ಮನೆ ಅಡ ಇಟ್ಟು ‘ಮೈ ಆಟೋಗ್ರಾಫ್’ ನಿರ್ಮಾಣ ಮಾಡಿದ್ದ ಸುದೀಪ್

Follow us on

2006ರಲ್ಲಿ ಬಂದ ‘ಮೈ ಆಟೋಗ್ರಾಫ್’ ಚಿತ್ರ ಸೂಪರ್ ಹಿಟ್ ಆಯಿತು. ಈ ಸಿನಿಮಾನ ಸುದೀಪ್ ಅವರು ನಿರ್ದೇಶನ ಮಾಡಿದರು. ಅವರೇ ನಿರ್ಮಾಣ ಕೂಡ ಮಾಡಿದ್ದರು. ಎಲ್ಲಕ್ಕಿಂತ ಮುಖ್ಯವಾಗಿ ಈ ಚಿತ್ರದಲ್ಲಿ ಅವರು ಪ್ರಮುಖ ಪಾತ್ರ ಒಂದರಲ್ಲಿ ಕಾಣಿಸಿಕೊಂಡಿದ್ದರು. ಸುದೀಪ್ ಅವರ ಸಾಧನೆ ಸಣ್ಣದಲ್ಲ. ಅವರು ಮನೆಯನ್ನು ಅಡ ಇಟ್ಟು ಈ ಚಿತ್ರ ನಿರ್ಮಾಣ ಮಾಡಿದ್ದರು ಎನ್ನುವ ವಿಚಾರ ಗೊತ್ತೇ? ಈ ಬಗ್ಗೆ ಸುದೀಪ್ ಅವರು ಈ ಮೊದಲು ಹೇಳಿಕೊಂಡಿದ್ದರು.

ಈ ಮೊದಲು ‘ಜೀ ಕನ್ನಡ’ ವೇದಿಕೆಗೆ ಸುದೀಪ್ ಬಂದಿದ್ದರು. ‘ಸರಿಗಮಪ’ ಕಾರ್ಯಕ್ರಮಕ್ಕೆ ಅವರು ಮುಖ್ಯ ಅತಿಥಿ ಆಗಿದ್ದರು. ಈ ವೇಳೆ ಅವರು ಜೀ ಕನ್ನಡದ ಜೊತೆ ಇರುವ ವಿಶೇಷ ಸಂಬಂಧದ ಬಗ್ಗೆ ಹೇಳಿಕೊಂಡಿದ್ದರು. ಅವರ ಬದುಕನ್ನು ಸಿನಿಮಾ ಬದಲಿಸಿತ್ತು. ಇದರಲ್ಲಿ ಜೀ ಅವರ ಪಾಲೂ ಇದೆ ಎಂದಿದ್ದರು ಸುದೀಪ್.

‘ಮೈ ಆಟೋಗ್ರಾಫ್’ ಸಿನಿಮಾ ನಾನು ಮನೆ ಅಡ ಇಟ್ಟು ಮಾಡಿದ ಚಿತ್ರ. ಆ ಸಿನಿಮಾಗೆ ಹೋಗಿಲ್ಲ ಎಂದಿದ್ರೆ ಕಷ್ಟ ಆಗ್ತಿತ್ತು. ಯಾರೂ 25-30 ಲಕ್ಷ ರೂಪಾಯಿ ಮೇಲೆ ಹಣ ಕೊಡಲ್ಲ ಎಂದರು. ನಾನು ಸೆಟಲೈಟ್ ಹಕ್ಕನ್ನು ಕೊಡಲ್ಲ ಎಂದೆ. ಕನ್ನಡ ಚಿತ್ರರಂಗದಲ್ಲಿ ಮೊಟ್ಟ ಮೊದಲ ಬಾರಿಗೆ 1 ಕೋಟಿ ರೂಪಾಯಿ ಕೊಟ್ಟರು. ಸಿನಿಮಾ ಹಿಟ್ ಆದ ಬಳಿಕ ಅವರು ಸೆಟಲೈಟ್ ಹಕ್ಕನ್ನು ಪಡೆದರು. ಈ ಚಿತ್ರ ಚೆನ್ನಾಗಿಲ್ಲ ಎಂದರೆ ಯಾರೂ ಸೆಟಲೈಟ್ ಹಕ್ಕನ್ನು ಪಡೆಯಬೇಡಿ ಎಂದು ನಾನು ಕೇಳಿ ಕೊಂಡಿದ್ದೆ’ ಎಂದಿದ್ದರು ಸುದೀಪ್.

ಇದನ್ನೂ ಓದಿ:ತೆಲುಗು ಬಿಗ್ ಬಾಸ್ ವೇದಿಕೆ ಮೇಲೆ ಗತ್ತು ತೋರಿಸಿ ಬಂದಿದ್ದ ಕಿಚ್ಚ ಸುದೀಪ್

‘ಮೈ ಆಟೋಗ್ರಾಫ್’ ಚಿತ್ರ 2006ರಲ್ಲಿ ರಿಲೀಸ್ ಆಯಿತು. ಹಲವು ಬ್ರೇಕಪ್​ಗಳನ್ನು ಕಾಣುವ ಕಥಾ ನಾಯಕ ನಂತರ ತನ್ನದೇ ಮದುವೆಗೆ ಅವರೆಲ್ಲರಿಗೂ ಆಮಂತ್ರಣ ನೀಡುತ್ತಾರೆ. ಇದರ ಕಥೆಯನ್ನು ‘ಮೈ ಆಟೋಗ್ರಾಫ್’ ಚಿತ್ರ ಹೊಂದಿತ್ತು. ಇದು ತಮಿಳಿನ ‘ಆಟೋಗ್ರಾಫ್’ ಚಿತ್ರದ ರಿಮೇಕ್ ಆಗಿದೆ. ಚೆರನ್ ಅವರು ಈ ಚಿತ್ರವನ್ನು ನಿರ್ದೇಶನ ಮಾಡಿ ನಟಿಸಿದ್ದರು. ಅಲ್ಲಿ ಹಿಟ್ ಆದ ಬಳಿಕ ಸುದೀಪ್ ಅವರು ಚಿತ್ರವನ್ನು ಕನ್ನಡಕ್ಕೆ ತಂದು ಯಶಸ್ಸು ಕಂಡರು. ಈ ಸಿನಿಮಾ ಭಿನ್ನವಾಗಿ ಮೂಡಿ ಬಂದಿತ್ತು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