‘ಟಾಕ್ಸಿಕ್’ ಫಲಿತಾಂಶದ ಬಗ್ಗೆ ಯಶ್ ಮೊದಲ ರಿಯಾಕ್ಷನ್ ಏನು? ಕೊನೆಗೂ ಸಿಕ್ಕಿತು ಉತ್ತರ

‘ಟಾಕ್ಸಿಕ್’ ಸಿನಿಮಾದ ಫಲಿತಾಂಶ ತಂಡದವರು ನಿರೀಕ್ಷೆ ಮಾಡಿದಂತೆ ಬರಲಿಲ್ಲ. ಸಿನಿಮಾದ ಬಜೆಟ್​ಗೂ, ಆಗಿರೋ ಗಳಿಕೆಗೂ ಅಜಗಜಾಂತರ ಇದೆ. ಈ ಸಿನಿಮಾ ಸೋಲಿನ ಬಗ್ಗೆ ಯಶ್ ಅವರು ಈವರೆಗೆ ಮಾತನಾಡಿಲ್ಲ. ಆದರೆ, ಸಿನಿಮಾದ ರಿಸಲ್ಟ್ ಬಗ್ಗೆ ಅವರ ಉತ್ತರ ಏನಿತ್ತು ಎಂಬುದನ್ನು ‘ಟಾಕ್ಸಿಕ್’ ಸಿನಿಮಾದ ಡಬ್ಬಿಂಗ್ ಸೂಪರ್​ವೈಸರ್, ಯಶ್ ಆಪ್ತ, ನಟ ಜೈದೇವ್ ಮೋಹನ್ ಮಾತನಾಡಿದ್ದಾರೆ.

ಮಾಧ್ಯಮ ಒಂದಕ್ಕೆ ನೀಡಿದ ಸಂದರ್ಶನದಲ್ಲಿ ಜೈದೇವ್ ಈ ಬಗ್ಗೆ ಮಾತನಾಡಿದ್ದಾರೆ. ‘ಟಾಕ್ಸಿಕ್’ ಸಿನಿಮಾ ರಿಲೀಸ್ ಆದ ಬಳಿಕ ಲಕ್ಷಾಂತರ ಲಿಂಕ್​​ಗಳನ್ನು ತೆಗೆಸಲಾಗಿದೆಯಂತೆ. ಇಷ್ಟೇ ಅಲ್ಲ, ಸಿನಿಮಾ ಸೋಲಿಸಬೇಕೆಂದು ಹುನ್ನಾರ ನಡೆದಿದೆ ಎಂದು ಅವರು ಆರೋಪಿಸಿದ್ದಾರೆ. ಇನ್ನು, ‘ಟಾಕ್ಸಿಕ್’ ರಿಲೀಸ್ ಬಗ್ಗೆ ಯಶ್​ ಜೊತೆ ಕರೆ ಮಾಡಿ ಮಾತನಾಡಿದ್ದಾಗಿ ಅವರು ವಿವರಿಸಿದ್ದಾರೆ.

‘ಯಶ್ ಕಾಲ್ ಮಾಡಿದ್ದರು. ಹೆಚ್ಚು ಮನಸ್ಸಿಗೆ ಹಚ್ಚಿಕೊಳ್ಳಬೇಡ ಜೈದೇವ್, ನಾವು ಪ್ರಾಮಾಣಿಕವಾಗಿ ಶ್ರಮಪಟ್ಟು ಸಿನಿಮಾ ಮಾಡಿ ಪ್ರೇಕ್ಷಕರಿಗೆ ತಲುಪಿಸಿದ್ದೇವೆ. ಮುಂದೆ ಮಾಡಬೇಕಾದ ಕೆಲಸಗಳು ಸಾಕಷ್ಟಿವೆ, ಸಿಗೋಣ ಎಂದು ಸಮಾಧಾನ ಹೇಳಿದ್ದರು. ಯಶ್‌ ಅವರು ಮೇಲ್ನೋಟಕ್ಕೆ ತಮಗೆ ಧೈರ್ಯ ತುಂಬಿದರೂ, ಅವರ ಧ್ವನಿಯಲ್ಲಿ ಆ ನೋವು ಸ್ಪಷ್ಟವಾಗಿ ಎದ್ದು ಕಾಣುತ್ತಿತ್ತು’ ಎಂದು ಜೈದೇವ್ ಹಂಚಿಕೊಂಡಿದ್ದಾರೆ.

