2024ರ ಜನಪ್ರಿಯ, ಬಹುನಿರೀಕ್ಷಿತ ಸಿನಿಮಾಗಳ ಪಟ್ಟಿ ರಿಲೀಸ್; ಕನ್ನಡದ ಒಂದು ಚಿತ್ರವೂ ಇಲ್ಲ
‘ಕೆಜಿಎಫ್ 2’, ‘ಕಾಂತಾರ’ ಮುಂತಾದ ಸಿನಿಮಾಗಳ ಯಶಸ್ಸಿನಿಂದ ಕನ್ನಡ ಚಿತ್ರರಂಗಕ್ಕೆ ಹೊಸ ಮೆರುಗು ಬಂದಿತ್ತು. ಆದರೆ 2024ರಲ್ಲಿ ಚಂದನವನ ಮಂಕಾಗಿದೆ. ಐಎಂಡಿಬಿ ಪ್ರಕಟ ಮಾಡಿರುವ ಟಾಪ್ 10 ಬಹುನಿರೀಕ್ಷಿತ ಹಾಗೂ ಅತಿ ಜನಪ್ರಿಯ ಸಿನಿಮಾಗಳ ಪಟ್ಟಿಯಲ್ಲಿ ಕನ್ನಡ ಸಿನಿಮಾಗಳಿಗೆ ಸ್ಥಾನ ಸಿಕ್ಕಿಲ್ಲ. ಆ ಬಗ್ಗೆ ಇಲ್ಲಿದೆ ಹೆಚ್ಚಿನ ಮಾಹಿತಿ..
2024ರಲ್ಲಿ ಕನ್ನಡ ಚಿತ್ರರಂಗ ಸೊರಗಿದೆ. ಅಂಕಿ-ಅಂಶಗಳಿಂದಲೂ ಈ ಮಾತು ಸಾಬೀತಾಗುತ್ತಿದೆ. ಕನ್ನಡದ ಸಿನಿಮಾಗಳಿಗೆ ನಿರೀಕ್ಷಿತ ಪ್ರಮಾಣದ ಗೆಲುವು ಸಿಗುತ್ತಿಲ್ಲ. ಇನ್ನುಳಿದ ಭಾಷೆಯ ಸಿನಿಮಾಗಳ ಎದುರು ಪೈಪೋಟಿ ನೀಡುವಲ್ಲಿ ಸ್ಯಾಂಡಲ್ವುಡ್ ಸಿನಿಮಾಗಳು ಕಷ್ಟಪಡುತ್ತಿವೆ. 2024ರಲ್ಲಿ ಅರ್ಧ ವರ್ಷ ಕಳೆದುಹೋಗಿದೆ. ಈವರೆಗೆ ಭಾರತದಲ್ಲಿ ಬಿಡುಗಡೆಯಾದ ಸಿನಿಮಾಗಳ ಪೈಕಿ ಜನಪ್ರಿಯ 10 ಸಿನಿಮಾಗಳ ಪಟ್ಟಿಯನ್ನು ಐಎಂಡಿಬಿ ರಿಲೀಸ್ ಮಾಡಿದೆ. ಹಾಗೆಯೇ, ಮುಂಬರುವ ತಿಂಗಳಲ್ಲಿ ರಿಲೀಸ್ಗೆ ಸಿದ್ಧವಾಗಿರುವ 10 ಬಹುನಿರೀಕ್ಷಿತ ಸಿನಿಮಾಗಳ ಪಟ್ಟಿಯನ್ನು ಕೂಡ ಅನಾವರಣ ಮಾಡಲಾಗಿದೆ.
2024ರ ಜನವರಿ 1ರಿಂದ ಜುಲೈ 10ರವರೆಗೆ ಬಿಡುಗಡೆ ಆದ ಸಿನಿಮಾಗಳಲ್ಲಿ ಅತಿ ಹೆಚ್ಚು ಜನಪ್ರಿಯತೆ ಹೊಂದಿದ ಟಾಪ್ 10 ಸಿನಿಮಾಗಳ ಪಟ್ಟಿ ಹೀಗಿದೆ. ಐಎಂಡಿವಿ ವೆಬ್ಸೈಟ್ನಲ್ಲಿ ಈ ಸಿನಿಮಾಗಳು ಪಡೆದ ವೀವ್ಸ್ ಮತ್ತು ರೇಟಿಂಗ್ ಆಧಾರದ ಮೇಲೆ ಈ ಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ. ಇದರಲ್ಲಿ ಕನ್ನಡದ ಯಾವುದೇ ಸಿನಿಮಾಗಳು ಇಲ್ಲ ಎಂಬುದು ನಿರಾಸೆ ಮೂಡಿಸಿದೆ.
1. ಕಲ್ಕಿ 2898 ಎಡಿ 2. ಮಂಜುಮೇಲ್ ಬಾಯ್ಸ್ 3. ಫೈಟರ್ 4. ಹನುಮಾನ್ 5. ಶೈತಾನ್ 6. ಲಾಪತಾ ಲೇಡೀಸ್ 7. ಆರ್ಟಿಕಲ್ 370 8. ಪ್ರೇಮಲು 9. ಆವೇಶಂ 10. ಮುಂಜ್ಯ
ಇದನ್ನೂ ಓದಿ: ‘ಐಎಂಡಿಬಿ ಟಾಪ್ 100’ ಪಟ್ಟಿಯಲ್ಲಿ ಇರುವ ಏಕೈಕ ಕನ್ನಡದ ನಟ ಯಶ್; ಎಷ್ಟನೇ ಸ್ಥಾನ?
ಈ ವರ್ಷ ಡಿಸೆಂಬರ್ ತನಕ ಬಿಡುಗಡೆ ಆಗಲಿರುವ ಸಿನಿಮಾಗಳಲ್ಲಿ ಅತಿ ಹೆಚ್ಚು ನಿರೀಕ್ಷೆ ಹುಟ್ಟುಹಾಕಿರುವ ಟಾಪ್ 10 ಚಿತ್ರಗಳ ಪಟ್ಟಿಯನ್ನು ಕೂಡ ಐಎಂಡಿಬಿ ರಿಲೀಸ್ ಮಾಡಿದೆ. ಇದರಲ್ಲಿಯೂ ಕೂಡ ಕನ್ನಡದ ಯಾವುದೇ ಸಿನಿಮಾಗಳು ಇಲ್ಲ. ಈ ವಿಚಾರದಲ್ಲಿ ಚಂದನವನದ ಸಿನಿಮಾಗಳಿಗೆ ಹಿನ್ನಡೆ ಆಗಿದೆ.
‘Tis the season of lists, and we’re back with the ultimate one! 🌟
Halfway through 2024, we’re excited to share the Most Popular Indian Movies of the year (so far!) 🎬✨ Which one’s your top pick? 🤔
1. Kalki 2898-AD pic.twitter.com/9eCnBR7zYM
— IMDb India (@IMDb_in) July 23, 2024
1. ಪುಷ್ಪ 2 2. ದೇವರ ಪಾರ್ಟ್ 1 3. ವೆಲ್ಕಮ್ ಟು ದಿ ಜಂಗಲ್ 4. ದಿ ಗ್ರೇಟೆಸ್ಟ್ ಆಫ್ ಆಲ್ ಟೈಮ್ 5.ಕಂಗುವ 6. ಸಿಂಗಂ ಅಗೇನ್ 7. ಭೂಲ್ಭುಲಯ್ಯ 3 8. ತಂಗಲಾನ್ 9. ಔರೋಮೆ ಕಹಾ ಧಮ್ ಥಾ 10. ಸ್ತ್ರೀ 2
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
