ವಿರಳವಾಗಿ ಕಾಡುತ್ತಿರುವ ಮಂಕಿಪಾಕ್ಸ್ ಕೊರೊನಾದಂತೆ ಮಾರಕವೇ? ಈ ಸೋಂಕಿಗೆ ಕಾರಣ, ಲಕ್ಷಣ ಮತ್ತು ಚಿಕಿತ್ಸೆಯನ್ನು ತಿಳಿಯೋಣ

ಮಂಕಿಪಾಕ್ಸ್ ಎಂಬುದು (Monkeypox) ಸಿಡುಬು ಕುಟುಂಬಕ್ಕೆ ಸೇರಿದ ಅಪರೂಪದ ವೈರಲ್ ಪಾಕ್ಸ್ ತರಹದ ಸೋಂಕು ಕಾಯಿಲೆಯಾಗಿದೆ, ಆದರೆ ಇದು ಸೌಮ್ಯವಾಗಿರುತ್ತದೆ. ಇದು ಉಸಿರಾಟದಿಂದ ಹೊರಸೂಸುವ ಹನಿಗಳು, ದೇಹದಿಂದ ಸ್ರವಿಸುವ ದ್ರವಗಳ ಸ್ಪರ್ಶ ಅಥವಾ ಸೋಂಕಿತ ಪ್ರಾಣಿ ಅಥವಾ ಪ್ರಾಣಿ ಉತ್ಪನ್ನಗಳೊಂದಿಗೆ ಸಂಪರ್ಕವಾದಾಗ ಹರಡಬಹುದು. ಇಂತಹ ರೋಗ ಲಕ್ಷಣವನ್ನು ಮಂಕಿಪಾಕ್ಸ್ ಎಂದು ಕರೆಯಲಾಗುತ್ತದೆ. ಏಕೆಂದರೆ ಇದನ್ನು ಮೊದಲು ಪ್ರಯೋಗಾಲಯದ ಮಂಗಗಳಲ್ಲಿ (laboratory monkeys) ಗುರುತಿಸಲಾಗಿದೆ. ಮಂಕಿಪಾಕ್ಸ್ ಹೆಚ್ಚಾಗಿ ಮಧ್ಯ ಮತ್ತು ಪಶ್ಚಿಮ ಆಫ್ರಿಕಾದಲ್ಲಿ ಕಂಡುಬರುತ್ತದೆ.

1970 ರಲ್ಲಿ ಡೆಮಾಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೋದಲ್ಲಿ ಮಂಕಿಪಾಕ್ಸ್​​ ಮೊದಲ ಬಾರಿಗೆ ಮನುಷ್ಯನಲ್ಲಿ ಪ್ರಕರಣ ಪತ್ತೆಯಾಯಿತು. ಅಮೆರಿಕದಲ್ಲಿ ಮೊದಲ ಬಾರಿಗೆ 2003 ರಲ್ಲಿ ಮನುಷ್ಯರಲ್ಲಿ ದೊಡ್ಡದಾಗಿ, ಏಕಾಏಕಿ ಕಾಣಿಸಿಕೊಂಡಿತು. ಆಮದು ಮಾಡಿಕೊಂಡ ಆಫ್ರಿಕಾದ ಇಲಿಗಳಿಂದ ಸಾಕು ನಾಯಿಗಳಲ್ಲಿ ಈ ವೈರಸ್ ಹರಡಿತ್ತು ಎಂಬುದು ಕುತೂಹಲಕರ ಸಂಗತಿ.

