Iron Deficiency: ಶೇ. 60ರಷ್ಟು ಮಹಿಳೆಯರಲ್ಲಿ ಕಬ್ಬಿಣದ ಕೊರತೆ; ಇದಕ್ಕೆ ಪರಿಹಾರ ಇಲ್ಲಿದೆ

ಕಬ್ಬಿಣದ ಕೊರತೆಯು ಯುವತಿಯರಲ್ಲಿ ವ್ಯಾಪಕವಾದ ಸಮಸ್ಯೆಯಾಗಿದೆ. ಇದು ಭಾರತದಲ್ಲಿ ಶೇ. 60ಕ್ಕಿಂತ ಹೆಚ್ಚು ಮಹಿಳೆಯರ ಮೇಲೆ ಪರಿಣಾಮ ಬೀರುತ್ತದೆ. ಅನೇಕ ಮಹಿಳೆಯರು ಅದನ್ನು ಅರಿತುಕೊಳ್ಳದೆ ಕಡಿಮೆ ಕಬ್ಬಿಣದ ಮಟ್ಟದೊಂದಿಗೆ ಜೀವಿಸುತ್ತಿದ್ದಾರೆ. ಇದರಿಂದ ಆಗಾಗ ಆಯಾಸ ಮತ್ತು ದೌರ್ಬಲ್ಯದಂತಹ ರೋಗಲಕ್ಷಣಗಳನ್ನು ಅನುಭವಿಸಬೇಕಾಗುತ್ತದೆ. ಕಬ್ಬಿಣದ ಕೊರತೆಯು (Iron Deficiency) ಸಾಮಾನ್ಯ ಪೌಷ್ಟಿಕಾಂಶದ ಕೊರತೆಯಾಗಿದ್ದು, ಅದು ದೇಹವು ಅದರ ಕಾರ್ಯಗಳನ್ನು ಬೆಂಬಲಿಸಲು ಸಾಕಷ್ಟು ಕಬ್ಬಿಣವನ್ನು ಹೊಂದಿಲ್ಲದಿದ್ದಾಗ ಸಂಭವಿಸುತ್ತದೆ.

ಕಬ್ಬಿಣದ ಅಂಶವು ದೇಹದಾದ್ಯಂತ ಆಮ್ಲಜನಕವನ್ನು ಸಾಗಿಸುವಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸುತ್ತದೆ. ಇದು ಆರೋಗ್ಯಕರ ಕೆಂಪು ರಕ್ತ ಕಣಗಳನ್ನು ನಿರ್ವಹಿಸುತ್ತದೆ ಮತ್ತು ಒಟ್ಟಾರೆ ಶಕ್ತಿಯ ಮಟ್ಟವನ್ನು ಹೆಚ್ಚಿಸುತ್ತದೆ. ಸಾಕಷ್ಟು ಕಬ್ಬಿಣವಿಲ್ಲದೆ, ವ್ಯಕ್ತಿಗಳು ಆಯಾಸ, ದೌರ್ಬಲ್ಯ, ಉಸಿರಾಟದ ತೊಂದರೆ ಮತ್ತು ದುರ್ಬಲವಾದ ಅರಿವಿನ ಕಾರ್ಯವನ್ನು ಅನುಭವಿಸಬಹುದು.

