ವಿಷ್ಣುವರ್ಧನ್ ಜೊತೆ ಅಭಿನಯಿಸಿದ್ದ ಈ ನಟಿಗೆ 54 ವರ್ಷ; ಇವರು ಮದುವೆಯನ್ನೇ ಆಗಿಲ್ಲವೇಕೆ?

ಮಲಯಾಳಂ, ತಮಿಳು, ತೆಲುಗು ಹಾಗೂ ಕನ್ನಡದಲ್ಲಿ ಟಾಪ್ ಹೀರೋಗಳ ನಾಯಕಿಯಾಗಿ ನಟಿಸಿದ್ದ ಶೋಭನಾ 54 ವರ್ಷವಾದರೂ ಮದುವೆಯಾಗಿಲ್ಲ. ಅವರು ಕನ್ನಡದಲ್ಲಿ ವಿಷ್ಣುವರ್ಧನ್ ಹಾಗೂ ಅಂಬರೀಷ್ ಜೊತೆ ನಟಿಸಿದ್ದರು. ಅವರು ಮದುವೆ ಏಕೆ ಆಗಿಲ್ಲ ಎಂಬುದಕ್ಕೆ ಸಂದರ್ಶನವೊಂದರಲ್ಲಿ ನೀಡಿದ ಹೇಳಿಕೆ ವೈರಲ್ ಆಗಿದೆ. ಅಷ್ಟಕ್ಕೂ ಅವರು ಹೇಳಿದ್ದು ಏನು ಎಂಬ ಬಗ್ಗೆ ಇಲ್ಲಿದೆ ವಿವರ.

ನಟಿ ಶೋಭನಾ ಅವರು ಮಾರ್ಚ್ 21, 1970 ರಂದು ಕೇರಳದ ತಿರುವನಂತಪುರದಲ್ಲಿ ಜನಿಸಿದರು. 1980ರಲ್ಲಿ ಶ್ರೀಕಾಂತ್ ಮತ್ತು ಕೆ.ಆರ್.ವಿಜಯ ಅಭಿನಯದ ತಮಿಳಿನ ‘ಮಂಗಳ ನಾಯಗಿ’ ಚಿತ್ರದಲ್ಲಿ ಬಾಲನಟಿಯಾಗಿ ಕಾಣಿಸಿಕೊಂಡರು. ಮಲಯಾಳಂ ಚಿತ್ರರಂಗದ ಮೂಲಕ ನಾಯಕಿಯಾಗಿ ಪರಿಚಯವಾದ ನಟಿ ಶೋಭಾನಾ 1984ರಲ್ಲಿ ಎಸ್.ಬಿ.ಮುತ್ತುರಾಮನ್ ನಿರ್ದೇಶನದ, ನಟ ಕಮಲ್ ಹಾಸನ್ ಅಭಿನಯದ ‘ಮಾಡುಲ್ ಒರುವನ್’ ಚಿತ್ರದ ಮೂಲಕ ತಮಿಳು ಅಭಿಮಾನಿಗಳಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡರು. ಕನ್ನಡದಲ್ಲಿ, ಅಂಬರೀಷ್ ನಟನೆಯ ‘ಗಿರಿ ಬಾಲೆ’ (1985) ಹಾಗೂ ವಿಷ್ಣುವರ್ಧನ್ ನಟನೆಯ ‘ಶಿವಂಶಕರ್’ (1990) ಚಿತ್ರದಲ್ಲಿ ಅಭಿನಯಿಸಿದರು.

ಆ ಬಳಿಕ ಶೋಭನಾ ಕನ್ನಡದಲ್ಲಿ ಅವರು ಅಷ್ಟಾಗಿ ಸಿನಿಮಾ ಮಾಡಿಲ್ಲ. ಅವರು ಈವರೆಗೆ 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿ ಶೋಭಾನಾ ನಟಿಸಿದ್ದಾರೆ. ಕೊನೆಗೆ ತಮಿಳಿನ ‘ಕೊಚ್ಚಡೈಯಾನ್’ ಚಿತ್ರದಲ್ಲಿ ನಟಿಸಿದ್ದಾರೆ. ಅದಾದ ನಂತರ ಆಗಾಗ ಬೇರೆ ಭಾಷೆಯ ಚಿತ್ರಗಳಲ್ಲಿ ನಟಿಸುತ್ತಾ ಫುಲ್ ಟೈಮ್ ಡ್ಯಾನ್ಸ್ ನತ್ತ ಗಮನ ಹರಿಸಿದ್ದಾರೆ.

ಇದನ್ನೂ ಓದಿ:ಪದ್ಮ ಪ್ರಶಸ್ತಿಗೆ ಭಾಜನರಾದ ಚಿತ್ರರಂಗದ ಸಾಧಕರ ಪಟ್ಟಿ

ಶೋಭನಾ ಭರನಾಟ್ಯ ಕಲಾವಿದೆ. ಶೋಭನಾ ಪ್ರಸ್ತುತ ಚೆನ್ನೈನಲ್ಲಿ ಕಲಾರ್ಪಣ ಎಂಬ ನೃತ್ಯ ಶಾಲೆಯನ್ನು ನಡೆಸುತ್ತಿದ್ದಾರೆ. 2006 ರಲ್ಲಿ, ಅವರು ಕಲೆಗೆ ನೀಡಿದ ಕೊಡುಗೆಗಳಿಗಾಗಿ ಭಾರತ ಸರ್ಕಾರದಿಂದ ಪದ್ಮಶ್ರೀ ಪ್ರಶಸ್ತಿಯನ್ನು ಪಡೆದರು.

ಇತ್ತೀಚೆಗೆ ನಟಿ ಶೋಭನಾ ಅವರಿಗೆ ಪದ್ಮಭೂಷಣ ಪ್ರಶಸ್ತಿಯನ್ನು ಘೋಷಿಸಲಾಗಿತ್ತು. ಅದಾದ ನಂತರ ಚಿತ್ರರಂಗದ ಅನೇಕರು ನಟಿ ಸೋಭಾನಾ ಅವರನ್ನು ಅಭಿನಂದಿಸಿದರು. ಅವರು ಮದುವೆ ಆಗದಿರಲು ಕಾರಣವೂ ಇದೆ. ‘ಮದುವೆಯ ಮೇಲೆ ನಂಬಿಕೆ ಇಲ್ಲದ ಕಾರಣ ಹಾಗೂ ಮದುವೆಯಾದರೆ ವೈಯುಕ್ತಿಕ ಸ್ವಾತಂತ್ರ್ಯ ಕಳೆದುಕೊಳ್ಳುವ ಕಾರಣಕ್ಕೆ ಮದುವೆಯಾಗಿಲ್ಲ’ ಎಂದು ಬಹಿರಂಗವಾಗಿಯೇ ಮಾತನಾಡಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