Indigo: ವೀಕೆಂಡ್ಗೆ ವಿಶೇಷ ಆಫರ್ ಘೋಷಿಸಿದ ಇಂಡಿಗೋ; ಕೇವಲ 1,122 ರೂ.ಗೆ ವಿಮಾನದಲ್ಲಿ ಪ್ರಯಾಣಿಸಿ!
ಡಿಸೆಂಬರ್ 31ರವರೆಗೆ ಜಾರಿಯಲ್ಲಿರುವ ಈ ಟಿಕೆಟ್ ಮಾರಾಟದ ಆಫರ್ 1,122 ರೂ.ನಿಂದ ಪ್ರಾರಂಭವಾಗಲಿದೆ. ಕೇವಲ 1,122 ರೂ.ನಲ್ಲಿ ವಿಮಾನದಲ್ಲಿ ಪ್ರಯಾಣಿಸುವ ದೇಶೀಯ ವಿಮಾನಗಳ ಟಿಕೆಟ್ ಬೆಲೆಯ ಪ್ರಯೋಜನವನ್ನು ನೀವೂ ಪಡೆಯಬಹುದು.
Updated on: Dec 28, 2021 | 6:39 PM
ನವದೆಹಲಿ: ಇನ್ನೇನು ಕಣ್ಣು ಮುಚ್ಚಿ ತೆರೆಯುವಷ್ಟರಲ್ಲಿ 2021 ಮುಗಿದೇ ಬಿಡುತ್ತದೆ. ಈ ಇಯರ್ ಎಂಡ್ಗೆ ನೀವು ಎಲ್ಲಾದರೂ ಟ್ರಿಪ್ ಹೋಗಲು ಪ್ಲಾನ್ ಮಾಡಿದ್ದೀರಾ? ವಿಮಾನದಲ್ಲಿ ಪ್ರಯಾಣ ಮಾಡಬೇಕೆಂದು ಕನಸು ಕಾಣುತ್ತಿದ್ದೀರಾ? ನಿಮಗಾಗಿ ಇಂಡಿಗೋ ವಿಮಾನ ಹೊಸ ಆಫರ್ ಅನ್ನು ಘೋಷಿಸಿದೆ. ಇಂಡಿಗೋ ವಿಮಾನ ಟ್ವಿಟ್ಟರ್ನಲ್ಲಿ ಹೊಸ ಆಫರ್ ಘೋಷಿಸಿದ್ದು, ಆ ಲಿಂಕ್ ಓಪನ್ ಮಾಡುವ ಮೂಲಕ ಟಿಕೆಟ್ ಬುಕ್ ಮಾಡಬಹುದು. ಡಿಸೆಂಬರ್ 31ರವರೆಗೆ ಜಾರಿಯಲ್ಲಿರುವ ಈ ಟಿಕೆಟ್ ಮಾರಾಟದ ಆಫರ್ 1,122 ರೂ.ನಿಂದ ಪ್ರಾರಂಭವಾಗಲಿದೆ. ಕೇವಲ 1,122 ರೂ.ನಲ್ಲಿ ವಿಮಾನದಲ್ಲಿ ಪ್ರಯಾಣಿಸುವ ದೇಶೀಯ ವಿಮಾನಗಳ ಟಿಕೆಟ್ ಬೆಲೆಯ ಪ್ರಯೋಜನವನ್ನು ನೀವೂ ಪಡೆಯಬಹುದು.
ಈ ಟಿಕೆಟ್ ಮಾರಾಟವು 2022ರ ಜನವರಿ 15ರಿಂದ ಏಪ್ರಿಲ್ 15, 2022ರವರೆಗಿನ ಪ್ರಯಾಣದ ಮೇಲೆ ಮಾನ್ಯವಾಗಿರುತ್ತದೆ ಮತ್ತು ನಿರ್ಗಮನಕ್ಕೆ 3 ದಿನಗಳ ಮೊದಲು ಬದಲಾಯಿಸಿದರೆ ಪ್ರಯಾಣಿಕರು ಈ ಕೊಡುಗೆಯ ಅಡಿಯಲ್ಲಿ ಒಂದು ಉಚಿತ ಬದಲಾವಣೆಯನ್ನು ಪಡೆಯಬಹುದು.