“ಯುವತಿಯರಲ್ಲಿ ಕಬ್ಬಿಣದ ಕೊರತೆಯು ಇತ್ತೀಚೆಗೆ ಹೆಚ್ಚಾಗುತ್ತಿರುವ ಆರೋಗ್ಯ ಸಮಸ್ಯೆಯಾಗಿದೆ. ಇದನ್ನು ಸಾಮಾನ್ಯವಾಗಿ ಕಡೆಗಣಿಸಲಾಗುತ್ತದೆ. ಆರೋಗ್ಯಕರ ಆಹಾರ ಮತ್ತು ಸಪ್ಲಿಮೆಂಟ್​ಗಳನ್ನು ಸೇವಿಸುವ ಪ್ರಯತ್ನಗಳ ಹೊರತಾಗಿಯೂ ಶೇ. 90ರಷ್ಟು ಯುವತಿಯರು ಇನ್ನೂ ಸಾಕಷ್ಟು ಕಬ್ಬಿಣದ ಮಟ್ಟದ ಕೊರತೆಯಿಂದ ಹೋರಾಡುತ್ತಿದ್ದಾರೆ” ಎಂದು ಅಪೊಲೊ ಡಯಾಗ್ನೋಸ್ಟಿಕ್ಸ್ ಮುಖ್ಯ ರೋಗಶಾಸ್ತ್ರಜ್ಞ ಡಾ. ರಾಜೇಶ್ ಬೇಂದ್ರೆ ಹೇಳಿದ್ದಾರೆ.

ಮಹಿಳೆಯರಲ್ಲಿ ಕಬ್ಬಿಣದ ಕೊರತೆ ಏಕೆ ಉಂಟಾಗುತ್ತದೆ?:

ಮುಟ್ಟಿನ ಸಂದರ್ಭದಲ್ಲಿ ರಕ್ತಸ್ರಾವ, ನಿರ್ಬಂಧಿತ ಆಹಾರಗಳು ಮತ್ತು ಸಂಸ್ಕರಿಸಿದ ಆಹಾರಗಳ ಮೇಲೆ ಹೆಚ್ಚಿನ ಅವಲಂಬನೆ ಮುಂತಾದ ಅಂಶಗಳು ಮಹಿಳೆಯರಲ್ಲಿ ಕಬ್ಬಿಣದ ಕೊರತೆಯ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಕಬ್ಬಿಣದಂಶ ಭರಿತ ಆಹಾರದ ಮೂಲಗಳು ಮತ್ತು ಆಹಾರದ ಅವಶ್ಯಕತೆಗಳ ಬಗ್ಗೆ ಇರುವ ಶಿಕ್ಷಣದ ಕೊರತೆಯು ಸಮಸ್ಯೆಯನ್ನು ಉಲ್ಬಣಗೊಳಿಸುತ್ತದೆ. ಸಾಕಷ್ಟು ಕಬ್ಬಿಣದ ಮಟ್ಟವನ್ನು ಕಾಯ್ದುಕೊಳ್ಳುವ ಮಹತ್ವದ ಬಗ್ಗೆ ಅರಿವು ಮೂಡಿಸುವುದು ಬಹಳ ಮುಖ್ಯ ಎಂದು ವೈದ್ಯರು ಹೇಳಿದ್ದಾರೆ.

ಇದನ್ನೂ ಓದಿ: ಕಬ್ಬಿಣದಂಶ ಅಧಿಕವಾಗಿರುವ ಈ ಹಣ್ಣುಗಳನ್ನು ಮರೆಯದೆ ಸೇವಿಸಿ

ಗರ್ಭಿಣಿ ಮಹಿಳೆಯರಲ್ಲಿ ಕಬ್ಬಿಣದ ಕೊರತೆ:

