‘ಕೆಜಿಎಫ್ 2’ ಕ್ಲೈಮ್ಯಾಕ್ಸ್ಗೂ, ‘ಸಲಾರ್’ ಟೀಸರ್ ರಿಲೀಸ್ ಸಮಯಕ್ಕೂ ಇದೆ ಕನೆಕ್ಷನ್; ಇದು ಊಹೆಗೂ ಮೀರಿದ್ದು
Salaar Teaser: ‘ಸಲಾರ್’ ಟೀಸರ್ ರಿಲೀಸ್ ಸಮಯ ಕೇಳಿ ಅನೇಕರು ಅಚ್ಚರಿ ಹೊರಹಾಕಿದ್ದರು. ಏಕೆಂದರೆ ಈ ಟೀಸರ್ ರಿಲೀಸ್ ಆಗುತ್ತಿರುವುದು ಜುಲೈ 6ರ ಮುಂಜಾನೆ 5:12ಕ್ಕೆ.
ಸಿನಿಮಾ ನಿರ್ದೇಶನದ ವಿಚಾರದಲ್ಲಿ ಪ್ರಶಾಂತ್ ನೀಲ್ (Prashanth Neel) ಅವರ ಬುದ್ಧಿವಂತಿಕೆಯನ್ನು ಎಲ್ಲರೂ ಮೆಚ್ಚಲೇಬೇಕು. ಅವರು ಸಿನಿಮಾ ಕಟ್ಟಿಕೊಡುವ ರೀತಿಗೆ ಈಗಾಗಲೇ ಎಲ್ಲರೂ ಫಿದಾ ಆಗಿದ್ದಾರೆ. ‘ಕೆಜಿಎಫ್’ ಹಾಗೂ ‘ಕೆಜಿಎಫ್ 2’ (KGF Chapter 2) ಚಿತ್ರಗಳಲ್ಲಿ ಅವರ ಕಸುಬುದಾರಿಕೆ ಸಾಬೀತಾಗಿದೆ. ಈಗ ಅವರ ನಿರ್ದೇಶನದಲ್ಲಿ ‘ಸಲಾರ್’ ಚಿತ್ರ ಮೂಡಿಬರುತ್ತಿದೆ. ಪ್ರಭಾಸ್, ಶ್ರುತಿ ಹಾಸನ್, ಪೃಥ್ವಿರಾಜ್ ಸುಕುಮಾರನ್ ಸೇರಿ ಅನೇಕರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದ ಟೀಸರ್ ರಿಲೀಸ್ ದಿನಾಂಕ ಇತ್ತೀಚೆಗೆ ಘೋಷಣೆ ಆಗಿತ್ತು. ಈಗ ಟೀಸರ್ ರಿಲೀಸ್ ಸಮಯಕ್ಕೂ, ‘ಕೆಜಿಎಫ್ 2’ ಕ್ಲೈಮ್ಯಾಕ್ಸ್ಗೂ ಲಿಂಕ್ ಕೊಡುವ ಕೆಲಸ ಆಗುತ್ತಿದೆ.
ಹೈಪ್ ಇರುವ ಸಿನಿಮಾಗಳ ಟೀಸರ್ನ ಸಾಮಾನ್ಯವಾಗಿ ಸಂಜೆ ವೇಳೆಗೆ ರಿಲೀಸ್ ಮಾಡಲಾಗುತ್ತದೆ. ಆದರೆ, ‘ಸಲಾರ್’ ಟೀಸರ್ ರಿಲೀಸ್ ಸಮಯ ಕೇಳಿ ಅನೇಕರು ಅಚ್ಚರಿ ಹೊರಹಾಕಿದ್ದರು. ಏಕೆಂದರೆ ಈ ಟೀಸರ್ ರಿಲೀಸ್ ಆಗುತ್ತಿರುವುದು ಜುಲೈ 6ರ ಮುಂಜಾನೆ 5:12ಕ್ಕೆ. ಆದರೆ, ಈ ರೀತಿ ಟೀಸರ್ ರಿಲೀಸ್ ಮಾಡುವುದಕ್ಕೂ ಒಂದು ಕಾರಣ ಇದೆ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ನಡೆಯುತ್ತಿದೆ.
