ನಗ್ನ ಮತ್ತು ಖಾಸಗಿ ಫೋಟೋ ಲೀಕ್​ನಿಂದಾಗಿ ವಿವಾದ ಮಾಡಿಕೊಂಡ ಬಾಲಿವುಡ್​ನ ಐದು ಖ್ಯಾತ ಸೆಲೆಬ್ರಿಟಿಗಳು

ಸೆಲೆಬ್ರಿಟಿಗಳ ಖಾಸಗಿ ಕ್ಷಣದ ಫೋಟೋ ಹಾಗೂ ವಿಡಿಯೋಗಳು ಲೀಕ್​ ಆಗಿ ಅವರು ಪೇಚಿಗೀಡಾದ ಉದಾಹರಣೆ ಸಾಕಷ್ಟಿದೆ. ಈ ರೀತಿಯ ವಿಡಿಯೋ ಅಥವಾ ಫೋಟೋ ಲೀಕ್ ಆದಾಗ ಅವರು ಸಾಕಷ್ಟು ಟ್ರೋಲ್​ಗೆ ಒಳಗಾಗುತ್ತಾರೆ. ನಟಿ ರಾಧಿಕಾ ಆಪ್ಟೆ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಈ ಬಗ್ಗೆ ಹೇಳಿಕೊಂಡು ಬೇಸರ ಹೊರ ಹಾಕಿದ್ದರು. ಈ ರೀತಿ ಲೀಕ್​ಗೆ ಒಳಗಾಗಿ ವಿವಾದ ಸೃಷ್ಟಿಸಿದ ಐದು ಬಾಲಿವುಡ್​ ಸೆಲೆಬ್ರಿಟಿಗಳ ಬಗ್ಗೆ ಇಲ್ಲಿದೆ ಮಾಹಿತಿ.

 ರಾಧಿಕಾ ಆಪ್ಟೆ

ನಟಿ ರಾಧಿಕಾ ಆಪ್ಟೆ ವಿವಾದದ ಮೂಲಕ ಸಾಕಷ್ಟು ಸುದ್ದಿಯಾಗಿದ್ದಾರೆ. ‘ಮ್ಯಾಡ್ಲಿ’ ಆ್ಯಂಥಾಲಜಿ ಸಿನಿಮಾದೊಳಗಿನ ‘ಕ್ಲೀನ್​ ಶೇವನ್’ ಎಂಬ ಕಥೆಯಲ್ಲಿ ​ರಾಧಿಕಾ ನಟಿಸುತ್ತಿದ್ದರು. ಆಗ ಅವರ ಕೆಲವು ನಗ್ನ ದೃಶ್ಯಗಳು ಲೀಕ್​ ಆಗಿದ್ದವು. ಆ ದೃಶ್ಯದಲ್ಲಿ ಇದ್ದಿದ್ದು ರಾಧಿಕಾ ಆಪ್ಟೆ ಎಂದು ಹೇಳಲಾಗಿತ್ತು. ಈ ಘಟನೆ ನಡೆದ ನಾಲ್ಕು ದಿನಗಳವರೆಗೆ ಅವರು ಮನೆಯಿಂದ ಹೊರ ಬಂದಿರಲಿಲ್ಲ. ಈ ಘಟನೆ ಅವರನ್ನು ತೀವ್ರ ಮುಜುಗರಕ್ಕೆ ಈಡು ಮಾಡಿತ್ತಂತೆ.

 ರಣಬೀರ್​-ಕತ್ರಿನಾ ಹಾಲಿಡೇ ಫೋಟೋ

ರಣಬೀರ್​ ಕಪೂರ್​ ಹಾಗೂ ಕತ್ರಿನಾ ಕೈಫ್​ ಕೆಲ ವರ್ಷಗಳ ಕಾಲ ಡೇಟಿಂಗ್​ ನಡೆಸಿದ್ದರು. ಇಬ್ಬರೂ ಸಾಕಷ್ಟು ಅನ್ಯೋನ್ಯವಾಗಿದ್ದ ಸಮಯದಲ್ಲಿ ಇಬ್ಬರೂ ವಿದೇಶಕ್ಕೆ ತೆರಳಿದ್ದರು. ಈ ವೇಳೆ ಅವರು ತೆಗೆದುಕೊಂಡು ತೀರಾ ಖಾಸಗಿ ಎನಿಸಿದ ಫೋಟೋಗಳು ವೈರಲ್​ ಆಗಿದ್ದವು. ಇದು ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು.