ಅನೇಕ ಗರ್ಭಿಣಿಯರು ಕಬ್ಬಿಣದ ಕೊರತೆಯಿಂದ ಬಳಲುತ್ತಿದ್ದಾರೆ. ಇದು ಕಡಿಮೆ ಹಿಮೋಗ್ಲೋಬಿನ್, ರಕ್ತಹೀನತೆ ಮತ್ತು ಅದರ ಸಂಬಂಧಿತ ರೋಗಲಕ್ಷಣಗಳಾದ ದೌರ್ಬಲ್ಯ, ಉಸಿರಾಟದ ತೊಂದರೆ ಮತ್ತು ತೆಳುವಾದ ಚರ್ಮದ ಸಮಸ್ಯೆಗೆ ಕಾರಣವಾಗುತ್ತದೆ ಎಂದು ತಜ್ಞರು ಹೇಳಿದ್ದಾರೆ. “ಅನೇಕ ಗರ್ಭಿಣಿ ಮಹಿಳೆಯರಲ್ಲಿ ಕಬ್ಬಿಣದ ಕೊರತೆಯು ಕೆಟ್ಟ ಪರಿಣಾಮಗಳನ್ನು ಉಂಟುಮಾಡುವ ಸಮಸ್ಯೆಯಾಗಿದೆ. ರಕ್ತಹೀನತೆ ಮತ್ತು ಆಯಾಸದಂತಹ ತಕ್ಷಣದ ಆರೋಗ್ಯದ ಅಪಾಯಗಳನ್ನು ಮೀರಿ, ಗರ್ಭಾವಸ್ಥೆಯಲ್ಲಿ ಕಬ್ಬಿಣದ ಕೊರತೆಯು ಭ್ರೂಣದ ಬೆಳವಣಿಗೆಗೆ ಅಡ್ಡಿಯಾಗಬಹುದು. ನಿರೀಕ್ಷಿತ ತಾಯಂದಿರಲ್ಲಿ ಅಸಮರ್ಪಕ ಕಬ್ಬಿಣದ ಮಟ್ಟವು ಅವಧಿಪೂರ್ವ ಜನನ ಮತ್ತು ಕಡಿಮೆ ತೂಕದ ಜನನದ ಅಪಾಯವನ್ನು ಹೆಚ್ಚಿಸಬಹುದು. ಇದು ಮಗುವಿನ ದೀರ್ಘಾವಧಿಯ ಆರೋಗ್ಯ ಮತ್ತು ಅರಿವಿನ ಬೆಳವಣಿಗೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಡಾ. ಬೇಂದ್ರೆ ಹೇಳಿದ್ದಾರೆ.

“ಈ ಹಿನ್ನೆಲೆಯಲ್ಲಿ ಮಹಿಳೆಯರು ಅವರ ಋತುಚಕ್ರದ ಬಗ್ಗೆ ಗಮನ ಹರಿಸುವುದು ರೋಗನಿರ್ಣಯದಲ್ಲಿ ಮುಖ್ಯವಾಗಿದೆ. ಏಕೆಂದರೆ ಭಾರೀ ಪಿರಿಯಡ್ಸ್ ಕಬ್ಬಿಣದ ಕೊರತೆಗೆ ಕಾರಣವಾಗಬಹುದು. ಕಬ್ಬಿಣದ ಕೊರತೆಗಾಗಿ ಸ್ಕ್ರೀನಿಂಗ್ ಪರೀಕ್ಷೆಗಳು ಸಂಪೂರ್ಣ ರಕ್ತದ ಎಣಿಕೆ (ಸಿಬಿಸಿ) ಅನ್ನು ಒಳಗೊಂಡಿರುತ್ತವೆ. ಸೀರಮ್ ಫೆರಿಟಿನ್ ಮತ್ತು ಟ್ರಾನ್ಸ್‌ಫ್ರಿನ್ ಸ್ಯಾಚುರೇಶನ್‌ನಂತಹ ಹೆಚ್ಚುವರಿ ಪರೀಕ್ಷೆಗಳು ದೇಹದಲ್ಲಿ ಕಬ್ಬಿಣದ ಮಟ್ಟಗಳ ಬಗ್ಗೆ ಹೆಚ್ಚು ನಿರ್ದಿಷ್ಟ ಮಾಹಿತಿಯನ್ನು ಒದಗಿಸುತ್ತವೆ.

ಕಬ್ಬಿಣದ ಕೊರತೆಯನ್ನು ಸುಧಾರಿಸುವುದು ಹೇಗೆ?:

