ಹಬ್ಬದ ವೇಳೆ ಹಾರ್ಮೋನ್ ಸಮತೋಲನಗೊಳಿಸುವ 5 ಸೂಪರ್​ಫುಡ್​ಗಳಿವು

ದೀಪಾವಳಿ ಹಬ್ಬವೆಂದ ಮೇಲೆ ಸ್ವೀಟ್ ಇರದೇ ಇರಲು ಸಾಧ್ಯವೇ? ದೀಪಗಳ ಹಬ್ಬ, ಬೆಳಕಿನ ಹಬ್ಬ ದೀಪಾವಳಿಯಲ್ಲಿ ಎಲ್ಲರೂ ತಮ್ಮ ಡಯೆಟ್ ಅನ್ನು ಮರೆತೇ ಬಿಡುತ್ತಾರೆ. ಆದರೆ, ಹಬ್ಬದ ಸಂಭ್ರಮದ ನಡುವೆ ನಮ್ಮ ದೇಹಕ್ಕೆ ಯಾವುದು ಒಳ್ಳೆಯದು ಎಂಬುದನ್ನು ನಾವು ಮರೆಯಬಾರದು. ಕೆಲವೊಂದು ಆಹಾರವನ್ನು ಅತಿಯಾಗಿ ಸೇವಿಸುವುದರಿಂದ ಪೌಷ್ಟಿಕಾಂಶದ ದೃಷ್ಟಿಯಿಂದ ಮಾತ್ರವಲ್ಲದೆ ನಮ್ಮ ಹಾರ್ಮೋನ್​ಗಳ ದೃಷ್ಟಿಯಿಂದಲೂ ಸಮಸ್ಯೆಗಳು ಎದುರಾಗುತ್ತವೆ ಎಂಬುದು ನಿಮಗೆ ತಿಳಿದಿರಲಿ.

ಈ ಬಗ್ಗೆ ಪೌಷ್ಟಿಕತಜ್ಞರಾದ ಲೊವ್ನೀತ್ ಬಾತ್ರಾ ಇನ್​ಸ್ಟಾಗ್ರಾಂನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಹಾರ್ಮೋನ್ ಸಮತೋಲನವಾಗಿಸುವ ಸೂಪರ್‌ಫುಡ್‌ಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ. ಇವು ನಿಮ್ಮ ಅಡುಗೆ ಮನೆಯಲ್ಲೇ ಲಭ್ಯವಿರುತ್ತವೆ.

ಹಾರ್ಮೋನ್ ಸಮತೋಲನವನ್ನು ಕಾಪಾಡಿಕೊಳ್ಳಲು 5 ಸೂಪರ್‌ಫುಡ್‌ಗಳು ಇಲ್ಲಿವೆ:

ಅಗಸೆ ಬೀಜಗಳು:

ಅಗಸೆ ಬೀಜವನ್ನು ಅಗಸೆ ಸಸ್ಯದಿಂದ ಸಂಗ್ರಹಿಸಲಾಗುತ್ತದೆ. ಇದು ಕಡಿಮೆ ಕಾರ್ಬೋಹೈಡ್ರೇಟ್ ಅಂಶವನ್ನು ಹೊಂದಿದೆ. ಹೆಚ್ಚಿನ ಫೈಬರ್ ಅಂಶವನ್ನು ಅಗಸೆಬೀಜ ಹೊಂದಿರುವುದರಿಂದ ಇದು ಹೃದಯ ಸಂಬಂಧಿ ಕಾಯಿಲೆಗಳಿಗೆ ಸೂಕ್ತ ಎಂದು ಹೇಳಲಾಗುತ್ತದೆ. ಇದನ್ನು ಖಾಲಿ ಹೊಟ್ಟೆಯಲ್ಲಿ ಅಗಿದು ತಿನ್ನಬಹುದು ಅಥವಾ ಹುರಿದು ಕೂಡ ತಿನ್ನಬಹುದು.

