PCOS In Adolescents: ಹದಿಹರೆಯದವರಲ್ಲಿ ಪಿಸಿಓಎಸ್ನ ಆರಂಭಿಕ ಚಿಹ್ನೆಗಳು ಹೀಗಿರುತ್ತದೆ
ಹಿರ್ಸುಟಿಸಮ್ ಅಥವಾ ಮುಖ ಮತ್ತು ದೇಹದ ಮೇಲೆ ಅತಿಯಾಗಿ ಕೂದಲು ಬೆಳೆಯುವುದು, ಹದಿಹರೆಯದವರಲ್ಲಿ ಮತ್ತೊಂದು ವಿಶಿಷ್ಟವಾದ ಪಿಸಿಓಎಸ್ ಲಕ್ಷಣವಾಗಿದೆ. ಇದು ಮಾನಸಿಕ ಯಾತನೆ ಮತ್ತು ಸಾಕಷ್ಟು ಮುಜುಗರ ಉಂಟುಮಾಡಬಹುದು. ಪಿಸಿಓಎಸ್ ಹೊಂದಿರುವ ಹದಿಹರೆಯದವರ ಉತ್ತಮ ಮಾನಸಿಕ ಆರೋಗ್ಯಕ್ಕಾಗಿ, ಈ ಸಮಸ್ಯೆಗಳನ್ನು ತಕ್ಷಣವೇ ಪರಿಹರಿಸುವುದು ಮುಖ್ಯವಾಗಿದೆ.
Updated on: Sep 26, 2023 | 10:33 AM
ಪಾಲಿಸಿಸ್ಟಿಕ್ ಓವೆರಿಯನ್ ಸಿಂಡ್ರೋಮ್ (PCOS) ಒಂದು ಹದಿಹರೆಯದ ಯುವತಿಯರಲ್ಲಿ ಸಾಮಾನ್ಯವಾಗಿ ಕಂಡುಬರುವ ರೋಗ ಲಕ್ಷಣವಾಗಿದ್ದು, ಪ್ರಪಂಚದಾದ್ಯಂತ ಲಕ್ಷಾಂತರ ಮಹಿಳೆಯರು ಈ ಸಂಕೀರ್ಣ ಹಾರ್ಮೋನ್ ಅಸ್ವಸ್ಥತೆಯಿಂದ ಬಳಲುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಇತ್ತೀಚಿನ ವರ್ಷಗಳಲ್ಲಿ ಪಿಸಿಓಎಸ್ ಹದಿಹರೆಯದವರ ಮೇಲೆ ಪರಿಣಾಮ ಬೀರುತ್ತಿದೆ. ಜಡ ಜೀವನಶೈಲಿಯಿಂದಾಗಿ, ದೈಹಿಕ ಚಟುವಟಿಕೆಯು ಕಡಿಮೆ ಇರುತ್ತದೆ, ಸರಿಯಾದ ಊಟ ಮತ್ತು ಸಮಯಕ್ಕೆ ನಿದ್ರೆ ಮಾಡದಿರುವುದು ಪ್ರಾರಂಭಿಕ ಲಕ್ಷಣವಾಗಿದೆ. ಇದು ಅವರ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರಬಹುದು. ಅನಿಯಮಿತ ಅವಧಿಗಳನ್ನು ಎದುರಿಸುತ್ತಿರುವ ಯಾವುದೇ ಹದಿಹರೆಯದವರು ಪಿಸಿಓಎಸ್ನ ಸಮಸ್ಯೆಯಿಂದ ಹೊರಬರಲು ಸ್ತ್ರೀರೋಗತಜ್ಞರ ಸಹಾಯವನ್ನು ಪಡೆಯಬೇಕು.
ಆರಂಭಿಕ ಲಕ್ಷಣಗಳು:
- ಅನಿಯಮಿತ ಅವಧಿಗಳು
- ಮೊಡವೆ ಮತ್ತು ತೂಕ ಹೆಚ್ಚಾಗುವುದು (ಬೊಜ್ಜು)
- ಮುಖ ಮತ್ತು ದೇಹದ ಮೇಲೆ ಅತಿಯಾದ ಕೂದಲು ಬೆಳವಣಿಗೆ (ಹಿರ್ಸುಟಿಸಮ್)
ಅನಿಯಮಿತ ಅವಧಿಗಳು:
ಅನಿಯಮಿತ ಮುಟ್ಟಿನ ಚಕ್ರಗಳು ಹದಿಹರೆಯದವರಲ್ಲಿ ಸಾಮಾನ್ಯವಾಗಿದೆ ಮತ್ತು ಸಾಮಾನ್ಯವಾಗಿ ಋತುಚಕ್ರದ 3 ವರ್ಷಗಳಲ್ಲಿ ಸ್ಥಿರವಾಗಿರುತ್ತದೆ. ಪಿಸಿಓಎಸ್ ಹೊಂದಿರುವ ಹದಿಹರೆಯದವರು ಸಾಮಾನ್ಯವಾಗಿ ಅನಿಯಮಿತ ಅವಧಿಗಳನ್ನು ಅನುಭವಿಸುತ್ತಾರೆ. ಜೊತೆಗೆ ನೋವು ಮತ್ತು ಭಾರೀ ರಕ್ತಸ್ರಾವವನ್ನು ಉಂಟುಮಾಡುತ್ತದೆ. ಇದು ಅವರ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರಬಹುದು. ನೀವು ಕೂಡ ಅನಿಯಮಿತ ಅವಧಿಗಳನ್ನು ಎದುರಿಸುತ್ತಿದ್ದರೆ ಹತ್ತಿರದ ಸ್ತ್ರೀರೋಗತಜ್ಞರ ಸಹಾಯವನ್ನು ಪಡೆಯುವುದು ಅತ್ಯಂತ ಅಗತ್ಯ.
