ನೀವು ಸೇವಿಸುವ ಆಹಾರದಲ್ಲಿ ಈ 5 ಅತ್ಯಂತ ಪೋಷಕಾಂಶ ಭರಿತ ತರಕಾರಿಗಳು ಇರಲೇಬೇಕು

ದೇಹಕ್ಕೆ ಪೋಷಕಾಂಶಗಳು ಅತ್ಯಗತ್ಯ. ಏಕೆಂದರೆ ಅವು ನಮ್ಮ ದೇಹ ಸರಿಯಾಗಿ ಕಾರ್ಯನಿರ್ವಹಿಸಲು ಮತ್ತು ಒಟ್ಟಾರೆ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ನಮ್ಮ ದೇಹ ಮತ್ತು ಆರೋಗ್ಯದ ವಿಷಯಕ್ಕೆ ಬಂದಾಗ, ಪ್ರತಿಯೊಂದು ಪೋಷಕಾಂಶವು ವಿಶಿಷ್ಟ ಪಾತ್ರವನ್ನು ವಹಿಸುತ್ತದೆ. ಉದಾಹರಣೆಗೆ, ತೂಕ ಇಳಿಸಿಕೊಳ್ಳಬೇಕಾದ ಜನರಿಗೆ ಕಾರ್ಬೋಹೈಡ್ರೇಟ್​​ಗಳಿಂದ ದೂರವಿರಬೇಕು ಎಂದು ಹೇಳುತ್ತಾರೆ ಆದರೆ ಅದು ನಮ್ಮ ದೇಹದ ಪ್ರಾಥಮಿಕ ಶಕ್ತಿಯ ಮೂಲವಾಗಿದೆ. ಅಂಗಾಂಶಗಳ ಬೆಳವಣಿಗೆ, ನಮ್ಮ ಕೂದಲಿನ ಅನೇಕ ಸಮಸ್ಯೆಗಳಿಗೆ ಪ್ರೋಟೀನ್ ಅತ್ಯಗತ್ಯ. ಜೊತೆಗೆ ನಮಗೆ ಪೋಷಕಾಂಶಗಳಿಂದ ತುಂಬಿದ ಆಹಾರಗಳು ಇದ್ದರೂ, ಸರಿಯಾದದನ್ನು ಆಯ್ಕೆ ಮಾಡುವುದು ಸ್ವಲ್ಪ ಕಷ್ಟವಾಗಬಹುದು. ನಿಮ್ಮ ದೇಹಕ್ಕೆ ಅಗತ್ಯವಿರುವ ಕಪೋಷಕಾಂಶ ಭರಿತ ತರಕಾರಿಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಹೆಚ್ಚು ಪೋಷಕಾಂಶ ಭರಿತ ತರಕಾರಿಗಳು ಯಾವುದು?

ಮೂಲಭೂತವಾಗಿ, ದೇಹದ ಕಾರ್ಯ, ಬೆಳವಣಿಗೆ ಮತ್ತು ಒಟ್ಟಾರೆ ಯೋಗಕ್ಷೇಮವನ್ನು ಉತ್ತೇಜಿಸುವಲ್ಲಿ ಪ್ರತಿಯೊಂದು ಪೋಷಕಾಂಶವು ವಿಶಿಷ್ಟ ಪಾತ್ರ ವಹಿಸುತ್ತದೆ ಎಂದು ಮುಂಬೈನ ಪೊವಾಯಿಯ ಡಾ. ಎಲ್. ಎಚ್. ಹಿರಾನಂದಾನಿ ಆಸ್ಪತ್ರೆಯ ಮುಖ್ಯ ಆಹಾರ ತಜ್ಞೆ ರಿಚಾ ಆನಂದ್ ಹೇಳುತ್ತಾರೆ. ನಮ್ಮ ದೇಹದ ವ್ಯವಸ್ಥೆಗಳ ಸರಿಯಾದ ಕಾರ್ಯನಿರ್ವಹಣೆಯನ್ನು ಖಚಿತಪಡಿಸಿಕೊಳ್ಳಲು ಮತ್ತು ಪೋಷಕಾಂಶಗಳ ಕೊರತೆ ಮತ್ತು ವಿವಿಧ ಆರೋಗ್ಯ ತೊಡಕುಗಳನ್ನು ತಡೆಯಲು ಸಾಕಷ್ಟು ಪ್ರಮಾಣದ ಪೋಷಕಾಂಶಗಳನ್ನು ಒದಗಿಸುವ ಸಮತೋಲಿತ ಆಹಾರ ಅತ್ಯಗತ್ಯ. ಆದ್ದರಿಂದ, ಈ ತರಕಾರಿಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸುವುದು ತುಂಬಾ ಉತ್ತಮ.