1. ಮಂಕಿಪಾಕ್ಸ್‌ನ ರೋಗ ಲಕ್ಷಣಗಳು ಮತ್ತು ಚಿಕಿತ್ಸೆ: ಮಂಕಿಪಾಕ್ಸ್ ರೋಗಲಕ್ಷಣಗಳು ಸಾಮಾನ್ಯವಾಗಿ ಫ್ಲೂ ತರಹದ ಅನಾರೋಗ್ಯ ಲಕ್ಷಣವಾಗಿದೆ. ಇದು ದುಗ್ಧರಸ ಗ್ರಂಥಿಗಳ ಊತದಿಂದ ಪ್ರಾರಂಭವಾಗುತ್ತವೆ. ನಂತರ ಮುಖ ಮತ್ತು ದೇಹದ ಮೇಲೆ ವ್ಯಾಪಿಸುತ್ತೆ. ಬಹುತೇಕ ಪ್ರಕರಣಗಳಲ್ಲಿ ಈ ಸೋಂಕುಗಳು 2-4 ವಾರಗಳವರೆಗೆ ಇರುತ್ತದೆ. ಮಂಕಿಪಾಕ್ಸ್ ಸೋಂಕಿಗೆ ಯಾವುದೇ ನಿರ್ದಿಷ್ಟ ಚಿಕಿತ್ಸೆ ಕಂಡುಹಿಡಿದಿಲ್ಲ. ಆದಾಗ್ಯೂ, ಮಂಕಿಪಾಕ್ಸ್ ಮತ್ತು ಸಿಡುಬು ವಿರುದ್ಧ ಅಮೆರಿಕದಲ್ಲಿ ಒಂದು ಲಸಿಕೆಗೆ ಪರವಾನಗಿ ನೀಡಲಾಗಿದೆ.
2. ಮಂಕಿಪಾಕ್ಸ್ ಹೇಗೆ ಹರಡುತ್ತದೆ? ಇಲಿಗಳು, ಹೆಗ್ಗಣಗಳು ಮತ್ತು ಮೊಲಗಳಂತಹ ಪ್ರಾಣಿಗಳಲ್ಲಿ ಸಾಮಾನ್ಯವಾಗಿ ಮಂಕಿಪಾಕ್ಸ್ ಕಂಡುಬರುತ್ತದೆ. ಪ್ರಾಣಿಗಳು ಕಚ್ಚಿದಾಗ ಅಥವಾ ಪರಚಿದಾಗ ಅಥವಾ ಸೋಂಕಿತ ಪ್ರಾಣಿ ಅಥವಾ ಪ್ರಾಣಿ ಉತ್ಪನ್ನಗಳೊಂದಿಗೆ ಸಂಪರ್ಕಕ್ಕೆ ಬಂದಾಗ ಸಹ ಮಂಕಿಪಾಕ್ಸ್ ಸೋಂಕು ಬರುತ್ತದೆ.
3. ಮಂಕಿಪಾಕ್ಸ್ ವೈರಸ್ ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುತ್ತದೆ. ದೇಹದಿಂದ ಸ್ರವಿಸುವ ದ್ರವಗಳು, ದೈಹಿಕ ಗಾಯಗಳು ಅಥವಾ ದೈಹಿಕ ದ್ರವಗಳಿಂದ ಸೋಂಕಿತ ಯಾವುದಾದರೂ ಗಾಯಗಳ ಮೂಲಕ ರವಾನೆಯಾಗಬಹುದು. ಆದರೂ ಇದು ಭಾರೀ ಉಸಿರಾಟದ ಹನಿಗಳ ಮೂಲಕ ಸಾಮಾನ್ಯವಾಗಿ ಕೆಲವೇ ಅಡಿಗಳಷ್ಟು ಪ್ರಯಾಣಿಸಿ, ಹರಡುತ್ತದೆ. ಹೆಚ್ಚಾಗಿ ಈ ವೈರಸ್ ಹರಡಲು ನಿರಂತರ ಮುಖಾಮುಖಿ ಸಂಪರ್ಕವಿದ್ದರೆ ಮಾತ್ರ ಸಾಧ್ಯವಾಗುತ್ತದೆ ಎನ್ನುತ್ತಾರೆ ತಜ್ಞರು.
4. ಮಂಕಿಪಾಕ್ಸ್ ಕೊರೊನಾದಂತೆ ಮಾರಕವೇ? ಮಂಕಿಪಾಕ್ಸ್ ಸೋಂಕು ಕೊರೊನಾ ವೈರಸ್ ಅಥವಾ ಇನ್ಫ್ಲುಯೆನ್ಜಾ ದಂತೆ ಹರಡುವುದಿಲ್ಲ ಎಂಬ ಅಭಯವನ್ನ ನೀಡುತ್ತಾರೆ ತಜ್ಞರು. ಈ ಮಂಕಿಪಾಕ್ಸ್‌ ಸೋಂಕು 100 ಜನರಲ್ಲಿ ಒಬ್ಬರಿಗೆ ಮಾರಣಾಂತಿಕವಾಗಿದೆ. ಆದರೆ ದುರ್ಬಲಗೊಂಡ ಪ್ರತಿರಕ್ಷಣಾ ವ್ಯವಸ್ಥೆ ಹೊಂದಿರುವವರಲ್ಲಿ ಮರಣ ಪ್ರಮಾಣವು ಹೆಚ್ಚಾಗಿರುತ್ತದೆ. (ಮೂಲ: Reuters Health)

With cases of monkeypox inexplicably on the rise outside of Africa – where the viral disease is endemic – public health officials are using contact tracing, isolation and targeted vaccination to curb its spread. https://t.co/qULvjLgFlf

— Reuters Health (@Reuters_Health) May 25, 2022