ಚಿಕ್ಕವರಿಗೆ ವಿಲನ್ ಬುದ್ಧಿ ಹೇಳಿಕೊಟ್ಟ ಉಗ್ರಂ ಮಂಜು; ಹೆದರಿಕೊಂಡ ಧನರಾಜ್

ಸಿನಿಮಾಗಳಲ್ಲಿ ವಿಲನ್ ಪಾತ್ರದ ಮೂಲಕ ಉಗ್ರಂ ಮಂಜು ಅವರು ಫೇಮಸ್​. ಹಾಗಾಗಿ ಅವರು ಅಂಥ ಪಾತ್ರಗಳ ಹಾವ ಭಾವ ಚೆನ್ನಾಗಿ ಮೈಗೂಡಿದೆ. ಸುದೀಪ್ ನಟನೆಯ ‘ಮ್ಯಾಕ್ಸ್’ ಸಿನಿಮಾದಲ್ಲೂ ಉಗ್ರಂ ಮಂಜು ವಿಲನ್ ಆಗಿದ್ದಾರೆ. ಈಗ ಅವರು ಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿಸುತ್ತಿದ್ದಾರೆ. ವಿಲನ್ ರೀತಿ ವರ್ತಿಸುವುದು ಹೇಗೆ ಎಂದು ಅವರು ಧನರಾಜ್​ ಮತ್ತು ಹನುಮಂತನಿಗೆ ಹೇಳಿಕೊಟ್ಟಿದ್ದಾರೆ. ತ್ರಿವಿಕ್ರಮ್ ಮತ್ತು ರಜತ್ ಎದುರು ವಿಲನ್ ರೀತಿ ಹೇಗೆ ಡೈಲಾಗ್ ಹೊಡೆಯಬೇಕು ಎಂದು ಧನರಾಜ್​ಗೆ ಮಂಜು ಹೇಳಿಕೊಟ್ಟಿದ್ದಾರೆ. ಆದರೆ ಹೇಳಿಕೊಟ್ಟಿದ್ದನ್ನು ಸರಿಯಾಗಿ ಮಾಡಲು ಧನರಾಜ್​ಗೆ ಸಾಧ್ಯವಾಗಿಲ್ಲ.

ಟಾಸ್ಕ್ ನಡುವೆ ಉಗ್ರಂ ಮಂಜು, ಧನರಾಜ್, ಹನುಮಂತ, ಗೌತಮಿ ಅವರು ಒಟ್ಟಿಗೆ ಕುಳಿತು ಮಾತನಾಡುತ್ತಿದ್ದರು. ಅವರ ಎದುರು ತ್ರಿವಿಕ್ರಮ್, ಭವ್ಯಾ, ರಜತ್ ಕುಳಿತಿದ್ದರು. ತ್ರಿವಿಕ್ರಮ್ ಮತ್ತು ರಜತ್​ ಅವಾಜ್ ಹಾಕುವಂತೆ ಧನರಾಜ್​ ಹಾಗೂ ಹನುಮಂತನಿಗೆ ಉಗ್ರಂ ಮಂಜು ಸೂಚನೆ ನೀಡಿದರು. ‘ರಾ ಲುಕ್​ನಲ್ಲಿ ವಿಕ್ಕಿಯನ್ನು ಗುರಾಯಿಸು. ವಿಲನ್​ಗಳು ಎಂದರೆ ಹಂಗೇ ಇರಬೇಕು’ ಎಂದು ಮಂಜು ಹೇಳಿದರು.

‘ಏ ವಿಕ್ಕಿ.. ಲಾಲಿಪಾಪ್ ಬೇಕ? ಸ್ಪೂನ್ ಯಾಕೋ ಹಂಗೆ ಚುಚ್ಚುತ್ತಿದ್ದೀಯ? ನಿಂತುಕೊಂಡು ಆರಾಮಾಗಿ ಇರು. ಹೀಗೆಲ್ಲ ಗುರಾಯಿಸಬೇಡ’ ಎಂದು ಮಂಜು ಹೇಳಿಕೊಟ್ಟ ಡೈಲಾಗ್​ ಅನ್ನು ಧನರಾಜ್​ ಹೇಳಿದರು. ಇಷ್ಟು ಡೈಲಾಗ್ ಹೇಳಲು ಮಾತ್ರ ಧನರಾಜ್ ಅವರಿಗೆ ಸಾಧ್ಯವಾಯ್ತು. ಇನ್ನುಳಿದ ಡೈಲಾಗ್​ಗಳನ್ನು ಹೇಳಲು ಅವರು ಹೆದರಿಕೊಂಡರು. ‘ಹನುಮಂತನಿಗೂ ಒಂದೆರೆಡು ಡೈಲಾಗ್ ಕೊಡಿ’ ಎಂದು ಧನರಾಜ್ ಜಾರಿಕೊಂಡರು.

ಇದನ್ನೂ ಓದಿ: ಸ್ವಾಭಿಮಾನ ಬಿಟ್ಟು ಗೌತಮಿ ಜಾದವ್ ಹಿಂದೆ ಹೋಗುತ್ತಿರುವ ಉಗ್ರಂ ಮಂಜು

ಧನರಾಜ್ ಹೇಳಿದ ಮಾತು ಕೇಳಿ ಎಲ್ಲರಿಗೂ ನಗು ಬಂತು. ‘ಹೇಳಿಕೊಟ್ಟರೂ ಇವನಿಗೆ ಹೇಳೋಕೆ ಬರುತ್ತಿಲ್ಲ’ ಎಂದು ಎಲ್ಲರೂ ನಕ್ಕರು. ಬಿಗ ಬಾಸ್​ ಮನೆಯಲ್ಲಿ ಇಂಥ ಫನ್ನಿ ಸಂಗತಿಗಳು ಕಾಣಸಿಗುವುದು ಬಹಳ ಅಪರೂಪ ಆಗಿದೆ. ಬರೀ ಜಗಳಗಳೇ ತುಂಬಿರುವಾಗ ಇಂಥ ಸಣ್ಣ ಸಣ್ಣ ತಮಾಷೆಗಳು ಪ್ರೇಕ್ಷಕರಿಗೆ ಖುಷಿ ನೀಡುತ್ತಿವೆ. ಧನರಾಜ್ ಮತ್ತು ಹನುಮಂತ ಅವರು ನಗಿಸಲು ಪ್ರಯತ್ನಿಸುತ್ತಿದ್ದಾರೆ.

ಬಿಗ್ ಬಾಸ್ ಮನೆಯಲ್ಲಿ ಈಗ 81 ದಿನಗಳ ಕಳೆದಿವೆ. ಇನ್ನು ಕೆಲವೇ ದಿನಗಳಲ್ಲಿ ಫಿನಾಲೆ ಸಮೀಪಿಸಲಿದೆ. ಕಳೆದ ವಾರ ಶಿಶಿರ್ ಅವರು ಎಲಿಮಿನೇಟ್ ಆದರು. ಈ ವಾರ ಯಾರ ಮನೆಯಿಂದ ಹೊರಗೆ ಹೋಗುತ್ತಾರೆ ಎಂಬ ಕೌತುಕ ಮೂಡಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 10:24 pm, Thu, 19 December 24