ಇದನ್ನೂ ಓದಿ: Weight Loss: ತೂಕ ಇಳಿಸುವವರು ಶೇಂಗಾ ತಿಂದರೆ ಏನಾಗುತ್ತೆ?

ಇನ್ಸುಲಿನ್ ಪ್ರತಿರೋಧಕ್ಕಾಗಿ ದಾಲ್ಚಿನ್ನಿ:

ದಾಲ್ಚಿನ್ನಿ ಸಿನ್ನಾಮಾಲ್ಡಿಹೈಡ್ ಅನ್ನು ಹೊಂದಿದೆ, ಇದು ವ್ಯಕ್ತಿಗಳ ಇನ್ಸುಲಿನ್ ಪ್ರತಿರೋಧ ಮತ್ತು ಪ್ರಿಪ್ರಾಂಡಿಯಲ್ ರಕ್ತದ ಗ್ಲೂಕೋಸ್ ಅನ್ನು ನಿಯಂತ್ರಿಸುತ್ತದೆ. ದಾಲ್ಚಿನ್ನಿಯನ್ನು ನೈಸರ್ಗಿಕ ಇನ್ಸುಲಿನ್ ಉತ್ತೇಜಕ ಎಂದು ಹೇಳಲಾಗುತ್ತದೆ. ದಾಲ್ಚಿನ್ನಿಯಲ್ಲಿರುವ ನೈಸರ್ಗಿಕ ಏಜೆಂಟ್ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಸ್ಥಿರವಾಗಿಡಲು ಇನ್ಸುಲಿನ್ ಆಗಿ ಕಾರ್ಯನಿರ್ವಹಿಸುತ್ತದೆ.

ಉರಿಯೂತವನ್ನು ಕಡಿಮೆ ಮಾಡಲು ಅರಿಶಿನ:

ಅರಿಶಿನವನ್ನು ಉರಿಯೂತದ ಏಜೆಂಟ್ ಆಗಿ ಬಳಸಲಾಗುತ್ತದೆ. ಅರಿಶಿನದ ಸಕ್ರಿಯ ಘಟಕಗಳಾದ ಕರ್ಕ್ಯುಮಿನ್ ಮತ್ತು ಕರ್ಕ್ಯುಮಿನಾಯ್ಡ್‌ಗಳು ಪರಿಣಾಮಕಾರಿಯಾಗಿವೆ.

ಒತ್ತಡದ ಹಾರ್ಮೋನ್ ಕಾರ್ಟಿಸೋಲ್ ಅನ್ನು ಕಡಿಮೆ ಮಾಡಲು ಅಶ್ವಗಂಧ:

ಅಶ್ವಗಂಧವು ಮಾನಸಿಕ ಆರೋಗ್ಯವನ್ನು ಸುಧಾರಿಸುತ್ತದೆ. ಅಡಾಪ್ಟೋಜೆನಿಕ್ ಗುಣಲಕ್ಷಣಗಳ ಮೂಲಕ ಒತ್ತಡವನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ: Health Tips: ಹಾರ್ಮೋನ್ ಸಮತೋಲನಕ್ಕೆ ಈ ಐದು ಬೀಜಗಳು ಪರಿಣಾಮಕಾರಿ

ಸ್ತ್ರೀ ಫಲವತ್ತತೆಯ ಹಾರ್ಮೋನುಗಳಿಗೆ ತುಪ್ಪ:

ತುಪ್ಪವು ಸಂಯೋಜಿತ ಲಿನೋಲಿಯಿಕ್ ಆಮ್ಲದ (CLA) ಅತ್ಯುತ್ತಮ ಮೂಲವಾಗಿದೆ. ಇದು ಅಂಡಾಶಯದ ಫೋಲಿಕ್ಯುಲಾರ್ ಸ್ಟೀರಾಯ್ಡ್ಜೆನೆಸಿಸ್ ಅನ್ನು ಒಳಗೊಂಡಿರುವ ಸ್ತ್ರೀ ಫಲವತ್ತತೆ ಹಾರ್ಮೋನ್ ಅನ್ನು ಸುಧಾರಿಸುತ್ತದೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