1. ಪಾಲಕ್ ಸೊಪ್ಪು: ಪಾಲಕ್ ತುಂಬಾ ಪೌಷ್ಟಿಕ ಭರಿತ ಆಹಾರ. ಅಲ್ಲದೆ ಇದು ನಿಮ್ಮ ದೇಹಕ್ಕೆ ತುಂಬಾ ಒಳ್ಳೆಯದು. ಇದರಲ್ಲಿ ವಿಟಮಿನ್ ಎ, ಸಿ ಮತ್ತು ಕೆ ಸಮೃದ್ಧವಾಗಿದೆ. ಇದು ದೃಷ್ಟಿ ದೋಷ, ರೋಗನಿರೋಧಕ ಶಕ್ತಿ ಮತ್ತು ರಕ್ತ ಹೆಪ್ಪುಗಟ್ಟುವಿಕೆಗೆ ಸಹಾಯ ಮಾಡುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಇದು ಕೋಶ ವಿಭಜನೆಗೆ ಅವಶ್ಯಕವಾಗಿದೆ ಮತ್ತು ಗರ್ಭಾವಸ್ಥೆಯಲ್ಲಿ ನರನಾಳದ ದೋಷಗಳನ್ನು ತಡೆಯುತ್ತದೆ. ಪಾಲಕ್ ಸೊಪ್ಪಿನಲ್ಲಿ ಸುಧಾರಿತ ರಕ್ತ ಪರಿಚಲನೆಗಾಗಿ ಕಬ್ಬಿಣ, ಎಲೆಕ್ಟ್ರೋಲೈಟ್ ಸಮತೋಲನ ಮತ್ತು ಹೃದಯದ ಆರೋಗ್ಯಕ್ಕಾಗಿ ಪೊಟ್ಯಾಸಿಯಮ್ ಮತ್ತು ಜೀರ್ಣಕ್ರಿಯೆ ಮತ್ತು ಹೊಟ್ಟೆ ತುಂಬಿದ ಭಾವನೆಗೆ ಸಹಾಯ ಮಾಡುವ ಜೀರ್ಣಕಾರಿ ಕಿಣ್ವಗಳಿವೆ.

2. ಕೇಲ್: ಕೇಲ್ ಮತ್ತೊಂದು ಫೈಬರ್ ಸಮೃದ್ಧ ತರಕಾರಿಯಾಗಿದ್ದು, ವಿಶೇಷವಾಗಿ ವಿಟಮಿನ್ ಕೆ ಹೆಚ್ಚಿನ ಅಂಶಕ್ಕೆ ಹೆಸರುವಾಸಿಯಾಗಿದೆ. ಮೂಳೆಯ ಆರೋಗ್ಯ ಮತ್ತು ರಕ್ತ ಹೆಪ್ಪುಗಟ್ಟುವಿಕೆಗೆ ಇದು ಅತ್ಯಗತ್ಯ. ಕೇಲ್ ವಿಟಮಿನ್ ಸಿ ಯ ಅತ್ಯುತ್ತಮ ಮೂಲವಾಗಿದೆ, ಇದು ಪ್ರತಿರಕ್ಷಣಾ ವ್ಯವಸ್ಥೆ ಮತ್ತು ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ. ಇದು ಬೀಟಾ- ಕ್ಯಾರೋಟಿನ್, ಲ್ಯೂಟಿನ್ ಮತ್ತು ಜಿಯಾಕ್ಸಾಂಥಿನ್ ನಂತಹ ಉತ್ಕರ್ಷಣ ನಿರೋಧಕಗಳನ್ನು ಒದಗಿಸುತ್ತದೆ, ಇದು ಕಣ್ಣಿನ ಆರೋಗ್ಯವನ್ನು ಉತ್ತೇಜಿಸುತ್ತದೆ.

3. ಬ್ರೊಕೋಲಿ: ಬ್ರೊಕೋಲಿ ವಿಟಮಿನ್ ಸಿ, ಕೆ ಮತ್ತು ಎ ನಂತಹ ಪೋಷಕಾಂಶಗಳಿಂದ ತುಂಬಿದೆ. ಮೂಳೆಯ ಆರೋಗ್ಯ ಮತ್ತು ರಕ್ತ ಹೆಪ್ಪುಗಟ್ಟುವಿಕೆಗೆ ಇವು ಅತ್ಯಗತ್ಯ. ಬ್ರೊಕೋಲಿ ಹೃದಯದ ಆರೋಗ್ಯವನ್ನು ಬೆಂಬಲಿಸುವ ಫೋಲೇಟ್, ಫೈಬರ್, ಪೊಟ್ಯಾಸಿಯಮ್ ಮತ್ತು ಇತರ ಖನಿಜಗಳನ್ನು ಸಹ ಒದಗಿಸುತ್ತದೆ, ಜೊತೆಗೆ ಮೂಳೆಯ ಆರೋಗ್ಯ ಮತ್ತು ಸ್ನಾಯುಗಳಿಗೆ ಅಗತ್ಯವಾದ ಕ್ಯಾಲ್ಸಿಯಂ ಅನ್ನು ಸಹ ಒದಗಿಸುತ್ತದೆ ಎಂಬುದು ತಜ್ಞರ ಅಭಿಪ್ರಾಯವಾಗಿದೆ.

