‘ಐಎಂಡಿಬಿ ಟಾಪ್ 100’ ಪಟ್ಟಿಯಲ್ಲಿ ಇರುವ ಏಕೈಕ ಕನ್ನಡದ ನಟ ಯಶ್; ಎಷ್ಟನೇ ಸ್ಥಾನ?
ನಟ ಯಶ್ ಅವರು ‘ಟಾಕ್ಸಿಕ್’ ಸಿನಿಮಾದಲ್ಲಿ ಬ್ಯುಸಿ ಆಗಿದ್ದಾರೆ. ಜಾಗತಿಕ ಮಟ್ಟದಲ್ಲಿ ಅವರಿಗೆ ಜನಪ್ರಿಯತೆ ಇದೆ. ಐಎಂಡಿಬಿ ಪ್ರಕಟಿಸಿದ ಟಾಪ್ 100 ಭಾರತೀಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಯಶ್ ಕೂಡ ಇದ್ದಾರೆ. ಇದರಲ್ಲಿ ಸ್ಥಾನ ಪಡೆದ ಕನ್ನಡದ ಏಕೈಕ ನಟ ಅವರು. ಬೇರೆ ಭಾಷೆಯ ಯಾವೆಲ್ಲ ನಟರು ಈ ಪಟ್ಟಿಯಲ್ಲಿದ್ದಾರೆ ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ ನೋಡಿ..
Updated on: May 29, 2024 | 5:22 PM
‘ರಾಕಿಂಗ್ ಸ್ಟಾರ್’ ಯಶ್ (Yash) ಅವರು ಜಾಗತಿಕ ಮಟ್ಟದಲ್ಲಿ ಖ್ಯಾತಿ ಗಳಿಸಿದ್ದಾರೆ. ಅದಕ್ಕೆ ಕಾರಣ ಆಗಿದ್ದು ‘ಕೆಜಿಎಫ್: ಚಾಪ್ಟರ್ 1’ ಮತ್ತು ‘ಕೆಜಿಎಫ್: ಚಾಪ್ಟರ್ 2’ ಸಿನಿಮಾಗಳ ಯಶಸ್ಸು. ಭಾರತದ ಅನೇಕ ಸೆಲೆಬ್ರಿಟಿಗಳಿಗೆ ಯಶ್ ಪೈಪೋಟಿ ನೀಡುತ್ತಿದ್ದಾರೆ. ಅದಕ್ಕೆ ಸಾಕ್ಷಿ ಎಂಬಂತೆ ಒಂದು ಪಟ್ಟಿ ಬಿಡುಗಡೆ ಆಗಿದೆ. ಐಎಂಡಿಬಿ (IMDb) ವೆಬ್ಸೈಟ್ನಲ್ಲಿ ಅತಿ ಹೆಚ್ಚು ವೀಕ್ಷಣೆಗೆ ಒಳಪಟ್ಟ ಭಾರತದ 100 ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಯಶ್ ಕೂಡ ಸ್ಥಾನ ಪಡೆದಿದ್ದಾರೆ. ಈ ಪಟ್ಟಿಯಲ್ಲಿ ಇರುವ ಏಕೈಕ ಕನ್ನಡಿಗ ಅವರು ಎಂಬುದು ಹೆಮ್ಮೆಯ ವಿಚಾರ. ಟಾಪ್ 10 ಸೆಲೆಬ್ರಿಟಿಗಳಲ್ಲಿ (IMDb Top 100 Indian celebrities) ಯಶ್ ಅವರಿಗೆ 89ನೇ ಸ್ಥಾನ ಸಿಕ್ಕಿದೆ.
ಕಳೆದ 10 ವರ್ಷಗಳಲ್ಲಿ, ಅಂದರೆ 2014ರ ಏಪ್ರಿಲ್ ತಿಂಗಳಿಂದ 2024ರ ಏಪ್ರಿಲ್ವರೆಗೆ ಐಎಂಡಿಬಿ ವೆಬ್ಸೈಟ್ನಲ್ಲಿ ಸೆಲೆಬ್ರಿಟಿಗಳ ಪ್ರೊಫೈಲ್ ಪುಟಕ್ಕೆ ಎಷ್ಟು ಜನರು ಭೇಟಿ ನೀಡಿದ್ದಾರೆ ಎಂಬುದರ ಆಧಾರದ ಮೇಲೆ ಈ ಪಟ್ಟಿ ಸಿದ್ಧವಾಗಿದೆ. ನಟಿ ದೀಪಿಕಾ ಪಡುಕೋಣೆ ಅವರ ಪುಟಯನ್ನು ಅತಿ ಹೆಚ್ಚಿನ ಜನರು ವೀಕ್ಷಿಸಿದ್ದಾರೆ. ಹಾಗಾಗಿ ಅವರಿಗೆ ನಂಬರ್ ಸ್ಥಾನ ಸಿಕ್ಕಿದೆ. 89ನೇ ಸ್ಥಾನದಲ್ಲಿ ಯಶ್ ಇದ್ದಾರೆ.
