ಸೆಲೆಬ್ರಿಟಿ ಬಾಡಿಗಾರ್ಡ್ ಸಂಬಳ ಎಷ್ಟು? ಶಾರುಖ್, ಸಲ್ಲು, ಕೊಯ್ಲಿ ಕೊಡ್ತಾರೆ ಕೋಟಿ ಕೋಟಿ ಮೊತ್ತ
ಸೆಲೆಬ್ರಿಟಿಗಳಿಗೆ ಅಂಗರಕ್ಷಕರಾಗಿ ಕೆಲಸ ಮಾಡುವವರು ಕೋಟಿ ಕೋಟಿ ರೂ. ಸಂಬಳ ಪಡೆಯುತ್ತಾರೆ. ಬಾಡಿಗಾರ್ಡ್ಗಳ ಸಂಬಳಕ್ಕಾಗಿಯೇ ಸೆಲೆಬ್ರಿಟಿಗಳು ಕೋಟ್ಯಂತರ ರೂಪಾಯಿ ಮೀಸಲಿಡುತ್ತಾರೆ.
ಸೆಲೆಬ್ರಿಟಿಗಳ ಜೀವನ ತುಂಬ ಸಾರ್ವಜನಿಕವಾಗಿರುತ್ತದೆ. ಪ್ರತಿದಿನ ಅನೇಕ ಸ್ಥಳಗಳಿಗೆ ಅವರು ಭೇಟಿ ನೀಡುತ್ತ ಇರುತ್ತಾರೆ. ಆ ಸಂದರ್ಭಗಳಲ್ಲಿ ಅವರಿಗೆ ಬಾಡಿಗಾರ್ಡ್ಗಳ ಅವಶ್ಯಕತೆ ಇದ್ದೇ ಇರುತ್ತದೆ. ಹಾಗಾಗಿ ನಂಬಿಕಸ್ಥ ಬಾಡಿಗಾರ್ಡ್ಗಳಿಗೆ ಸಖತ್ ಬೇಡಿಕೆ ಕೂಡ ಇದೆ. ಬಾಲಿವುಡ್ನ ಎಲ್ಲ ಸ್ಟಾರ್ ಕಲಾವಿದರು ತಮ್ಮ ಅಂಗರಕ್ಷಕರಿಗೆ ಕೋಟಿ ಕೋಟಿ ರೂ. ಸಂಭಾವನೆ ನೀಡುತ್ತಾರೆ. ಶಾರುಖ್ ಖಾನ್, ಸಲ್ಮಾನ್ ಖಾನ್, ವಿರಾಟ್ ಕೊಯ್ಲಿ ಮುಂತಾದ ಸೆಲೆಬ್ರಿಟಿಗಳ ಜೊತೆ ಇರುವ ಬಾಡಿಗಾರ್ಡ್ಗಳಿಗೆ ಸಿಗುವ ಸಂಬಳ ಎಷ್ಟು? ಇಲ್ಲಿದೆ ಮಾಹಿತಿ..
ಸಲ್ಮಾನ್ ಖಾನ್ ಬಾಡಿಗಾರ್ಡ್ ಶೇರಾ ಸಂಬಳ 2 ಕೋಟಿ ರೂ.!
ಬಾಲಿವುಡ್ನ ಸ್ಟಾರ್ ನಟ ಸಲ್ಮಾನ್ ಖಾನ್ ಅವರಿಗೆ ಶೇರಾ ಎಂಬುವವರು ಬಾಡಿಗಾರ್ಡ್ ಆಗಿದ್ದಾರೆ. ಅವರು ತುಂಬ ಜನಪ್ರಿಯರಾಗಿದ್ದಾರೆ ಕೂಡ. ಮೂಲಗಳ ಪ್ರಕಾರ ಶೇರಾಗೆ ಸಿಗುತ್ತಿರುವ ವಾರ್ಷಿಕ ಸಂಬಳ ಬರೋಬ್ಬರಿ 2 ಕೋಟಿ ರೂ.! ಜಸ್ಟಿನ್ ಬೀಬರ್ ಸೇರಿದಂತೆ ಅನೇಕ ವಿದೇಶಿ ಸೆಲೆಬ್ರಿಟಿಗಳು ಮುಂಬೈಗೆ ಬಂದಾಗ ಅವರಿಗೂ ಬಾಡಿಗಾರ್ಡ್ ಆಗಿ ಶೇರಾ ಕೆಲಸ ಮಾಡಿದ್ದರು.
ಶಾರುಖ್ ಖಾನ್ ಬಾಡಿಗಾರ್ಡ್ ರವಿಗೆ 2.7 ಕೋಟಿ ರೂ.!
ಕಳೆದ 10 ವರ್ಷಗಳಿಂದಲೂ ಶಾರುಖ್ ಖಾನ್ಗೆ ಬಾಡಿಗಾರ್ಡ್ ಆಗಿ ರವಿ ಕೆಲಸ ಮಾಡುತ್ತಿದ್ದಾರೆ. ಅವರಿಗೆ ಶಾರುಖ್ ಖಾನ್ ವರ್ಷಕ್ಕೆ 2.7 ಕೋಟಿ ರೂ. ಸಂಬಳ ನೀಡುತ್ತಾರೆ. ಆ ಮೂಲಕ ಅತಿ ಹೆಚ್ಚು ಸಂಬಳ ಪಡೆಯುವ ಬಾಡಿಗಾರ್ಡ್ ಎಂಬ ಖ್ಯಾತಿ ರವಿ ಅವರದ್ದು.
