Health Tips: ಪ್ರತಿದಿನ ಒಂದು ಮೊಟ್ಟೆ ತಿಂದ್ರೆ ಸಿಗುವ ಪ್ರಯೋಜನಗಳೇನು ಗೊತ್ತಾ?

Health Tips In Kannada: ಆರೋಗ್ಯವಾಗಿರಲು ದೇಹಕ್ಕೆ ವಿವಿಧ ರೀತಿಯ ಪ್ರೋಟೀನ್-ವಿಟಮಿನ್​ಗಳ ಅವಶ್ಯಕತೆ ಇರುತ್ತದೆ. ಅಂತಹ ಪೋಷಕಾಂಶಗಳನ್ನು ಹೊಂದಿರುವ ಆಹಾರಗಳಲ್ಲಿ ಮೊಟ್ಟೆ ಕೂಡ ಒಂದು. ಅದರಲ್ಲೂ ಮೊಟ್ಟೆಯನ್ನು ಪ್ರೋಟೀನ್​ನ ಅಗರ ಎಂದೇ ಹೇಳಬಹುದು. ಆದರೆ ಅದರ ಪೌಷ್ಠಿಕಾಂಶದ ಮೌಲ್ಯವು ನಿಮ್ಮ ಅಡುಗೆ ಶೈಲಿ ಮತ್ತು ತಿನ್ನುವ ಸಮಯವನ್ನು ಅವಲಂಬಿಸಿರುತ್ತದೆ. ಆರೋಗ್ಯ ತಜ್ಞರ ಪ್ರಕಾರ, ಮೊಟ್ಟೆ ತಿನ್ನಲು ಹಲವು ಮಾರ್ಗಗಳಿವೆ. ಆದರೆ ಇದನ್ನು ಬೇಯಿಸಿ ತಿಂದಾಗ ಹೆಚ್ಚಿನ ಪೋಷಕಾಂಶಗಳಿಂದ ತುಂಬಿರುತ್ತದೆ. ಕುದಿಸಿ ಬೇಯಿಸಿದ ಮೊಟ್ಟೆಗಳು ಹೆಚ್ಚು ಪ್ರಯೋಜನಕಾರಿ. ಏಕೆಂದರೆ ಹಾಗೆ ಮಾಡುವುದರಿಂದ ಅದರಲ್ಲಿರುವ ಹಾನಿಕಾರಕ ಬ್ಯಾಕ್ಟೀರಿಯಾಗಳು ಸಾಲ್ಮೊನೆಲ್ಲಾದಂತೆ ಉಳಿಯುವುದಿಲ್ಲ ಮತ್ತು ಇದು ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿಯಾಗುತ್ತದೆ. ಇನ್ನು ಮೊಟ್ಟೆಯಲ್ಲಿ ಕಂಡುಬರುವ ಪೋಷಕಾಂಶಗಳ ಬಗ್ಗೆ ಮಾತನಾಡುವುದಾದರೆ, ಅದರಲ್ಲಿ ಪ್ರೋಟೀನ್, ಐರನ್, ವಿಟಮಿನ್ ಎ, ಬಿ 6, ಬಿ 12, ಫೋಲೇಟ್, ಅಮೈನೋ ಆಮ್ಲಗಳು, ರಂಜಕ ಮತ್ತು ಸೆಲೆನಿಯಮ್, ಕೊಬ್ಬಿನಾಮ್ಲಗಳು (ಲಿನೋಲಿಕ್, ಒಲಿಕ್ ಆಮ್ಲ) ಸಮೃದ್ಧವಾಗಿದೆ. ಇದು ಮಕ್ಕಳಿಂದ ವಯಸ್ಕರ ಆರೋಗ್ಯಕ್ಕೆ ಬಹಳ ಮುಖ್ಯ. ಹೀಗಾಗಿ ಪ್ರತಿದಿನ ನಿಮ್ಮ ಬೆಳಗಿನ ಉಪಹಾರದ ಜೊತೆ ಒಂದು ಮೊಟ್ಟೆ ಸೇವಿಸುವುದು ಆರೋಗ್ಯದ ದೃಷ್ಟಿಯಿಂದ ಉತ್ತಮ. ಹಾಗಿದ್ರೆ ಬೇಯಿಸಿದ ಮೊಟ್ಟೆಯನ್ನು ತಿನ್ನುವುದರಿಂದ ಸಿಗುವ ಆರೋಗ್ಯಕಾರಿ ಪ್ರಯೋಜನಗಳೇನು ನೋಡೋಣ.

1. ಸಮೃದ್ಧಭರಿತ ಪ್ರೋಟೀನ್:
ದೇಹದಲ್ಲಿ ಶಕ್ತಿಯನ್ನು ಕಾಪಾಡಿಕೊಳ್ಳುವಲ್ಲಿ ಪ್ರೋಟೀನ್ ಪ್ರಮುಖ ಪಾತ್ರ ವಹಿಸುತ್ತದೆ. ಹೀಗಾಗಿ ನಾವು ಬೆಳಗಿನ ಉಪಾಹಾರದಲ್ಲಿ ಬೇಯಿಸಿದ ಮೊಟ್ಟೆಗಳನ್ನು ಸೇವಿಸಿದರೆ, ನಮ್ಮ ದೇಹಕ್ಕೆ ಪ್ರೋಟೀನ್ ಪೂರೈಕೆಯಾಗುತ್ತದೆ. ಇದರಿಂದ ಆಯಾಸ ದೂರವಾಗಿ, ದಿನವಿಡೀ ಶಕ್ತಿಯಿಂದ ಕೂಡಿರುತ್ತೇವೆ.

