‘ಖಿನ್ನತೆಯಿಂದ ಗಾಂಜಾ ಸೇವಿಸಿದೆ’: ಬಂಧನದ ವೇಳೆ ಒಪ್ಪಿಕೊಂಡ ಬಿಗ್​ ಬಾಸ್​ ಸ್ಪರ್ಧಿ; ವಿಡಿಯೋ ವೈರಲ್​

ಯೂಟ್ಯೂಬರ್​ ಆಗಿ ಖ್ಯಾತಿ ಗಳಿಸಿ, ನಂತರ ಬಿಗ್​ ಬಾಸ್​ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಸಿದ್ದ ನಟ ಷಣ್ಮುಖ್​ ಜಸ್ವಂತ್ (Shanmukh Jaswanth)​ ಈಗ ಕಾನೂನಿನ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಅವರ ವಿರುದ್ಧ ಹಲವು ಆರೋಪಗಳು ಕೇಳಿಬಂದಿವೆ. ಮಾದಕ ವಸ್ತುಗಳನ್ನು ಹೊಂದಿದ್ದ ಆರೋಪದಲ್ಲಿ ಅವರನ್ನು ಬಂಧಿಸಲಾಗಿದೆ. ಫೆಬ್ರವರಿ 22ರಂದು ಅವರ ಬಂಧನ ಆಗಿತ್ತು. ಈಗ ಷಣ್ಮುಖ್​ ಜಸ್ವಂತ್​ ಅವರ ವಿಡಿಯೋ ವೈರಲ್​ (Shanmukh Viral Video) ಆಗಿದೆ. ಬಂಧನದ ವೇಳೆ ಅವರು ಗಾಂಜಾ (Ganja) ಸೇವಿಸಿದ್ದನ್ನು ಒಪ್ಪಿಕೊಂಡಿದ್ದಾರೆ. ಆ ಸಂದರ್ಭದ ವಿಡಿಯೋ ಈಗ ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಷಣ್ಮುಖ್​ ಜಸ್ವಂತ್​ ಅವರ ಸಹೋದರನ ಮೇಲೂ ಗಂಭೀರ ಆರೋಪಗಳಿಗೆ. ಪ್ರೀತಿ-ಪ್ರೇಮದ ಹೆಸರಿನಲ್ಲಿ ಯುವತಿಗೆ ಮೋಸ ಮಾಡಿದ ಆರೋಪ ಆತನ ಮೇಲಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಚಾರಣೆಗಾಗಿ ಅವರ ನಿವಾಸಕ್ಕೆ ತೆರಳಿದ್ದ ಪೊಲೀಸರ ಕೈಗೆ ಷಣ್ಮುಖ್​ ಸಿಕ್ಕಿ ಬಿದ್ದಿದ್ದಾರೆ. ಬಂಧನದ ವೇಳೆ ಅವರು ಮಾತನಾಡಿರುವುದು ಈ ವೈರಲ್​ ವಿಡಿಯೋದಲ್ಲಿ ಕೇಳಿಸುತ್ತಿದೆ.

ಗಾಂಜಾ, ಡ್ರಗ್ಸ್​ ವಿಚಾರ: ಸಾಯಿ ಧರಂ ತೇಜ್​ ಸಿನಿಮಾ ತಂಡಕ್ಕೆ ಅಧಿಕಾರಿಗಳ ಎಚ್ಚರಿಕೆ

‘ನಾನು ಖಿನ್ನತೆಯಲ್ಲಿದ್ದ. ಹಾಗಾಗಿ ಇದನ್ನು ಮಾಡಿದೆ. ನಾನು ಸಾಯಲು ಹೊರಟಿದ್ದೆ. ನಾನು ತಪ್ಪು ಮಾಡಿದೆ’ ಎಂದು ಷಣ್ಮುಖ್​ ಜಸ್ವಂತ್​ ಕೂಗಾಡುತ್ತಿರುವುದು ಈ ವಿಡಿಯೋದಲ್ಲಿದೆ. ಗಾಂಜಾ ಸೇವಿಸಿ ಅವರು ಆತ್ಮಹತ್ಯೆಗೆ ಪ್ರಯತ್ನಿಸಿದ್ರಾ ಎಂಬ ಅನುಮಾನ ಮೂಡಿದೆ. ಸದ್ಯಕ್ಕೆ ಈ ಬಗ್ಗೆ ತನಿಖೆ ನಡೆಯುತ್ತಿದೆ. ವಿಚಾರಣೆ ವೇಳೆ ಇನ್ನೂ ಹಲವು ಸತ್ಯಗಳು ಬಹಿರಂಗ ಆಗಲಿವೆ.

E Shanmukh gadu okadu pic.twitter.com/9QCLX65bYe

— Satyajith (@satyajithpinku) February 25, 2024

ತೆಲುಗು ಚಿತ್ರರಂಗದಲ್ಲಿ ಅನೇಕರು ಡ್ರಗ್ಸ್​ ಸೇವಿಸಿದ ಆರೋಪ ಎದುರಿಸುತ್ತಿದ್ದಾರೆ. ಹಲವರ ಮೇಲೆ ಕೇಸ್​ ಇದೆ. ಈಗ ಮಾಜಿ ಬಿಗ್​ ಬಾಸ್​ ಸ್ಪರ್ಧಿ ಷಣ್ಮುಖ್​ ಜಸ್ವಂತ್​ ಗಾಂಜಾ ಸೇವಿಸಿ ಸಿಕ್ಕಿಬಿದ್ದಿರುವುದರಿಂದ ವಿಚಾರಣೆ ನಡೆಸಿದರೆ ಅನೇಕರ ಹೆಸರು ಹೊರಬರುವ ಸಾಧ್ಯತೆ ಇದೆ. ‘ಬಿಗ್​ ಬಾಸ್​ ತೆಲುಗು ಸೀಸನ್​ 5’ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಸಿದ ಬಳಿಕ ಷಣ್ಮುಖ್​ ಜಸ್ವಂತ್​ ಅವರು ಖ್ಯಾತಿ ಹೆಚ್ಚಿಸಿಕೊಂಡಿದ್ದರು. ಆ ಸೀಸನ್​ನಲ್ಲಿ ಫಿನಾಲೆ ತನಕ ತಲುಪಿದ ಅವರು ಮೊದಲ ರನ್ನರ್​ಅಪ್​ ಆಗಿದ್ದರು. ಸಿಕ್ಕಿರುವ ಜನಪ್ರಿಯತೆಯನ್ನು ಅವರು ಹಾಳು ಮಾಡಿಕೊಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.