ಅಂದು ಮುದ್ದು ಕಂದಮ್ಮ, ಇಂದು ಕಿರುತೆರೆ ಸುಂದರಿ: ಧೂಳೆಬ್ಬಿಸಿದ ಭವ್ಯಾ ಗೌಡ ಬಾಲ್ಯದ ಫೋಟೋ

ಸಾಮಾಜಿಕ ಜಾಲತಾಣಗಳಲ್ಲಿ ಸೆಲೆಬ್ರಿಟಿಗಳ ಅಪರೂಪದ ಫೋಟೋಗಳು ಮತ್ತು ಅವರ ಬಾಲ್ಯದ ನೆನಪುಗಳು ವೈರಲ್ ಆಗುವುದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿದೆ. ನೆಚ್ಚಿನ ನಟ-ನಟಿಯರ ಬಾಲ್ಯದ ಮುಗ್ಧ ಮುಖವನ್ನು ನೋಡಲು ಅಭಿಮಾನಿಗಳು ಸದಾ ಕಾತರರಾಗಿರುತ್ತಾರೆ. ಅದೇ ರೀತಿ, ಸದ್ಯ ಇನ್‌ಸ್ಟಾಗ್ರಾಮ್ ಸೇರಿದಂತೆ ಸೋಶಿಯಲ್ ಮೀಡಿಯಾದಲ್ಲಿ ಕಿರುತೆರೆಯ ಖ್ಯಾತ ನಟಿಯೊಬ್ಬರ ಬಾಲ್ಯದ ಹಾಗೂ ಇಂದಿನ ಸುಂದರ ಕೊಲಾಜ್ ಚಿತ್ರವೊಂದು ಸಿಕ್ಕಾಪಟ್ಟೆ ಸೌಂಡ್ ಮಾಡುತ್ತಿದೆ.

ವೈರಲ್ ಆಗಿರುವ ಈ ಚಿತ್ರದಲ್ಲಿರುವುದು ಬೇರೆ ಯಾರೂ ಅಲ್ಲ, ಪ್ರೇಕ್ಷಕರ ನೆಚ್ಚಿನ ನಟಿ ಭವ್ಯಾ ಗೌಡ. ಈ ಕೊಲಾಜ್ ಫೋಟೋದಲ್ಲಿ 1999ರ ಅವರ ಬಾಲ್ಯದ ದಿನಗಳು ಮತ್ತು 2026ರ ಪ್ರಸ್ತುತ ಝಲಕ್ ಕಾಣಬಹುದು. ಎಡಭಾಗದಲ್ಲಿರುವ 1999ರ ಹಳೆಯ ಚಿತ್ರದಲ್ಲಿ ಭವ್ಯಾ ಗೌಡ ಅವರು ಕ್ರಾಪ್ ಕಟ್ ಕೂದಲಿನೊಂದಿಗೆ, ಕಪ್ಪು ಬಣ್ಣದ ಉಡುಪಿನಲ್ಲಿ ಮುದ್ದಾದ ನಗು ಬೀರುತ್ತಾ ಕಂಗೊಳಿಸುತ್ತಿದ್ದಾರೆ. ಈ ಫೋಟೋಗೆ ಚಿಕ್ಕ ಕನಸುಗಳು, ದೊಡ್ಡ ನಗು ಎಂಬ ಅಡಿಬರಹ ನೀಡಲಾಗಿದೆ.

ಇನ್ನು ಬಲಭಾಗದಲ್ಲಿರುವ 2026ರ ಇತ್ತೀಚಿನ ಚಿತ್ರದಲ್ಲಿ ಭವ್ಯಾ ಗೌಡ ಅವರು ಸಾಂಪ್ರದಾಯಿಕ ನೇರಳೆ ಮತ್ತು ಹಳದಿ ಬಣ್ಣದ ರೇಷ್ಮೆ ಸೀರೆಯನ್ನು ಉಟ್ಟು, ಸುಂದರ ಒಡವೆಗಳೊಂದಿಗೆ ಅದ್ಭುತವಾಗಿ ಮಿಂಚುತ್ತಿದ್ದಾರೆ. ಈ ಚಿತ್ರಕ್ಕೆ ಅದೇ ನಗು, ಹೊಸ ಅಧ್ಯಾಯ ಎಂಬ ಕ್ಯಾಪ್ಷನ್ ಇದ್ದು, ಚಿತ್ರದ ಕೆಳಗೆ ಅಂದಿನಿಂದ ಇಂದಿನವರೆಗೆ, ಸದಾ ಬೆಳವಣಿಗೆ, ಸದಾ ಹೊಳಪು’ ಎಂದು ಬರೆಯುವ ಮೂಲಕ ಅಭಿಮಾನಿಗಳು ಭವ್ಯಾ ಜರ್ನಿಯನ್ನು ಅವರು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಶೂಟಿಂಗ್ ಸೆಟ್​​ನಲ್ಲಿ ನಮ್ರತಾಗೆ ಪ್ರ್ಯಾಂಕ್ ಮಾಡಿದ ಭವ್ಯಾ ಗೌಡ: ವಿಡಿಯೋ

ಕಿರುತೆರೆಯಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ನಟಿ ಭವ್ಯಾ ಗೌಡ ಅವರು ಸದ್ಯ ‘ಕರ್ಣ’ ಧಾರಾವಾಹಿಯ ಮೂಲಕ ಮನೆಮಾತಾಗಿದ್ದಾರೆ. ಈ ಸೀರಿಯಲ್‌ನಲ್ಲಿನ ಅವರ ಅದ್ಭುತ ನಟನೆ ಹಾಗೂ ಪಾತ್ರ ಪ್ರೇಕ್ಷಕರಿಂದ ಅಪಾರ ಮೆಚ್ಚುಗೆ ಗಳಿಸುತ್ತಿದೆ. ನಟನೆಯ ಜೊತೆಗೆ ಸೋಶಿಯಲ್ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿದ್ದಾರೆ. ‘ಕರ್ಣ’ ಧಾರಾವಾಹಿಯ ವೀಕ್ಷಕರು ಕಮೆಂಟ್ಸ್ ಮೂಲಕ ಪ್ರೀತಿ ವ್ಯಕ್ತಪಡಿಸುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.