‘ಕೆಜಿಎಫ್​ ಸಿನಿಮಾ ಕಥೆ ಆಧರಿಸಿಯೇ ‘ಪುಷ್ಪ’ ಚಿತ್ರ ರೆಡಿ ಆಯ್ತು’; ಹೋಲಿಕೆ ಮಾಡಿ ಕಿಡಿಕಾರಿದ ನೆಟ್ಟಿಗರು

‘ಪುಷ್ಪ’ ಸಿನಿಮಾದ (Pushpa Movie) ಬಗ್ಗೆ ಕನ್ನಡದ ಒಂದಷ್ಟು ಮಂದಿಗೆ ಸಿಟ್ಟಿದೆ. ಇದಕ್ಕೆ ಕಾರಣ ತೆಲುಗಿನವರು ‘ಒಂದು ‘ಪುಷ್ಪ’ 10 ‘ಕೆಜಿಎಫ್’​ಗೆ (KGF Movie) ಸಮ’ ಎನ್ನುವ ಮಾತನ್ನು ಹೇಳಿದ್ದರು. ಚಿತ್ರ ತೆರೆಕಂಡ ನಂತರದಲ್ಲಿ ಈ ಹೇಳಿಕೆಗೆ ಅರ್ಥವಿಲ್ಲ ಎಂಬುದು ಸಾಬೀತಾಯಿತು. ಅನೇಕರು ಟ್ವಿಟರ್​ನಲ್ಲಿ ‘ಪುಷ್ಪ’ ಚಿತ್ರವನ್ನು ಟೀಕೆ ಮಾಡೋಕೆ ಆರಂಭಿಸಿದರು. ‘ಯಶ್​ (Yash) ಅಭಿನಯದ ‘ಕೆಜಿಎಫ್’​  ಬೆಸ್ಟ್’​ ಎಂದು ಹೊಗಳಿಕೊಳ್ಳೋಕೆ ಶುರು ಮಾಡಿದರು. ‘ಪುಷ್ಪ’ ಸಿನಿಮಾ ಈಗ ಒಟಿಟಿಗೆ ಕಾಲಿಟ್ಟಿದೆ. ಚಿತ್ರಮಂದಿರದಲ್ಲಿ ಈ ಚಿತ್ರ ನೋಡದೇ ಇದ್ದ ಅನೇಕರು ಈಗ ಸಿನಿಮಾವನ್ನು ಕಣ್ತುಂಬಿಕೊಳ್ಳುತ್ತಿದ್ದಾರೆ. ಒಟಿಟಿಯಲ್ಲಿ ‘ಪುಷ್ಪ’ ನೋಡಿದ ನಂತರದಲ್ಲಿ ಕೆಲವರಿಗೆ ‘ಪುಷ್ಪ’ ಕಥೆಯ ಬಗ್ಗೆ ಅನುಮಾನ ಮೂಡಿದೆ. ಈ ಬಗ್ಗೆ ಸೋಶಿಯಲ್​ ಮೀಡಿಯಾದಲ್ಲಿ ಬರೆದುಕೊಳ್ಳಲಾಗುತ್ತಿದೆ.

ಪ್ರಶಾಂತ್​ ನೀಲ್​ ನಿರ್ದೇಶನದ ‘ಕೆಜಿಎಫ್​’ ಸಖತ್​ ಮನರಂಜನೆ ನೀಡಿತ್ತು. ಬಡ ಕುಟುಂಬದ ಹುಡುಗನೊಬ್ಬ ಡಾನ್​ ಆಗಿ ಬೆಳೆಯುತ್ತಾನೆ ಎನ್ನುವ ಕಥೆಯನ್ನು ಈ ಚಿತ್ರದಲ್ಲಿ ಹೇಳಲಾಗಿದೆ. ಇದರ ಜತೆಗೆ ಕೆಜಿಎಫ್​ ಚಿನ್ನದ ಗಣಿಯನ್ನು ಕೂಡ ಹೈಲೈಟ್​ ಮಾಡಲಾಗಿದೆ. ‘ಪುಷ್ಪ’ ಚಿತ್ರದ ಕಥೆಯೂ ಇದೇ ರೀತಿ ಇದೆ ಎಂದು ಕೆಲವರು ಬರೆದುಕೊಂಡಿದ್ದಾರೆ. ಬಡ ಕುಟುಂಬದಿಂದ ಬಂದ ಹುಡುಗ ರಕ್ತಚಂದನ ದಂಧೆಗೆ ಇಳಿದು ಹೇಗೆ ಡಾನ್​ ಆಗಿ ಬೆಳೆಯುತ್ತಾನೆ ಎನ್ನುವ ಕಥೆಯನ್ನು ಈ ಚಿತ್ರ ಹೇಳಲಾಗಿದೆ. ಹಾಗಾದರೆ, ನೆಟ್ಟಿಗರು ಮಾಡಿದ ಹೋಲಿಕೆ ಏನು? ಇಲ್ಲಿದೆ ಉತ್ತರ.