ಇದನ್ನೂ ಓದಿ:  ಹಸಿ ಹಾಗೂ ಬೇಯಿಸಿದ ತರಕಾರಿ ಯಾವುದು ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿ

4. ಬ್ರಸೆಲ್ಸ್ (ಸಣ್ಣ ಕ್ಯಾಬೇಜ್ ಹೊಲುವ ತರಕಾರಿ): ಚಿಕ್ಕ ಎಲೆಕೋಸುಗಳಂತೆ ಕಾಣುವ ಬ್ರಸೆಲ್ಸ್ ವಿಟಮಿನ್ ಸಿ ಮತ್ತು ಕೆ ಯ ಮೂಲವಾಗಿದೆ. ಅವು ಗ್ಲುಕೋಸಿನೋಲೇಟ್ಗಳನ್ನು ಸಹ ಹೊಂದಿರುತ್ತವೆ, ಇದು ಕ್ಯಾನ್ಸರ್- ರಕ್ಷಣಾತ್ಮಕ ಗುಣಲಕ್ಷಣಗಳನ್ನು ಹೊಂದಿರುವ ಸಂಯುಕ್ತಗಳಾಗಿವೆ. ಅವು ಆಹಾರಕ್ಕಾಗಿ ಆಹಾರದ ಫೈಬರ್ ಅನ್ನು ಒದಗಿಸುತ್ತವೆ, ಜೊತೆಗೆ ಫೋಲೇಟ್ ಮತ್ತು ಮ್ಯಾಂಗನೀಸ್ ನಂತಹ ಖನಿಜಗಳನ್ನು ಒದಗಿಸುತ್ತವೆ, ಇದು ಚಯಾಪಚಯ ಮತ್ತು ಮೂಳೆಯ ಆರೋಗ್ಯ ಸೇರಿದಂತೆ ದೈಹಿಕ ಕಾರ್ಯಗಳನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ.

5. ಸಿಹಿ ಆಲೂಗಡ್ಡೆ: ಸಿಹಿ ಆಲೂಗಡ್ಡೆಯಲ್ಲಿ ಬೀಟಾ- ಕ್ಯಾರೋಟಿನ್ ಇದೆ, ಇದು ವಿಟಮಿನ್ ಎ ಯ ಪೂರ್ವಗಾಮಿಯಾಗಿದೆ, ಇದು ದೃಷ್ಟಿ, ರೋಗನಿರೋಧಕ ಶಕ್ತಿ ಮತ್ತು ಚರ್ಮದ ಆರೋಗ್ಯಕ್ಕೆ ಅವಶ್ಯಕವಾಗಿದೆ ಎಂದು ಆನಂದ್ ಹೇಳುತ್ತಾರೆ. ಇದು ಸಮೃದ್ಧ ಫೈಬರ್ ಅನ್ನು ಹೊಂದಿದೆ, ಇದು ಜೀರ್ಣಕ್ರಿಯೆಗೆ ಒಳ್ಳೆಯದು, ಮತ್ತು ವಿಟಮಿನ್ ಸಿ ಯ ಮೂಲವಾಗಿದೆ. ಜೊತೆಗೆ ಉತ್ಕರ್ಷಣ ನಿರೋಧಕವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಪ್ರತಿರಕ್ಷಣಾ ಕಾರ್ಯವನ್ನು ಬಲಪಡಿಸುತ್ತದೆ. ಅಲ್ಲದೆ, ಈ ಆಲೂಗಡ್ಡೆ ಹೃದಯದ ಆರೋಗ್ಯಕ್ಕೆ ಪೊಟ್ಯಾಸಿಯಮ್ ಮತ್ತು ಮೆದುಳಿನ ಬೆಳವಣಿಗೆ ವಿಟಮಿನ್ ಬಿ 6 ಯನ್ನು ಒದಗಿಸುತ್ತದೆ.

ವಿವಿಧ ರೀತಿಯ ಫೈಬರ್ ಭರಿತ ಆಹಾರಗಳನ್ನು ಸೇವಿಸುವುದು ಆರೋಗ್ಯವಾಗಿರಲು ಉತ್ತಮ ಮಾರ್ಗವಾಗಿದೆ. ಸಲಾಡ್ ಅಥವಾ ಸ್ಮೂಥಿ ತಯಾರಿಸಲು ನೀವು ಪಾಲಕ್ ಮತ್ತು ಕೇಲ್ ಅನ್ನು ಬಳಸಬಹುದು. ಬ್ರೊಕೋಲಿ ಮತ್ತು ಬ್ರಸೆಲ್ಸ್ ಗಳನ್ನು ಹಬೆಯಲ್ಲಿ ಬೇಯಿಸಿ ಅಥವಾ ಹುರಿದು ಅದನ್ನು ತಿನ್ನಬಹುದು. ಸುಸ್ಥಿರ ಶಕ್ತಿಯನ್ನು ಒದಗಿಸಲು ಮತ್ತು ಜೀರ್ಣಕಾರಿ ಆರೋಗ್ಯವನ್ನು ಹೆಚ್ಚಿಸಲು ಸಿಹಿ ಆಲೂಗಡ್ಡೆಯನ್ನು ವಿವಿಧ ಪದಾರ್ಥಗಳಲ್ಲಿ ಬಳಸಬಹುದು.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