ಮೊಡವೆ ಮತ್ತು ತೂಕ ಹೆಚ್ಚಾಗುವುದು (ಬೊಜ್ಜು):
ಯುವ ವಯಸ್ಕರಲ್ಲಿ ಜಡ ಜೀವನಶೈಲಿ ಮತ್ತು ಕಡಿಮೆ ದೈಹಿಕ ಚಟುವಟಿಕೆಯು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಿದೆ, ವಿಶೇಷವಾಗಿ ಪಿಸಿಓಎಸ್ ಹೊಂದಿರುವವರಿಗೆ ಮೊಡವೆ ಮತ್ತು ತೂಕ ಹೆಚ್ಚಾಗಬಹುದು. ಚರ್ಮದ ಆರೋಗ್ಯ ಕಾಪಾಡುವುದು, ಒತ್ತಡ ನಿರ್ವಹಣೆ ಜೊತೆಗೆ ಸಮತೋಲಿತ ಆಹಾರ ಮತ್ತು ನಿಯಮಿತ ವ್ಯಾಯಾಮವು ತೂಕ ನಿರ್ವಹಣೆಯಲ್ಲಿ ಸಹಾಯ ಮಾಡುತ್ತದೆ.
ಇದನ್ನೂ ಓದಿ: ಅತಿಸಾರವನ್ನು ತಡೆಯುವ ಸುಲಭ ವಿಧಾನಗಳು ಇಲ್ಲಿವೆ
ಮುಖ ಮತ್ತು ದೇಹದ ಮೇಲೆ ಅತಿಯಾದ ಕೂದಲು ಬೆಳವಣಿಗೆ (ಹಿರ್ಸುಟಿಸಮ್):
ಹಿರ್ಸುಟಿಸಮ್, ಅಥವಾ ಮುಖ ಮತ್ತು ದೇಹದ ಮೇಲೆ ಅತಿಯಾಗಿ ಕೂದಲು ಬೆಳೆಯುವುದು, ಹದಿಹರೆಯದವರಲ್ಲಿ ಮತ್ತೊಂದು ವಿಶಿಷ್ಟವಾದ ಪಿಸಿಓಎಸ್ ಲಕ್ಷಣವಾಗಿದೆ. ಇದು ಮಾನಸಿಕ ಯಾತನೆ ಮತ್ತು ಸಾಕಷ್ಟು ಮುಜುಗರ ಉಂಟುಮಾಡಬಹುದು. ಪಿಸಿಓಎಸ್ ಹೊಂದಿರುವ ಹದಿಹರೆಯದವರ ಉತ್ತಮ ಮಾನಸಿಕ ಆರೋಗ್ಯಕ್ಕಾಗಿ, ಈ ಸಮಸ್ಯೆಗಳನ್ನು ತಕ್ಷಣವೇ ಪರಿಹರಿಸುವುದು ಮುಖ್ಯವಾಗಿದೆ. ಸ್ತ್ರೀರೋಗತಜ್ಞರು ಹಿರ್ಸುಟಿಸಮ್ಗೆ ಪರಿಣಾಮಕಾರಿಯಾಗಿ ಚಿಕಿತ್ಸೆ ನೀಡಲು ಆಂಟಿ-ಆಂಡ್ರೋಜೆನ್ಗಳಂತಹ ಔಷಧಿಗಳನ್ನು ತೆಗೆದುಕೊಳ್ಳಲು ಸೂಚಿಸುತ್ತಾರೆ.
ಹದಿಹರೆಯದವರಲ್ಲಿ ಪಿಸಿಓಎಸ್ ಅನ್ನು ನಿರ್ವಹಿಸಲು ಬಲವಾದ ಬೆಂಬಲದ ಅಗತ್ಯವಿದೆ. ಇದು ವೈದ್ಯಕೀಯ ಆರೈಕೆಯನ್ನು ಮಾತ್ರವಲ್ಲದೆ ಶೈಕ್ಷಣಿಕ ಮತ್ತು ಭಾವನಾತ್ಮಕ ಬೆಂಬಲವನ್ನು ಒಳಗೊಂಡಿರುತ್ತದೆ. ಪಿಸಿಓಎಸ್ ಹೊಂದಿರುವ ಹದಿಹರೆಯದವರಿಗೆ ಪೋಷಕರ ಬೆಂಬಲ ಅಗತ್ಯವಿರುತ್ತದೆ, ಇಲ್ಲದಿದ್ದರೆ ಅವರು ಮಾನಸಿಕವಾಗಿ ಖನ್ನತೆಗೆ ಒಳಗಾಗುವ ಸಾಧ್ಯತೆ ಹೆಚ್ಚಿದೆ.
ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
