Teething in Babies: ಮಗುವಿಗೆ ಹಲ್ಲು ಬರುವಾಗ ಈ ಲಕ್ಷಣಗಳು ಕಂಡುಬರುತ್ತೆ

ಮಗು (Toddler) ಹುಟ್ಟಿದ ನಂತರ ಒಂದೊಂದೇ ರೀತಿಯಲ್ಲಿ ದೈಹಿಕ ಬದಲಾವಣೆಗಳಾಗುವುದು ಬಹಳ ಸಹಜವಾದ ಪ್ರಕ್ರಿಯೆ. ಅದರಲ್ಲೂ ಮಗುವಿಗೆ ಐದು ತಿಂಗಳುಗಳ ನಂತರ ಕೆಲವರಲ್ಲಿ ಆರು ತಿಂಗಳ ಬಳಿಕ ಹಲ್ಲು (Tooth) ಮೂಡುವುದಕ್ಕೆ ಆರಂಭವಾಗುತ್ತದೆ. ಇದು ಮಕ್ಕಳಲ್ಲಿ ಮೂಡುವ ಮೊದಲ ಹಲ್ಲುಗಳು. ಅಂದರೆ ಇವುಗಳನ್ನು ನಾವು ಹಾಲು ಹಲ್ಲುಗಳು (baby teeth) ಎಂದು ಕರೆಯುತ್ತೇವೆ. ಈ ಸಮಯದಲ್ಲಿ ಪೋಷಕರು ಬಹಳ ಎಚ್ಚರಿಕೆಯಿಂದ ಇರಬೇಕಾಗುತ್ತದೆ ಏಕೆಂದರೆ ಇಂತಹ ಸಂದರ್ಭಗಳಲ್ಲಿ ಮಕ್ಕಳ ಒಸಡುಗಳಲ್ಲಿ ನೋವು (Pain in the gums), ಕಿರಿಕಿರಿ ಕಂಡು ಬರುವುದರಿಂದ ಮಕ್ಕಳು ಹಠ ಮಾಡುವುದಕ್ಕೆ ಪ್ರಾಂಭಿಸುತ್ತಾರೆ. ಹಾಗಾಗಿ ಮಕ್ಕಳಿಗೆ ಹಲ್ಲು ಬರುವಾಗ ಯಾವ ರೀತಿಯ ಲಕ್ಷಣಗಳು ಕಂಡುಬರುತ್ತದೆ? ಆಗ ನೀವು ಯಾವ ರೀತಿಯ ಸಲಹೆಗಳನ್ನು ಅನುಸರಿಸಬೇಕು ಎಂಬುದನ್ನು ನೀವು ತಿಳಿದುಕೊಂಡಿರಬೇಕಾಗುತ್ತದೆ. ಈ ವಿಷಯದ ಕುರಿತು ಮತ್ತಷ್ಟು ಮಾಹಿತಿ ಇಲ್ಲಿದೆ.

ಹಲ್ಲು ಬರಬೇಕಾದರೆ ಮಗು ಏನೆಲ್ಲಾ ಮಾಡುತ್ತದೆ ಎಂಬುದರ ಬಗ್ಗೆ RK Gallary ಎಂಬ ಇನ್ಸ್ಟಾ ಖಾತೆಯಲ್ಲಿ ಕೆಲವು ಮಾಹಿತಿಗಳನ್ನು ಹಂಚಿಕೊಳ್ಳಲಾಗಿದ್ದು ಅಲ್ಲಿ ತಿಳಿಸಿರುವ ಕೆಲವು ಮಾಹಿತಿ ಇಲ್ಲಿದೆ.

• ಸಾಮಾನ್ಯವಾಗಿ ಮಗುವಿಗೆ ಹಲ್ಲು ಬರುವ ಸಮಯದಲ್ಲಿ ಮಗು ಬಾಯಲ್ಲಿ ಜೊಲ್ಲು ಸುರಿಸಲು ಆರಂಭ ಮಾಡುತ್ತದೆ.
• ಕೈಯಲ್ಲಿ ಯಾವುದೇ ರೀತಿಯ ವಸ್ತು ಸಿಕ್ಕರೂ ಅದನ್ನು ತೆಗೆದುಕೊಂಡು ಬಾಯಲ್ಲಿ ಇಟ್ಟುಕೊಂಡು ಕಡಿಯುತ್ತದೆ ಅಥವಾ ಜಗಿಯುತ್ತದೆ, ಬಟ್ಟೆಯನ್ನು ಬಾಯಿಯಲ್ಲಿ ಹಾಕಿ ತುರುಕಲು ಆರಂಭ ಮಾಡುತ್ತದೆ.
• ಬಾಯಿಯಲ್ಲಿ ಕಂಡು ಬರುವ ನೋವನ್ನು ತಡೆಯುವುದಕ್ಕೆ ಈ ರೀತಿ ಮಾಡುತ್ತದೆ. ಇಂತಹ ಸಮಯದಲ್ಲಿ ಮಗು ಕಾರಣಗಳಿಲ್ಲದೆ ಅಳುವುದು, ಸಿಟ್ಟು ಮಾಡಿಕೊಳ್ಳಲು ಆರಂಭ ಮಾಡುತ್ತದೆ.
• ಹಲ್ಲು ಬರುವಾಗ ಕೆಲವು ಶಿಶುಗಳಲ್ಲಿ ಒಸಡುಗಳು ಊದಿಕೊಳ್ಳುತ್ತದೆ ಕೆಲವು ಮಕ್ಕಳಲ್ಲಿ ಬಾಯಿ ಕೆಂಪಗಾಗುತ್ತದೆ. ಈ ರೀತಿಯಾದಾಗ ಮಕ್ಕಳು ನೋವಿನಿಂದ ಯಾವುದೇ ರೀತಿಯ ಆಹಾರವನ್ನಾಗಲಿ ಅಥವಾ ಹಾಲು ಕುಡಿಯುವುದಕ್ಕೆ ಆಸಕ್ತಿ ತೋರಿಸುವುದಿಲ್ಲ.
• ಮಕ್ಕಳಿಗೆ ಹಲ್ಲು ಬರುವ ಸಮಯದಲ್ಲಿ ಜ್ವರ ಬರುತ್ತದೆ ಅಥವಾ ಕೆಲವರಿಗೆ ವಾಂತಿಯಾಗಿ, ದೇಹದ ತುಂಬಾ ಅಲರ್ಜಿಯಾಗುತ್ತದೆ ಈ ರೀತಿಯಾದಾಗ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.