ಇಂಡಿಗೋ ತನ್ನ ಅಧಿಕೃತ ಟ್ವಿಟರ್ ಹ್ಯಾಂಡಲ್ನಿಂದ ಟ್ವೀಟ್ ಮಾಡುವ ಮೂಲಕ ಈ ಕೊಡುಗೆಯ ಬಗ್ಗೆ ವಿವರವಾದ ಮಾಹಿತಿಯನ್ನು ನೀಡಿದೆ. ಟಿಕೆಟ್ ಬುಕ್ ಮಾಡಲು ಇಂಡಿಗೋ ವೆಬ್ಸೈಟ್ಗೆ (Indigo Website) ಭೇಟಿ ನೀಡುವ ಮೂಲಕ ವಿವರವಾದ ಮಾಹಿತಿಯನ್ನು ಪಡೆಯಬಹುದು. ಹಾಗೇ, ಪ್ರಯಾಣಿಕರು ಇಂಡಿಗೋ ವಿಮಾನಗಳ ವಿಮಾನಯಾನದ ಅಧಿಕೃತ ವೆಬ್ಸೈಟ್ https://www.goindigo.in/ ಗೆ ಭೇಟಿ ನೀಡುವ ಮೂಲಕ ಟಿಕೆಟ್ಗಳನ್ನು ಬುಕ್ ಮಾಡಬಹುದು.
Get packing because we’re waiting for you to travel. Book now https://t.co/atUHfS3qSo. Comment below with your favourite destination of 2021 ✈️#aviation #travel #LetsIndiGo #booknow #vacation #favourite #destination pic.twitter.com/7HsQfvSeX6
— IndiGo (@IndiGo6E) December 27, 2021
ಕೊವಿಡ್ನಿಂದ ಜನರು ವಿಮಾನಗಳಲ್ಲಿ ಪ್ರಯಾಣಿಸಲು ಹಿಂದೇಟು ಹಾಕುತ್ತಿದ್ದಾರೆ. ಹೀಗಾಗಿ, ಪ್ರಯಾಣಿಕರನ್ನು ಆಕರ್ಷಿಸಲು ವಿಮಾನಯಾನ ಸಂಸ್ಥೆಗಳು ವಿಭಿನ್ನ ಕೊಡುಗೆಗಳನ್ನು ನೀಡುತ್ತಿವೆ. ಸ್ಪೈಸ್ಜೆಟ್ ‘ವಾವ್ ವಿಂಟರ್ ಸೇಲ್’ ಅನ್ನು ಜಾರಿಗೆ ತಂದಿದ್ದು, ಇದರ ಅಡಿಯಲ್ಲಿ ಪ್ರಯಾಣಿಕರು 1,122 ರೂ.ಗೆ ವಿಮಾನದಲ್ಲಿ ಪ್ರಯಾಣಿಸುವ ಅವಕಾಶವನ್ನು ನೀಡಿತ್ತು. ಪೂರ್ತಿಯಾಗಿ ಎರಡೂ ಡೋಸ್ ಕೊವಿಡ್ ಲಸಿಕೆ ಹಾಕಿಕೊಂಡವರಿಗೆ ಮಾತ್ರ ವಿಮಾನದಲ್ಲಿ ಪ್ರಯಾಣಿಸಲು ಅವಕಾಶ ನೀಡಲಾಗುವುದು. ಅದರ ಬೆನ್ನಲ್ಲೇ ಇಂಡಿಗೋ ಕೂಡ ಇಯರ್ ಎಂಡ್ ಆಫರ್ ಘೋಷಿಸಿದೆ.
ಈ ಬಗ್ಗೆ ಮಾಹಿತಿ ನೀಡಿರುವ ಇಂಡಿಗೋದ ಮುಖ್ಯ ಕಾರ್ಯತಂತ್ರ ಮತ್ತು ಕಂದಾಯ ಅಧಿಕಾರಿ ಸಂಜಯ್ ಕುಮಾರ್, ನಮ್ಮ ವರ್ಷಾಂತ್ಯದ ಮಾರಾಟವನ್ನು ಡಿಸೆಂಬರ್ 31, 2021ರವರೆಗೆ ಘೋಷಿಸಲು ನಮಗೆ ತುಂಬಾ ಸಂತೋಷವಾಗಿದೆ. ಇದು 6E ನೆಟ್ವರ್ಕ್ನಲ್ಲಿ 150+ ದೇಶೀಯ ವಿಮಾನಗಳಿಗೆ ಅನ್ವಯಿಸುತ್ತದೆ. ಜನರು ಮುಂದಿನ ವರ್ಷಕ್ಕೆ ತಮ್ಮ ಪ್ರಯಾಣವನ್ನು ಪ್ಲಾನ್ ಮಾಡಲು ಈ ಆಫರ್ ಅನ್ನು ಬಳಸಿಕೊಳ್ಳಬಹುದು. ವಿಮಾನದ ದರಗಳು ರೂ 1,122ರಿಂದ ಪ್ರಾರಂಭವಾಗುತ್ತವೆ ಎಂದಿದ್ದಾರೆ.
ಇದನ್ನೂ ಓದಿ: Indigo Offers | ಇಂಡಿಗೋ ಪ್ರಯಾಣಿಕರಿಗೆ ಭರ್ಜರಿ ಆಫರ್; ಕೇವಲ 915 ರೂ.ಗೆ ವಿಮಾನದ ಟಿಕೆಟ್!