‘ಕೆಜಿಎಫ್ 2’ ಚಿತ್ರದ ಕ್ಲೈಮ್ಯಾಕ್ಸ್ ದೃಶ್ಯದ ಫೋಟೋ ವೈರಲ್ ಆಗಿದೆ. ರಾಕಿ ಮೇಲೆ ದಾಳಿ ನಡೆದಿದ್ದು, ಅವನು ನೀರಿನ ಅಡಿಯಲ್ಲಿ ಹೋಗೋದು ಮುಂಜಾನೆ ಐದು ಗಂಟೆ ಸುಮಾರಿಗೆ. ಕ್ಲೈಮ್ಯಾಕ್ಸ್ ದೃಶ್ಯದಲ್ಲಿ ಬರುವ ಗಡಿಯಾರದಲ್ಲಿ ಐದು ಗಂಟೆ, ಐದು ನಿಮಿಷ ಆಗಿರುತ್ತದೆ. ರಾಕಿ ನೀರಿಗೆ ಬೀಳೋದು 5:12 ನಿಮಿಷಕ್ಕೆ ಎನ್ನಲಾಗಿದೆ. ಇದೇ ವೇಳೆ ‘ಸಲಾರ್’ ಸಿನಿಮಾ ಕಥೆ ಆರಂಭ ಆಗುತ್ತದೆ ಎನ್ನುವ ಊಹೆಗಳು ಹರಿದಾಡಿದೆ. ಇದೇ ಕಾರಣಕ್ಕೆ ‘ಸಲಾರ್’ ಟೀಸರ್ ಮುಂಜಾನೆ 5:12ಕ್ಕೆ ಬಿಡುಗಡೆ ಮಾಡಲಾಗುತ್ತಿದೆಯಂತೆ.
In #Yash‘s #KGFChapter2 climax Rocky Bhai gets attacked at 5:12 AM and submerged in the sea.
Now #Prabhas‘ #SalaarTeaser is planned to release at the same time on July 6th..
Looks like a master plan from #PrashanthNeel to create a BRILLIANT connection between #KGF2 and #Salaar. pic.twitter.com/ctprzO6NLw
— Manobala Vijayabalan (@ManobalaV) July 3, 2023
ಇದನ್ನೂ ಓದಿ: Salaar Teaser: ಏಕಾಏಕಿ ಟೀಸರ್ ರಿಲೀಸ್ ದಿನಾಂಕ ಘೋಷಿಸಿದ ‘ಸಲಾರ್’ ತಂಡ; ಜುಲೈ 6ಕ್ಕೆ ಸಿಗಲಿದೆ ಸರ್ಪ್ರೈಸ್
ಈ ಥಿಯರಿಯನ್ನು ಅನೇಕರು ಒಪ್ಪಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಚರ್ಚೆ ಶುರುವಾಗಿದೆ. ಈ ಎಲ್ಲಾ ಪ್ರಶ್ನೆಗಳಿಗೆ ಜುಲೈ 6ರ ಮುಂಜಾನೆಯೇ ಉತ್ತರ ಸಿಗಬೇಕಿದೆ. ‘ಸಲಾರ್’ ಸಿನಿಮಾ ಬಗ್ಗೆ ಸಾಕಷ್ಟು ನಿರೀಕ್ಷೆ ಸೃಷ್ಟಿ ಆಗಿದೆ. ಇಲ್ಲಿಯವರೆಗೆ ಕೇವಲ ಸಿನಿಮಾದ ಪೋಸ್ಟರ್ಗಳನ್ನು ಮಾತ್ರ ರಿಲೀಸ್ ಮಾಡಲಾಗಿತ್ತು. ಈಗ ಟೀಸರ್ ಮೂಲಕ ಗಮನ ಸೆಳೆಯಲು ತಂಡ ರೆಡಿ ಆಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 7:05 am, Tue, 4 July 23