ಆದರೆ ಈ ಲಕ್ಷಣಗಳು ಪ್ರತಿ ಮಕ್ಕಳಿಗೂ ಭಿನ್ನವಾಗಿರಬಹುದು. ಒಬ್ಬರಿಗೆ ಕಂಡು ಬಂದ ಲಕ್ಷಣಗಳು ಮತ್ತೊಂದು ಮಗುವಿನಲ್ಲಿಯೂ ಕಂಡು ಬರುವುದಿಲ್ಲ. ಹಾಗಾಗಿ ನಿಮ್ಮ ಮಕ್ಕಳಿಗೆ ಯಾವ ರೀತಿ ಲಕ್ಷಣ ಕಂಡು ಬರುತ್ತದೆ ಎಂಬುದನ್ನು ಗಮನಿಸಿ ಅದಕ್ಕೆ ಪರಿಹಾರ ಕಂಡುಕೊಳ್ಳಿ.

ಇದನ್ನೂ ಓದಿ: Natural sleep remedies: ರಾತ್ರಿ ಬಾಳೆಹಣ್ಣು ತಿಂದರೆ ನಿದ್ದೆ ಚೆನ್ನಾಗಿ ಬರುತ್ತದೆ ಎಂಬುದು ನಿಜವೇ?

ಬಾಯಿಯ ಊತ ಕಡಿಮೆ ಮಾಡಲು ಇಲ್ಲಿವೆ ನೈಸರ್ಗಿಕ ಪರಿಹಾರ:

1. ಶುಂಠಿಯಲ್ಲಿ ಉರಿಯೂತ ಶಮನಕಾರಿ ಗುಣವಿದೆ ಎಂಬುದು ತಿಳಿದಿರುವ ವಿಚಾರ. ಈ ಅಂಶ ಮಗುವಿನ ಹಲ್ಲುಗಳಲ್ಲಿ ಕಂಡು ಬರುವಂತಹ ನೋವನ್ನು ಕಡಿಮೆ ಮಾಡಲು ಸಹಕಾರಿ. ಹಾಗಾಗಿ ಒಂದು ತುಂಡು ಶುಂಠಿಯ ಸಿಪ್ಪೆ ತೆಗೆದು ಅದನ್ನು ಮಗುವಿನ ಒಸಡಿಗೆ 2- 3 ನಿಮಿಷಗಳ ಕಾಲ ಮಸಾಜ್ ಮಾಡಿ. ಇದರಿಂದ ಮಕ್ಕಳ ಒಸಡುಗಳಲ್ಲಿ ಕಂಡು ಬರುವ ಊತ ಕಡಿಮೆಯಾಗುತ್ತದೆ.
2. ಇನ್ನು ಮಗು ಪ್ರತಿಯೊಂದು ವಸ್ತುವನ್ನು ಕಡಿಯಲು ಪ್ರಾರಂಭಿಸಿದಾಗ ಅದಕ್ಕೆ ಮರದಿಂದ ಮಾಡಿದಂತಹ ಸಣ್ಣ ಚಮಚ ಅಥವಾ ಆಟಿಕೆ ನೀಡಿ ಇದು ಒಸಡುಗಳಿಗೆ ನೈಸರ್ಗಿಕ ಒತ್ತಡ ಹಾಕುವುದಕ್ಕೆ ಸಹಾಯ ಮಾಡುತ್ತದೆ. ಆದರೆ ಪ್ಲಾಸ್ಟಿಕ್ ಆಟಿಕೆಗಳನ್ನು ತಪ್ಪಿಯೂ ನೀಡಬೇಡಿ.

ಸೂಚನೆ: ಸಲಹೆ ಸೇರಿದಂತೆ ಈ ವಿಷಯವು ಸಾಮಾನ್ಯ ಮಾಹಿತಿಯನ್ನು ಮಾತ್ರ ಒದಗಿಸುತ್ತದೆ. ಇದು ಯಾವುದೇ ರೀತಿಯಲ್ಲಿ ಅರ್ಹ ವೈದ್ಯಕೀಯ ಸಲಹೆಗೆ ಪರ್ಯಾಯವಲ್ಲ. ಹೆಚ್ಚಿನ ಮಾಹಿತಿಗಾಗಿ ಯಾವಾಗಲೂ ತಜ್ಞರನ್ನು ಅಥವಾ ನಿಮ್ಮ ವೈದ್ಯರನ್ನು ಸಂಪರ್ಕಿಸುವುದನ್ನು ಮರೆಯಬೇಡಿ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