ದೇಹದಲ್ಲಿ ಪೋಷಕಾಂಶಗಳ ಮಟ್ಟವನ್ನು ಸುಧಾರಿಸುವಲ್ಲಿ ಆಹಾರವು ನಿರ್ಣಾಯಕ ಪಾತ್ರವನ್ನು ವಹಿಸುತ್ತದೆ. ನಾವು ‘ಆರೋಗ್ಯಕರ ಆಹಾರ’ ಎಂದು ಹೇಳಿದಾಗ ಅದು ಪ್ರೋಟೀನ್ ಅಥವಾ ನಾರಿನ ಬಗ್ಗೆ ಮಾತ್ರವಲ್ಲ, ಅಗತ್ಯವಿರುವ ಕಬ್ಬಿಣ, ಜೀವಸತ್ವಗಳು, ಸತು, ಮೆಗ್ನೀಸಿಯಮ್ ಇತ್ಯಾದಿ ಎಲ್ಲಾ ಪೋಷಕಾಂಶಗಳ ಸಮತೋಲನವನ್ನು ಹೊಂದಿರುವುದು ಎಂದರ್ಥ. ಆದ್ದರಿಂದ, ದೇಹದಲ್ಲಿ ಕಬ್ಬಿಣದ ಅಂಶವನ್ನು ಸುಧಾರಿಸಲು ಇದು ಒಂದು ಮಾರ್ಗವಾಗಿದೆ.

ಕಬ್ಬಿಣದ ಅಂಶದ ಕೊರತೆಯನ್ನು ನೀಗಿಸಲು ದೈನಂದಿನ ಆಹಾರ ಯೋಜನೆಗಳಲ್ಲಿ ಈ ಕೆಳಗಿನ ಆಹಾರಗಳನ್ನು ಸೇರಿಸಿಕೊಳ್ಳಿ…

ತರಕಾರಿಗಳು:

ನಿಮ್ಮ ಆಹಾರದಲ್ಲಿ ಹೆಚ್ಚಿನ ತರಕಾರಿಗಳನ್ನು ಸೇರಿಸಿ. ಇದು ಬೇಯಿಸಿದ ಊಟ ಅಥವಾ ಸಲಾಡ್‌ಗಳ ರೂಪದಲ್ಲಿರಬಹುದು. ಪಾಲಕ್, ಆಲೂಗಡ್ಡೆ, ಎಲೆಗಳ ತರಕಾರಿಗಳು, ಮೊಗ್ಗುಗಳು ಇತ್ಯಾದಿಗಳನ್ನು ಸೇರಿಸಿಕೊಳ್ಳಿ.

ಇದನ್ನೂ ಓದಿ: ನಿಮ್ಮ ಮಗುವಿಗೆ ಜ್ಞಾಪಕಶಕ್ತಿ ಕೊರತೆಯಿದೆಯೇ?; ಕಬ್ಬಿಣಾಂಶ ಕಡಿಮೆ ಇರಬಹುದು ಎಚ್ಚರ!

ಹಣ್ಣುಗಳು:

ನಿಮ್ಮ ಆಹಾರದಲ್ಲಿ ಹಣ್ಣುಗಳ ಸೇವನೆಯನ್ನು ಹೆಚ್ಚಿಸಿ.

ದ್ವಿದಳ ಧಾನ್ಯಗಳು:

ಎಲ್ ಬೀನ್ಸ್, ಮಸೂರ, ಸೋಯಾಬೀನ್, ಕಡಲೆ ಇತ್ಯಾದಿಗಳು ಕಬ್ಬಿಣದ ಉತ್ತಮ ಮೂಲಗಳಾಗಿವೆ. ಇದು ಮೆಗ್ನೀಸಿಯಮ್, ಫೋಲೇಟ್ ಮತ್ತು ಪೊಟ್ಯಾಸಿಯಮ್ ಅನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ತ್ವರಿತವಾಗಿ ಶಕ್ತಿ ಮತ್ತು ಕಬ್ಬಿಣವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಕುಂಬಳಕಾಯಿ ಬೀಜಗಳು:

ಕುಂಬಳಕಾಯಿ ಬೀಜಗಳು ಕಬ್ಬಿಣದಿಂದ ತುಂಬಿರುವ ಆರೋಗ್ಯಕರ ಲಘು ಆಯ್ಕೆಗಳಾಗಿವೆ. ಇದು ಸತು ಮತ್ತು ಇತರ ಪೋಷಕಾಂಶಗಳನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಮತ್ತು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