೂಹಲ ಮೂಡಿಸಿದೆ.

ಅಂದಹಾಗೆ, ಇದು ಕೆಜಿಎಫ್​ ಡೈಲಾಗ್​ ಅಲ್ಲ. ಕೆಜಿಎಫ್​ ಸಿನಿಮಾದಲ್ಲೇ ಇದು ಮೊದಲು ಬಳಕೆ ಆಗಿಯೂ ಇಲ್ಲ. ಇಂಗ್ಲಿಷ್​ನಲ್ಲಿ ಇದು ಹೆಚ್ಚು ಬಳಕೆಯಲ್ಲಿರುವ ವಾಕ್ಯ (Saying). ಇದನ್ನು ಕೆಜಿಎಫ್​-2ನಲ್ಲಿ ಬಳಕೆ ಮಾಡಲಾಗಿತ್ತು. ಅದನ್ನೇ, ಗಾಡ್ಜಿಲಾ vs ಕಾಂಗ್​ ಸಿನಿಮಾ ತಂಡ ಕೂಡ ಬಳಕೆ ಮಾಡಿಕೊಂಡಿದೆ ಅಷ್ಟೇ.

ಇದನ್ನೂ ಓದಿ: Yash: ಸ್ಯಾಂಡಲ್‌ವುಡ್ ಸ್ಟಾರ್ ಆಗಿದ್ದ ರಾಕಿ ಭಾಯ್ ಇದೀಗ ಯೂನಿವರ್ಸಲ್ ಸ್ಟಾರ್! ರೋಬೋ 2.O ಮೀರಿಸಿದ ‘ಕೆಜಿಎಫ್​ ಚಾಪ್ಟರ್​ 2’