2. ಕೊಲೆಸ್ಟ್ರಾಲ್ ಸಮತೋಲನ:
ಫಾಸ್ಫಟೈಡ್‌ಗಳು ಮತ್ತು ಒಮೆಗಾ -3 ಆಮ್ಲಗಳು ಮೊಟ್ಟೆಯಲ್ಲಿ ಕಂಡುಬರುತ್ತವೆ. ಇದು ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಸಮತೋಲನಗೊಳಿಸುತ್ತದೆ. ಹಾಗಾಗಿ ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಿಸಲು ನೀವು ಪ್ರತಿದಿನ ಬೆಳಿಗ್ಗೆ ಮೊಟ್ಟೆಗಳನ್ನು ತಿನ್ನಬಹುದು. ಆದರೆ ನೀವು ಎಣ್ಣೆಯಲ್ಲಿ ಆಮ್ಲೆಟ್ ಮಾಡುವ ಮೂಲಕ ಮೊಟ್ಟೆಗಳನ್ನು ತಿಂದರೆ, ಅದು ದೇಹದಲ್ಲಿ ಕೊಲೆಸ್ಟ್ರಾಲ್ ಅನ್ನು ಹೆಚ್ಚಿಸುತ್ತದೆ ಎಂಬುದನ್ನು ನೆನಪಿಟ್ಟುಕೊಳ್ಳಿ.

3. ಮೆದುಳಿಗೆ ಪ್ರಯೋಜನಕಾರಿ:
ಮೊಟ್ಟೆಯಲ್ಲಿ ಕೋಲಿನ್ ಎಂಬ ಕಿಣ್ವವಿದ್ದು ಅದು ನೆನಪಿನ ಶಕ್ತಿಯನ್ನು ಕಾಪಾಡುತ್ತದೆ. ದೇಹದಲ್ಲಿ ಕೋಲಿನ್ ಕೊರತೆಯು ನೆನಪಿನ ಶಕ್ತಿ ಕಳೆದುಕೊಳ್ಳುವಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ನಿಮ್ಮ ಉಪಹಾರದಲ್ಲಿ ಬೇಯಿಸಿದ ಮೊಟ್ಟೆಯನ್ನು ಸೇರಿಸಿ, ನಿಮ್ಮ ದೇಹದಲ್ಲಿ ಕೋಲಿನ್‌ನ ಕೊರತೆಯನ್ನು ದೂರ ಮಾಡಿ ಆರೋಗ್ಯವಂತರಾಗಬಹುದು.

4. ಕಣ್ಣುಗಳಿಗೆ ಅಗತ್ಯ:
ಮೊಟ್ಟೆಗಳು ಕೆಲವು ಅ್ಯಂಟಿ ಆಕ್ಸಿಡೆಂಟ್ ಮತ್ತು ಉರಿಯೂತ ನಿವಾರಕ ಗುಣಗಳನ್ನು ಹೊಂದಿದೆ. ಹಾಗೆಯೇ ಅದು ಕಣ್ಣಿನೊಳಗಿನ ಸ್ನಾಯುಗಳನ್ನು ಆರೋಗ್ಯಕರವಾಗಿರಿಸುತ್ತದೆ. ಹೀಗಾಗಿ ಬೆಳಗಿನ ಉಪಹಾರದೊಂದಿಗೆ ಮೊಟ್ಟೆ ಸೇವನೆ ಕಣ್ಣಿನ ಆರೋಗ್ಯವನ್ನು ಕೂಡ ಹೆಚ್ಚಿಸುತ್ತದೆ. ಆದರಿಂದ ಇನ್ಮುಂದೆ ಪ್ರತಿದಿನ ಉಪಹಾರದ ಜೊತೆ ಕನಿಷ್ಠ ಒಂದು ಮೊಟ್ಟೆ ಸೇವಿಸುವ ಮೂಲಕ ಆರೋಗ್ಯವಂತರಾಗಿ, ರೋಗಗಳಿಂದ ದೂರವಿರಿ.

ಇದನ್ನೂ ಓದಿ:-

Tokyo Olympics: ಒಲಿಂಪಿಕ್ಸ್​ನಲ್ಲಿ ವಿಶ್ವ ದಾಖಲೆ ಬರೆದ ಭಾರತ..!

Tokyo Olympics: ಪದಕ ಗೆಲ್ಲುತ್ತಿದ್ದಂತೆ ಟೀಮ್ ಇಂಡಿಯಾಗೆ ಕಾದಿತ್ತು ಸರ್​ಪ್ರೈಸ್..!

(Health Tips- Reasons to Eat Hard-Boiled Eggs for Breakfast)