ನಿಜಕ್ಕೂ ಇದೊಂದು ದೊಡ್ಡ ಸಾಧನೆ: ಪುನೀತ್​ ರಾಜ್​ಕುಮಾರ್​ಗೆ ಅಭಿನಂದಿಸಿದ ಕಿಚ್ಚ ಸುದೀಪ್​

ಪುನೀತ್​ ರಾಜ್​ಕುಮಾರ್​​ಗೆ 45 ವರ್ಷ. ವಿಶೇಷ ಎಂದರೆ, ಅವರು ಚಿತ್ರರಂಗದಲ್ಲಿ ಕಳೆದಿದ್ದು ಕೂಡ 45 ವರ್ಷವೇ! ‘ಪ್ರೇಮದ ಕಾಣಿಕೆ’ ಸಿನಿಮಾದಲ್ಲಿ ಪುನೀತ್​ ಶಿಶುವಾಗಿ ಕಾಣಿಸಿಕೊಂಡಿದ್ದರು. ಇದು ಅವರ ಮೊದಲ ಚಿತ್ರ ಕೂಡ ಹೌದು. ಈ ಸಿನಿಮಾ ತೆರೆಕಂಡು 45 ವರ್ಷಗಳು ತುಂಬಿವೆ. ಪುನೀತ್​ ಸಿನಿಮಾ ರಂಗದಲ್ಲಿ 45 ವರ್ಷ ಕಳೆದ ಬಗ್ಗೆ ಕಿಚ್ಚ ಸುದೀಪ್​ ಶುಭಕೋರಿದ್ದಾರೆ. ರಾಜ್​ಕುಮಾರ್​ ಹಾಗೂ ಆರತಿ ಒಟ್ಟಾಗಿ ನಟಿಸಿದ್ದ ಪ್ರೆಮದ ಕಾಣಿಕೆ ಸಿನಿಮಾ 1976ರಲ್ಲಿ ತೆರೆಗೆ ಬಂದಿತ್ತು. ಈ ಚಿತ್ರದಲ್ಲಿ ಪುನೀತ್​ ಶಿಶುವಿನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ನಂತರ ಅವರಿಗೆ ಒಂದು ವರ್ಷ ತುಂಬಿದಾಗ ಸನಾದಿ ಅಪ್ಪಣ್ಣ ಚಿತ್ರದಲ್ಲಿ ಪುನೀತ್​ ಅಭಿನಯಿಸಿದ್ದರು. ನಂತರದಲ್ಲಿ ತಾಯಿಗೆ ತಕ್ಕ ಮಗ, ವಸಂತ ಗೀತಾ, ಭೂಮಿಗೆ ಬಂದ ಭಗವಂತ, ಭಾಗ್ಯವಂತ, ಹೊಸ ಬೆಳಕು ಸೇರಿ ಸಾಕಷ್ಟು ಸಿನಿಮಾಗಳಲ್ಲಿ ಬಾಲ ಕಲಾವಿದನಾಗಿ ಪುನೀತ್​ ನಟಿಸಿದ್ದರು.

ಅಲ್ಲಿಂದ ಇಲ್ಲಿಯವರೆಗೆ ಸಾಕಷ್ಟು ಸಿನಿಮಾಗಳಲ್ಲಿ ಪುನೀತ್​ ನಟಿಸಿದ್ದಾರೆ. ಜೀವನದ 45 ವರ್ಷಗಳನ್ನು ಅವರು ಸಿನಿಮಾಗಾಗೇ ಮುಡಿಪಿಟ್ಟಿದ್ದು ವಿಶೇಷ. ಈ ವಿಶೇಷ ದಿನವನ್ನು ಸುದೀಪ್​ ನೆನೆದಿದ್ದು, ಅಭಿನಂದನೆ ತಿಳಿಸಿದ್ದಾರೆ.

Congrats @PuneethRajkumar .. 45 years is almost ur entire life. HUGE ACHIEVEMENT THIS. Many more years to come and Wishing U more Power. ??

— Kichcha Sudeepa (@KicchaSudeep) February 28, 2021

ಈ ಬಗ್ಗೆ ಟ್ವೀಟ್​ ಮಾಡಿರುವ ಸುದೀಪ್​, ಅಭಿನಂದನೆಗಳು ಪುನೀತ್‌ ರಾಜ್‌ಕುಮಾರ್​. 45 ವರ್ಷಗಳನ್ನು ನೀವು ಚಿತ್ರರಂಗದಲ್ಲಿ ಕಳೆದಿದ್ದೀರಾ. ಇದೊಂದು ದೊಡ್ಡ ಸಾಧನೆ. ಇನ್ನೂ ಹಲವು ವರ್ಷಗಳನ್ನು ನೀವು ಚಿತ್ರರಂಗದಲ್ಲಿ ಕಳೆಯಲಿದ್ದೀರಿ ಮತ್ತು ಹೆಚ್ಚಿನ ಪವರ್​ ನಿಮಗೆ ಸಿಗಲಿ ಎಂದಿದ್ದಾರೆ.

ಇದನ್ನೂ ಓದಿ: Kiccha Sudeep: ಸುದೀಪ್​ ಜತೆ ಪ್ರೇಮ್ಸ್​ ಮತ್ತೊಂದು ಸಿನಿಮಾ; ಆದರೆ, ಇದು ಸತ್ಯವಲ್ಲ!

Published On - 4:23 pm, Sun, 28 February 21