ಅನುಷ್ಕಾ-ವಿರಾಟ್ ಬಾಡಿಗಾರ್ಡ್ಗೆ 1.2 ಕೋಟಿ ರೂ. ಸಂಬಳ
ಬಹಳ ವರ್ಷಗಳಿಂದಲೂ ಅನುಷ್ಕಾ ಶರ್ಮಾಗೆ ಬಾಡಿಗಾರ್ಡ್ ಆಗಿ ಪ್ರಕಾಶ್ ಸಿಂಗ್ ಕೆಲಸ ಮಾಡುತ್ತಿದ್ದಾರೆ. ಅವರನ್ನು ಸೋನು ಎಂದು ಕೂಡ ಕರೆಯುತ್ತಾರೆ. ವಿರಾಟ್ ಕೊಯ್ಲಿ ಮತ್ತು ಪುತ್ರಿ ವಮಿಕಾಗೂ ಸೋನು ಅವರೇ ಬಾಡಿಗಾರ್ಡ್. ಅವರಿಗೆ ವಾರ್ಷಿಕ 1.2 ಕೋಟಿ ರೂ. ಸಂಬಳ ಸಿಗುತ್ತಿದೆ ಎಂಬುದು ಮೂಲಗಳ ಮಾಹಿತಿ.
ದೀಪಿಕಾ ಬಾಡಿಗಾರ್ಡ್ ಜಲಾಲ್ಗೆ 1.2 ಕೋಟಿ ರೂ.
ದೀಪಿಕಾ ಪಡುಕೋಣೆ ಎಲ್ಲೇ ಹೋದರೂ ಅಲ್ಲಿ ಅವರ ಬಾಡಿಗಾರ್ಡ್ ಜಲಾಲ್ ಇದ್ದೇ ಇರುತ್ತಾರೆ. ಅವರನ್ನು ಹಿರಿಯಣ್ಣನ ರೀತಿ ದೀಪಿಕಾ ಪರಿಗಣಿಸಿದ್ದಾರೆ. ಪ್ರತಿವರ್ಷ ಅವರಿಗೆ ರಾಖಿ ಕೂಡ ಕಟ್ಟುತ್ತಾರೆ. 2019ರಲ್ಲಿ ಜಲಾಲ್ ವಾರ್ಷಿಕ ಸಂಬಳ 80 ಲಕ್ಷ ರೂ. ಇತ್ತು. ಈಗ 1.2 ಕೋಟಿ ರೂ.ಗೆ ಏರಿಕೆ ಆಗಿದೆ ಎನ್ನಲಾಗಿದೆ.
ಅಮಿತಾಭ್ ಅಂಗರಕ್ಷಕ ಜೀತೇಂದ್ರ ಸಂಬಳ 1.5 ಕೋಟಿ ರೂ.
ಬಾಲಿವುಡ್ನ ಬಿಗ್ ಬಿ ಅಮಿತಾಭ್ ಬಚ್ಚನ್ ಅವರಿಗೆ ಅಂಗರಕ್ಷಕನಾಗಿ ಕೆಲಸ ಮಾಡುತ್ತಿರುವ ಜೀತೇಂದ್ರ ಅವರು ತಮ್ಮದೇ ಸೆಕ್ಯೂರಿಟಿ ಏಜೆನ್ಸಿ ಹೊಂದಿದ್ದಾರೆ. ಆದರೂ ಅವರು ಅಮಿತಾಭ್ಗೆ ಪರ್ಸನಲ್ ಬಾಡಿಗಾರ್ಡ್ ಆಗಿ ಕೆಲಸ ಮಾಡುತ್ತಾರೆ. ಮೂಲಗಳ ಪ್ರಕಾರ, ಅವರಿಗೆ ಅಮಿತಾಭ್ ವಾರ್ಷಿಕ 1.5 ಕೋಟಿ ರೂ. ಸಂಬಳ ನೀಡುತ್ತಾರೆ.
ಇದನ್ನೂ ಓದಿ:
ಸಲ್ಮಾನ್ ಖಾನ್ ಕೆರಿಯರ್ ನಾಶ ಮಾಡಿ ಬೀದಿಗೆ ತರುತ್ತೇನೆ; ಪ್ರತಿಜ್ಞೆ ಮಾಡಿದ ಕಮಾಲ್ ಖಾನ್
100 ಕೋಟಿ ಪಡೆಯುವ ಶಾರುಖ್ ಖಾನ್ರನ್ನೂ ಮೀರಿಸಿದ ಅಜಯ್ ದೇವಗನ್; ಹಾಗಾದ್ರೆ ಅವರ ಸಂಭಾವನೆ ಎಷ್ಟು?