‘ಪುಷ್ಪ ಚಿತ್ರ ತಂಡದವರು ಕೆಜಿಎಫ್​ ಚಿತ್ರವನ್ನು ನೋಡಿ ಕಾಪಿ ಮಾಡುತ್ತಿದ್ದಾರೆ’ ಎಂದು ಅರ್ಥ ಬರುವ ರೀತಿಯಲ್ಲಿ ಟ್ವೀಟ್​ ಒಂದನ್ನು ಮಾಡಲಾಗಿದೆ. ಇದಕ್ಕೆ ಕೆಲವರು ‘ಕೆಜಿಎಫ್​ ಕಥೆ ಆಧರಿಸಿಯೇ ಪುಷ್ಪ ಸಿನಿಮಾ ರೆಡಿ ಆಗಿದೆ’ ಎಂದು ಬರೆದುಕೊಂಡಿದ್ದಾರೆ. ಇನ್ನು, ಈ ಟ್ವೀಟ್​ಗೆ ಒಂದು ಕಮೆಂಟ್​ ಬಂದಿದೆ. ಈ ಕಮೆಂಟ್​ನಲ್ಲಿ ಎರಡೂ ಚಿತ್ರಕ್ಕೆ ಇರುವ ಸಾಮ್ಯತೆ ವಿಚಾರಗಳು ಏನು ಎಂಬುದನ್ನು ಬರೆಯಲಾಗಿದೆ.

Are You Thinking the Same What im Thinking..?#PushpaOnPrime #KGFChapter1 pic.twitter.com/6f8k8wIPmN

— яιcнιє (@Neer_Dose) January 9, 2022

• ಇಲ್ಲಿ ಕೋಲಾರದ ಚಿನ್ನ-ಅಲ್ಲಿ ರಕ್ತ ಚಂದನ
• ಇಲ್ಲಿ ನಾಲ್ಕು ಗ್ಯಾಂಗ್​-ಅಲ್ಲಿಯೂ ನಾಲ್ಕು ಗ್ಯಾಂಗ್​
• ಇಲ್ಲಿ ಎರಡು ಭಾಗ-ಅಲ್ಲಿಯೂ ಎರಡು ಭಾಗ
• ಇಲ್ಲಿ ಹೀರೋಗೆ ತಂದೆ ಇಲ್ಲ-ಪುಷ್ಪ ಚಿತ್ರದಲ್ಲೂ ಇಲ್ಲ.
• ಇಲ್ಲಿ ಸಂಜಯ್​ ದತ್​-ಅಲ್ಲಿ ಫಹಾದ್​ ಫಾಸಿಲ್​

Without doubt..!! Illi Kolar Gold – Alli Red Sandal Illi 4 gang – Alli kooda 4 gang Illi 2 aavrutti – alli kooda 2 aavrutti Illi hero ge tande illa – alli kooda hero ge tande illa Illi Sanjay Dutt – Alli Fahadh Faasil

— Yashas B D (@yashasbd) January 9, 2022

ಆದರೆ, ಕೆಲವರು ಇದನ್ನು ಒಪ್ಪಿಲ್ಲ. ‘ಪುಷ್ಪ’ ಚಿತ್ರದ್ದು ಸ್ವಂತ ಕಥೆ ಎಂದು ಬರೆದುಕೊಂಡಿದ್ದಾರೆ. ಈ ಬಗ್ಗೆ ಚರ್ಚೆ ಮುಂದುವರಿದಿದೆ.

ಇದನ್ನೂ ಓದಿ: Yash Birthday: ಯಶ್​ ಬರ್ತ್​ಡೇಗೆ ವಿಶೇಷ ಕೇಕ್​​; ಗನ್​ ಹಿಡಿದು ನಿಂತ ರಾಕಿಂಗ್​ ಸ್ಟಾರ್​ 

Happy Birthday Yash: ಯಶ್​ ಹುಟ್ಟುಹಬ್ಬಕ್ಕೆ ‘ಕೆಜಿಎಫ್​ 2’ ಹೊಸ ಪೋಸ್ಟರ್​; ರಿಲೀಸ್​ ಡೇಟ್​ ಬಗ್ಗೆ ಇದ್ದ ಅನುಮಾನ ಕ್ಲಿಯರ್​

Published On - 7:38 am, Tue, 11 January 22