ಇದನ್ನೂ ಓದಿ: ಯಶ್ ‘ಟಾಕ್ಸಿಕ್’ ಸಿನಿಮಾ ನಾಯಕಿ ಯಾರು? ಗೊಂದಲ ಸೃಷ್ಟಿಸಿದೆ ಹೆಸರುಗಳು
ಯಶ್ ಅವರನ್ನು ಹೊರತುಪಡಿಸಿ ಕನ್ನಡದ ಬೇರೆ ಯಾವುದೇ ನಟರು ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿಲ್ಲ. ಆದರೆ ಅಕ್ಕಪಕ್ಕದ ರಾಜ್ಯದ ಸೆಲೆಬ್ರಿಟಿಗಳು ಈ ಪಟ್ಟಿಯಲ್ಲಿ ಇದ್ದಾರೆ. ಹೆಚ್ಚಿನ ಸ್ಥಾನವನ್ನು ಬಾಲಿವುಡ್ ಮಂದಿ ಆಕ್ರಮಿಸಿಕೊಂಡಿದ್ದಾರೆ. ದಕ್ಷಿಣ ಭಾರತದ ಸೆಲೆಬ್ರಿಟಿಗಳ ಪೈಕಿ ಕೆಲವರು ಇದರಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ. 13ನೇ ಸ್ಥಾನದಲ್ಲಿ ಸಮಂತಾ ರುತ್ ಪ್ರಭು ಇದ್ದಾರೆ.
16ನೇ ಸ್ಥಾನದಲ್ಲಿ ತಮನ್ನಾ ಭಾಟಿಯಾ, 18ನೇ ಸ್ಥಾನದಲ್ಲಿ ನಯನತಾರಾ, 29ನೇ ಸ್ಥಾನದಲ್ಲಿ ಪ್ರಭಾಸ್, 30ನೇ ಸ್ಥಾನದಲ್ಲಿ ಧನುಷ್, 31ನೇ ಸ್ಥಾನದಲ್ಲಿ ರಾಮ್ ಚರಣ್, 35ನೇ ಸ್ಥಾನದಲ್ಲಿ ದಳಪತಿ ವಿಜಯ್, 42ನೇ ಸ್ಥಾನದಲ್ಲಿ ರಜನಿಕಾಂತ್, 43ನೇ ಸ್ಥಾನದಲ್ಲಿ ವಿಜಯ್ ಸೇತುಪತಿ, 47ನೇ ಸ್ಥಾನದಲ್ಲಿ ಅಲ್ಲು ಅರ್ಜುನ್, 48ನೇ ಸ್ಥಾನದಲ್ಲಿ ಮೋಹನ್ಲಾಲ್, 50ನೇ ಸ್ಥಾನದಲ್ಲಿ ಆರ್. ಮಾಧವನ್ ಇದ್ದಾರೆ.
— IMDb India (@IMDb_in) May 29, 2024
ಶ್ರಿಯಾ ಶರಣ್ ಅವರಿಗೆ 53ನೇ ಸ್ಥಾನ, ಕಮಲ್ ಹಾಸನ್ಗೆ 54ನೇ ಸ್ಥಾನ, ಶ್ರುತಿ ಹಾಸನ್ಗೆ 58ನೇ ಸ್ಥಾನ, ಸೂರ್ಯ ಅವರಿಗೆ 62ನೇ ಸ್ಥಾನ, ಮಮ್ಮುಟ್ಟಿ ಅವರಿಗೆ 63ನೇ ಸ್ಥಾನ ಸಿಕ್ಕಿದೆ. ಪೂಜಾ ಹೆಗ್ಡೆ ಅವರು 66ನೇ ಸ್ಥಾನದಲ್ಲಿ ಇದ್ದಾರೆ. 67ನೇ ಸ್ಥಾನದಲ್ಲಿ ಜೂನಿಯರ್ ಎನ್ಟಿಆರ್, 72ನೇ ಸ್ಥಾನದಲ್ಲಿ ಮಹೇಶ್ ಬಾಬು, 78ನೇ ಸ್ಥಾನದಲ್ಲಿ ರಶ್ಮಿಕಾ ಮಂದಣ್ಣ, 81ನೇ ಸ್ಥಾನದಲ್ಲಿ ಫಹಾದ್ ಫಾಸಿಲ್, 82ನೇ ಸ್ಥಾನದಲ್ಲಿ ರಕುಲ್ ಪ್ರೀತ್ ಸಿಂಗ್, 84ನೇ ಸ್ಥಾನದಲ್ಲಿ ತ್ರಿಶಾ ಕೃಷ್ಣನ್, 86ನೇ ಸ್ಥಾನದಲ್ಲಿ ಅನುಷ್ಕಾ ಶೆಟ್ಟಿ ಇದ್ದಾರೆ. ವಿಕ್ರಮ್ ಅವರು 92ನೇ ಸ್ಥಾನ ಪಡೆದಿದ್ದಾರೆ. 97ನೇ ಸ್ಥಾನದಲ್ಲಿ ಪ್ರಿಯಾಮಣಿ ಇದ್ದಾರೆ. 98ನೇ ಸ್ಥಾನ ಅಜಿತ್ಗೆ ಸಿಕ್ಕಿದೆ. 100ನೇ ಸ್ಥಾನದಲ್ಲಿ ಪೃಥ್ವಿರಾಜ್ ಸುಕುಮಾರನ್ ಇದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
