Ola Cars: ಓಲಾ ಕಾರ್ಸ್​, ಇಲ್ಲಿ ಕಡಿಮೆ ಬೆಲೆಗೆ ಕಾರುಗಳು ಸಿಗಲಿದೆ

ಭಾರತೀಯ ದ್ವಿಚಕ್ರ ವಾಹನ ಕ್ಷೇತ್ರದಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್ (Ola Electric Scooter) ಮೂಲಕ ಸಂಚಲನ ಸೃಷ್ಟಿಸಿರುವ ಓಲಾ ಕಂಪೆನಿ ಶೀಘ್ರದಲ್ಲೇ ಹೊಸ ವ್ಯವಹಾರ ಆರಂಭಿಸಲಿದೆ ಎಂದು ವರದಿಯಾಗಿದೆ. ಈ ವರದಿಯಂತೆ ಓಲಾ ಕಂಪೆನಿಯು ಓಲಾ ಕಾರ್ಸ್ (Ola Cars) ಹೆಸರಿನಲ್ಲಿ ಹಳೆಯ ಕಾರುಗಳ ಮಾರಾಟಕ್ಕೆ ಮುಂದಾಗಲಿದೆ. ಅಂದರೆ ಯೂಸ್ಡ್​ ಕಾರುಗಳ ಮಾರಾಟ ಕ್ಷೇತ್ರಕ್ಕೂ ಕಾಲಿಡಲು ಓಲಾ ಕಂಪೆನಿ ಯೋಜನೆ ರೂಪಿಸುತ್ತಿದ್ದು, ಅದರಂತೆ ಓಲಾ ಕಾರ್ಸ್ ಹೆಸರಿನ ವೆಬ್​ಸೈಟ್​ ಮೂಲಕ ಕಡಿಮೆ ಬೆಲೆಗೆ ಗ್ರಾಹಕರಿಗೆ ಕಾರುಗಳನ್ನು ಮಾರಾಟ ಮಾಡಲಿದೆ.

ಈ ಆ್ಯಪ್​ನಲ್ಲಿ ಓಲಾ ತನ್ನ ಒಡೆತನದಲ್ಲಿರುವ ಕಾರುಗಳ ಜೊತೆಗೆ ಇತರೆ ಮಾಲೀಕರ ಕಾರುಗಳ ಮಾರಾಟಕ್ಕೂ ವೇದಿಕೆ ರೂಪಿಸಲಿದೆ. ಅದರಂತೆ ಕಾರು ಮಾಲೀಕರು ಓಲಾ ಕಾರ್ಸ್ ವೈಬ್​ಸೈಟ್ ಮೂಲಕ ತಮ್ಮ ವಾಹನಗಳನ್ನು ಮಾರಾಟ ಮಾಡಬಹುದು. ಇನ್ನು ಇತರೆ ಮಾಲೀಕರ ಕಾರುಗಳ ಮೌಲ್ಯಮಾಪನಕ್ಕಾಗಿ ಪ್ರತಿ ನಗರಗಳಲ್ಲಿ ವಿಶೇಷ ತಂಡವನ್ನು ರೂಪಿಸಲಿದೆ. ಈ ತಂಡವು ವಾಹನದ ಗುಣಮಟ್ಟವನ್ನು ಪರೀಕ್ಷಿಸಿದ ಕಾರುಗಳ ಖರೀದಿಗೆ ಓಲಾ ಗ್ಯಾರೆಂಟಿ ನೀಡಲಿದೆ.

ಭಾರತದ ಸೆಕೆಂಡ್ ಹ್ಯಾಂಡ್ ಕಾರು ಮಾರುಕಟ್ಟೆಯಲ್ಲಿ ಈಗಾಗಲೇ ಕಾರ್​ದೇಖೋ, ಕಾರ್ಸ್ 24, ಡ್ರೂಮ್, ಸ್ಪಿನ್ನಿ ಮತ್ತು ಕಾರ್​ಡ್ರೇಡ್​ ನಂತಹ ಹಲವಾರು ಸ್ಟಾರ್ಟಪ್ ಗಳು ಇತ್ತೀಚಿನ ವರ್ಷಗಳಲ್ಲಿ ವ್ಯಾಪಾರವನ್ನು ಪ್ರವೇಶಿಸಿವೆ. ಇದೀಗ ಈ ಕ್ಷೇತ್ರಕ್ಕೂ ಓಲಾ ಕಾಲಿಡಲು ಮುಂದಾಗಿದ್ದು, ಹೀಗಾಗಿ ಬಳಸಿದ ಕಾರುಗಳ ಮಾರಾಟದಲ್ಲಿ ಪೈಪೋಟಿಗಿಳಿಯಲಿದೆ.

ಇನ್ನು ಓಲಾ ಕಾರ್ಸ್​ಗಾಗಿ ಕಂಪೆನಿಯು ಹೊಸ ಆ್ಯಪ್​ನ್ನು ಕೂಡ ಪರಿಚಯಿಸುವ ಸಾಧ್ಯತೆಯಿದ್ದು, ಆ ಮೂಲಕ ಬಳಕೆದಾರರಿಗೆ ಬೇಕಾದ ವಿವಿಧ ಕಾರುಗಳ ಸಂಪೂರ್ಣ ಮಾಹಿತಿ ನೀಡಲಿದೆ. ಈಗಾಗಲೇ ಓಲಾ ಸ್ಕೂಟರ್​ನ ಎರಡು ಮಾಡೆಲ್​ಗಳು ಬಿಡುಗಡೆ ಆಗಿದ್ದು, ಹೊಸ ಎಲೆಕ್ಟ್ರಿಕ್ ಸ್ಕೂಟರ್​ ಖರೀದಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಹೀಗಾಗಿ ಓಲಾ ಸೆಕೆಂಡ್ ಹ್ಯಾಂಡ್ ಕಾರ್ಸ್ ಆರಂಭವಾದರೂ, ವಾಹನ ಪ್ರಿಯರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುವ ನಿರೀಕ್ಷೆಯಿದೆ.

ಇದನ್ನೂ ಓದಿ: India vs England 2nd Test: ಅಂದು ದಾದಾ, ಇಂದು ಕೊಹ್ಲಿ: ಲಾರ್ಡ್ಸ್​ ಬಾಲ್ಕನಿಯಲ್ಲಿ ಕ್ಯಾಪ್ಟನ್ ಡ್ಯಾನ್ಸ್​

ಇದನ್ನೂ ಓದಿ: Health Tips: ಹಲವು ಅನಾರೋಗ್ಯ ಸಮಸ್ಯೆಗಳಿಗೆ ಪಪ್ಪಾಯಿ ಎಲೆಗಳೇ ಔಷಧಿ

ಇದನ್ನೂ ಓದಿ: ಇವರ ಬ್ಯಾಟಿಂಗ್ ಮುಂದೆ, ಗೇಲ್-ಎಬಿಡಿ-ಸೆಹ್ವಾಗ್ ಏನೂ ಅಲ್ಲ: ವಿಶ್ವದ ಅತೀ ವೇಗದ ಶತಕದ ಸರದಾರ

ಇದನ್ನೂ ಓದಿ: Kl Rahul: ಪೂಜಾರ, ರಹಾನೆ ಕಳಪೆ ಫಾರ್ಮ್​ ಬಗ್ಗೆ ಕೆಎಲ್ ರಾಹುಲ್ ಹೇಳಿದ್ದೇನು?

(After electric scooter, Ola wants to sell used cars online)