 ಶಾಹಿದ್​-ಕರೀನಾ ಎಂಎಂಎಸ್​

ಶಾಹಿದ್​ ಕಪೂರ್​ ಹಾಗೂ ಕರೀನಾ ಡೇಟಿಂಗ್​ ನಡೆಸುತ್ತಿದ್ದರು ಎನ್ನುವ ವಿಚಾರ ಬಾಲಿವುಡ್​ನಲ್ಲಿ ಗುಟ್ಟಾಗಿ ಉಳಿದಿಲ್ಲ. ಇಬ್ಬರೂ ಕಿಸ್​ ಮಾಡುತ್ತಿರುವ ಎಂಎಂಎಸ್​ ಒಂದು ಸಾಕಷ್ಟು ವೈರಲ್​ ಆಗಿತ್ತು. ಇದು ಸೆನ್ಸೇಷನ್​ ಹುಟ್ಟು ಹಾಕಿತ್ತು ಅಲ್ಲದೆ, ಇದನ್ನು ಲೀಕ್​ ಮಾಡಿದ್ದು ಯಾರು ಎನ್ನುವ ಚರ್ಚೆ ಕೂಡ ದೊಡ್ಡ ಮಟ್ಟದಲ್ಲಿ ನಡೆದಿತ್ತು.

 ಸಾರಾ ಖಾನ್​ ಬಾತ್​ ಟಬ್​ ಫೋಟೋ

ಬಿಗ್​ ಬಾಸ್​ ಮಾಜಿ ಸ್ಪರ್ಧಿ ಸಾರಾ ಖಾನ್​ ಬಾತ್​ಟಬ್​ನಲ್ಲಿ ಬೆತ್ತಲಾಗಿ ಕುಳಿತಿರುವ ಫೋಟೋ ಲೀಕ್​ ಆಗಿತ್ತು. ಅವರ ಸಹೋದರಿ ಆರ್ಯಾ ಖಾನ್​ ಇದನ್ನು ಅಚಾನಕ್ಕಾಗಿ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದರು. ತಕ್ಷಣಕ್ಕೆ ಇದನ್ನು ಡಿಲೀಟ್​ ಮಾಡಿದರೂ ಕೂಡ ಅದಾಗಲೇ ತಡವಾಗಿತ್ತು. ಈ ಚಿತ್ರ ಸಾಕಷ್ಟು ವೈರಲ್​ ಆಗಿತ್ತು.

 ಹನ್ಸಿಕಾ ಮೋಟ್ವಾನಿ ಖಾಸಗಿ ಚಿತ್ರಗಳು

ಹನ್ಸಿಕಾ ಮೋಟ್ವಾನಿ ಖಾಸಗಿ ಚಿತ್ರಗಳು ಆನ್​ಲೈನ್​ನಲ್ಲಿ ಸೋರಿಕೆ ಆಗಿದ್ದವು. ಈ ಬಗ್ಗೆ ಅವರು ತೀವ್ರ ಅಸಮಾಧಾನ ಹೊರ ಹಾಕಿದ್ದರು. ನಾನು ಸಿನಿಮಾದಲ್ಲಿ ಬಿಕಿನಿ ಹಾಕಿಕೊಂಡು ಕಾಣಿಸಿಕೊಂಡಿದ್ದಿರಬಹುದು. ಆದರೆ, ಖಾಸಗಿ ಬದುಕಿನ ಚಿತ್ರಗಳು ಈ ರೀತಿಯಲ್ಲಿ ಲೀಕ್​ ಆಗುವುದು ಸರಿಯಲ್ಲ ಎಂದು ಅವರು ಅಭಿಪ್ರಾಯಪಟ್ಟಿದ್ದರು.

ಇದನ್ನೂ ಓದಿ: Radhika Apte: ನಗ್ನ ವಿಡಿಯೋ ಲೀಕ್​; 4 ದಿನ ಮನೆಯಿಂದ ಹೊರಬಂದಿರಲಿಲ್ಲ ನಟಿ ರಾಧಿಕಾ ಆಪ್ಟೆ