Yash: ಯಶ್ ಪುತ್ರ ಹೇಳಿದ ಒಂದೇ ಪದಕ್ಕೆ ಮಿಲಿಯನ್ ವ್ಯೂಸ್! ಯಾವ ಸ್ಟಾರ್ಗೂ ಕಮ್ಮಿ ಇಲ್ಲ ಯಥರ್ವ್ ಹವಾ
Yatharv Yash: ‘ರಾಕಿಂಗ್ ಸ್ಟಾರ್’ ಯಶ್ ಮತ್ತು ರಾಧಿಕಾ ಪಂಡಿತ್ ದಂಪತಿಯ ಪುತ್ರ ಯಥರ್ವ್ನ ಒಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. 14 ಲಕ್ಷಕ್ಕೂ ಅಧಿಕ ವೀವ್ಸ್ ಪಡೆದುಕೊಂಡಿದೆ.
Updated on:Mar 06, 2021 | 12:06 PM
ಸಿನಿಮಾ ಕೆಲಸಗಳಲ್ಲಿ ಎಷ್ಟೇ ಬ್ಯುಸಿ ಆಗಿದ್ದರೂ ನಟ ಯಶ್ ಅವರು ತಮ್ಮ ಕುಟುಂಬಕ್ಕಾಗಿ ಸಮಯ ಮೀಸಲಿಡುತ್ತಾರೆ. ಸದ್ಯ ಅವರ ಗಮನವೆಲ್ಲ ‘ಕೆಜಿಎಫ್: ಚಾಪ್ಟರ್ 2’ ಸಿನಿಮಾದ ಬಿಡುಗಡೆಯ ಮೇಲಿದೆ. ಅದರ ನಡುವೆಯೂ ಅವರು ಮುದ್ದು ಮಗ ಯಥರ್ವ್ ಜೊತೆ ಕಾಲ ಕಳೆಯುತ್ತಿದ್ದಾರೆ. ಆ ಸುಂದರ ಕ್ಷಣಗಳ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದು, ಅಭಿಮಾನಿಗಳ ವಲಯದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ತಮ್ಮ ಮಕ್ಕಳ ವಿಡಿಯೋ ಮತ್ತು ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಯಶ್ ಮತ್ತು ರಾಧಿಕಾ ಆಗಾಗ ಶೇರ್ ಮಾಡಿಕೊಳ್ಳುತ್ತಿರುತ್ತಾರೆ. ಅದೇ ರೀತಿ ಯಶ್ ಈಗೊಂದು ಹೊಸ ವಿಡಿಯೋ ಹಂಚಿಕೊಂಡಿದ್ದಾರೆ. ಅದರಲ್ಲಿ ಅವರ ಪುತ್ರ ಯಥರ್ವ್ ತೊದಲು ನುಡಿಯಲ್ಲಿ ಮಾತನಾಡಿರುವುದು ಮುದ್ದಾಗಿದೆ. ಅಪ್ಪನ ಜೊತೆ ಆಟವಾಡುತ್ತ ಆತ ನಗು ಚೆಲ್ಲಿದ್ದಾನೆ. ಪುಟ್ಟ ಕಂದನ ಜೊತೆ ತಾವು ಕೂಡ ಮಗುವಾಗಿ ಬೆರೆತು ಹೋಗಿದ್ದಾರೆ ‘ರಾಕಿಂಗ್ ಸ್ಟಾರ್’ ಯಶ್. ಇಡೀ ವಿಡಿಯೋದಲ್ಲಿ ಯಥರ್ವ್ ಹೇಳಿರುವುದು ಒಂದೇ ಒಂದು ಪದ!
ಯಥರ್ವ್ ಈಗಷ್ಟೇ ಮಾತನಾಡುವುದನ್ನು ಕಲಿಯುತ್ತಿದ್ದಾನೆ. ತನ್ನದೇ ಭಾಷೆಯಲ್ಲಿ ಏನನ್ನೋ ಹೇಳಲು ಪ್ರಯತ್ನಿಸುತ್ತಿದ್ದಾನೆ. ಅಪಾಪೀನ್… ಆಪಾಪೀನ್… ಎಂದು ಪದೇಪದೇ ಹೇಳಿದ್ದಾನೆ. ಅದು ಏನೆಂಬುದು ಸ್ವತಃ ಯಶ್ಗೂ ಗೊತ್ತಾಗಿಲ್ಲ. ‘ಅಪಾಪೀನ್… ಅಂದರೆ ಏನು ಮಗನೇ’ ಎಂದು ಅವರು ಪ್ರಶ್ನಿಸಿದ್ದಾರೆ. ವಿಮಾನ ಹೋಗುವ ರೀತಿಯಲ್ಲಿ ಯಥರ್ವ್ ಸನ್ನೆ ಮಾಡಿ ತೋರಿಸಿದ್ದಾನೆ. ಆಗಲೇ ಯಶ್ಗೆ ಗೊತ್ತಾಗಿದ್ದು ‘ಅಪಾಪೀನ್’ ಎಂದರೆ ಯಥರ್ವ್ನ ತೊದಲು ಭಾಷೆಯಲ್ಲಿ ‘ಏರೋಪ್ಲೇನ್’ ಅಂತ!
View this post on Instagram
ಈ ಅಪ್ಪ-ಮಗನ ಮುದ್ದಾದ ವಿಡಿಯೋಗೆ ಅಭಿಮಾನಿಗಳು ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ ಇದನ್ನು ಅಪ್ಲೋಡ್ ಮಾಡಿದ ಕೆಲವೇ ಗಂಟೆಗಳಲ್ಲಿ 14 ಲಕ್ಷಕ್ಕೂ ಅಧಿಕ ಬಾರಿ ಇದು ವೀಕ್ಷಣೆ ಕಂಡಿದೆ. ಅಷ್ಟರಮಟ್ಟಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹವಾ ಹೊಂದಿದ್ದಾನೆ ಪುಟಾಣಿ ಯಥರ್ವ್! ಇನ್ನು, ಯಶ್-ರಾಧಿಕಾ ಪುತ್ರಿ ಆಯ್ರಾ ಕೂಡ ಸಿಕ್ಕಾಪಟ್ಟೆ ಚೂಟಿ ಆಗಿದ್ದಾಳೆ. ಅವಳ ವಿಡಿಯೋಗಳು ಕೂಡ ಮಿಲಿಯನ್ ಗಟ್ಟಲೆ ವ್ಯೂಸ್ ಪಡೆದುಕೊಳ್ಳುತ್ತವೆ.
ಇದನ್ನೂ ಓದಿ: Chahal dhanashree meet Yash Radhika ಬೆಂಗಳೂರಲ್ಲಿ ಯಶ್-ರಾಧಿಕಾ ದಂಪತಿಯ ಭೇಟಿ ಮಾಡಿದ ಚಹಾಲ್-ಧನಶ್ರೀ
ಮಾಲ್ಡೀವ್ಸ್ನಲ್ಲಿ ರಾಕಿಂಗ್ ಸ್ಟಾರ್ ಯಶ್ ಕುಟುಂಬದ ಮಸ್ತಿ..! ಮುದ್ದು ಮಕ್ಕಳೊಂದಿಗೆ ಕಾಲ ಕಳೆಯುತ್ತಿರುವ ದಂಪತಿ
Published On - 11:42 am, Sat, 6 March 21