‘ಸುಮಾರು 4 ವರ್ಷಗಳ ಕಾಲ ಆರಂಭದ ಹಂತದಿಂದಲೂ ಈ ಚಿತ್ರಕ್ಕಾಗಿ ಶ್ರಮಿಸಿದ್ದರಿಂದ ಬೇಸರವಾಗುವುದು ಸಹಜ. ಆದರೆ ಅಂತಿಮವಾಗಿ ಪ್ರೇಕ್ಷಕರ ತೀರ್ಪನ್ನು ಗೌರವದಿಂದ ಒಪ್ಪಿಕೊಳ್ಳಲೇಬೇಕು. ನಾವು ಚೆನ್ನಾಗಿ ಮಾಡಿದ್ದೇವೆ, ಪ್ರೇಕ್ಷಕರು ಒಪ್ಪಿಲ್ಲ’ ಎನ್ನುವ ಥಿಯರಿ ನಮ್ಮದಲ್ಲ ಎಂದು ಜೈದೇವ್ ಹೇಳಿದ್ದಾರೆ.

ಇದನ್ನೂ ಓದಿ: ‘ಟಾಕ್ಸಿಕ್’ ನಿರ್ದೇಶಕಿಯನ್ನು ಅನ್​ಫಾಲೋ ಮಾಡಿದ್ದಕ್ಕೆ ನಟಿ ಪಾರ್ವತಿ ಪ್ರತಿಕ್ರಿಯೆ

600 ಕೋಟಿ ರೂಪಾಯಿ ಬಜೆಟ್​ನಲ್ಲಿ ಸಿದ್ಧವಾದ ‘ಟಾಕ್ಸಿಕ್’ ಸಿನಿಮಾ 350 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಲು ಕಷ್ಟಪಡುತ್ತಿದೆ. ಮೊದಲ ದಿನದ ಗಳಿಕೆ ನಂತರ ಸಿನಿಮಾ ಡಲ್ ಹೊಡೆದಿದೆ. ಆ ಬಳಿಕ ಸಿನಿಮಾಗೆ ಚೇತರಿಸಿಕೊಳ್ಳಲು ಸಾಧ್ಯವಾಗಲೇ ಇಲ್ಲ.

ಟಾಕ್ಸಿಕ್​ ಸಿನಿಮಾ ಬಗ್ಗೆ ಸಾಮಾನ್ಯವಾಗಿ ಕೇಳಲಾದ ಪ್ರಶ್ನೆ ಉತ್ತರಗಳು

ಪ್ರಶ್ನೆ: ಟಾಕ್ಸಿಕ್ ಅಸಲಿ ಗಳಿಕೆ ಎಷ್ಟು ಕೋಟಿ?

ಉತ್ತರ: 320 ಕೋಟಿ ರೂಪಾಯಿ

ಪ್ರಶ್ನೆ: ಟಾಕ್ಸಿಕ್ ಸಿನಿಮಾ ರಿಲೀಸ್ ಆಗಿದ್ದು ಯಾವಾಗ?

ಉತ್ತರ: ಆಗಸ್ಟ್ 26

ಪ್ರಶ್ನೆ: ‘ಟಾಕ್ಸಿಕ್’ ಚಿತ್ರದಲ್ಲಿ ಯಶ್ ಪಾತ್ರವೇನು?

ಉತ್ತರ: ನಟ, ನಿರ್ಮಾಣ ಹಾಗೂ ಬರಹಗಾರ

Published On - 7:41 am, Thu, 10 September 26