ಈ ಬಾರಿಯ IPL​ನಲ್ಲಿ ಈ ಪಾಂಡವರು ಎದುರಾಳಿಗೆ ನಡುಕ ಹುಟ್ಟಿಸಲಿದ್ದಾರೆ!

ಈ ಬಾರಿಯ ಐಪಿಎಲ್ ಸೀಸನ್​ನಲ್ಲಿ ಈ ಐವರು ಡೇಂಜರಸ್ ಬ್ಯಾಟ್ಸ್​ಮನ್​​ಗಳು ಎದುರಾಳಿಗಳಿಗೆ ನಡುಕ ಹುಟ್ಟಿಸಿದ್ದಾರೆ.

ಌಂಡ್ರೋ ರಸ್ಸೆಲ್ ಐಪಿಎಲ್​ ಡೇಂಜರಸ್ ಬ್ಯಾಟ್ಸ್​ಮನ್​ಗಳ ಪಟ್ಟಿಯಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡದ ಆಲ್​ರೌಂಡರ್ ಌಂಡ್ರ್ಯೂ ರಸ್ಸೆಲ್​ಗೆ ಅಗ್ರಸ್ಥಾನ. ರಸ್ಸೆಲ್ ಮಸಲ್ ಪವರ್​ಗೆ, ಬ್ರೇಕ್ ಹಾಕಲು ಯಾವ ತಂಡದ ಬೌಲರ್​ಗಳಿಂದಲೂ ಸಾಧ್ಯವಿಲ್ಲ.

ಕ್ರಿಸ್ ಗೇಲ್ ಯುನಿವರ್ಸಲ್ ಬಾಸ್ ಕ್ರಿಸ್ ಗೇಲ್ ಆರ್ಭಟ ಹೇಗಿರುತ್ತೆ ಅನ್ನೋದು ನಿಮಗೆ ಗೊತ್ತೇ ಇದೆ. ಐಪಿಎಲ್​ನಲ್ಲಿ 326ಸಿಕ್ಸ್ ಬಾರಿಸಿರೋ ಗೇಲ್ ಬಿರುಗಾಳಿ ಎಬ್ಬಿಸಿದ್ರೆ, ಎಲ್ಲಾ ಬೌಲರ್​ಗಳು ಬೆಚ್ಚಿಬೀಳ್ತಾರೆ.

ರೋಹಿತ್ ಶರ್ಮಾ ಹಿಟ್​ಮ್ಯಾನ್ ರೋಹಿತ್ ಶರ್ಮಾ ಕ್ರೀಸ್​ನಲ್ಲಿದ್ದಷ್ಟು ಹೊತ್ತು ತಂಡದ ಸ್ಕೋರ್ ಹೆಚ್ಚುತ್ತಲೇ ಇರುತ್ತೆ. ಕಳೆದ ಸೀಸನ್​ನಲ್ಲಿ 405ರನ್ ಗಳಿಸಿದ್ದ ರೋಹಿತ್, ಈ ಬಾರಿಯೂ ಪವರ್ ಫುಲ್ ಬ್ಯಾಟಿಂಗ್ ನಡೆಸೋ ಸೂಚನೆ ನೀಡಿದ್ದಾರೆ.

ಎಬಿ ಡಿವಿಲಿಯರ್ಸ್ ಮಿಸ್ಟರ್ 360ಎಬಿ ಡಿವಿಲಿಯರ್ಸ್, ರೌದ್ರಾವತಾರ ತಾಳಿದ್ರೆ ಸಿಕ್ಸರ್​ಗಳ ಸುರಿಮಳೆ ಸುರಿಯೋದು ಪಕ್ಕಾ. ಈ ಬಾರಿ ಆರ್​ಸಿಬಿ ಪರ ಕಪ್ ಗೆಲ್ಲೋದಕ್ಕಾಗಿ ಎಬಿಡಿ ಪರಾಕ್ರಮ ತೋರಿಸದೇ ಇರೋದಿಲ್ಲ.

ಹಾರ್ದಿಕ್ ಪಾಂಡ್ಯಾ ಹಾರ್ದಿಕ್ ಪಾಂಡ್ಯಾ ಮುಂಬೈ ಇಂಡಿಯನ್ಸ್ ತಂಡದ ಬಿಗ್ ಹಿಟ್ಟರ್. ಇನ್ನೇನು ತಂಡ ಸೋಲುತ್ತೆ ಅನ್ನೋ ಸಮಯದಲ್ಲಿ ಕಣಕ್ಕಿಳಿಯೋ ಪಾಂಡ್ಯಾ, ಸ್ಫೋಟಕ ಬ್ಯಾಟಿಂಗ್​ನಿಂದ ರನ್ ಮಳೆಯನ್ನ ಹರಿಸಿ ಪಂದ್ಯದ ದಿಕ್ಕಿ ಬದಲಿಸ್ತಾರೆ.

ಹೀಗೆ ಈ ಬಾರಿಯ ಕಲರ್​ಫುಲ್ ಟೂರ್ನಿಯಲ್ಲಿ ಅಬ್ಬರಿಸಿ ಬೊಬ್ಬಿರಿಯೋಕೆ ರೆಡಿಯಾಗ್ತೀರೋ ಈ ಐವರು ಆಟಗಾರರನ್ನ ಕಟ್ಟಿಹಾಕಲು, ಎದುರಾಳಿ ತಂಡಗಳು ರಣತಂತ್ರ ಹಣೆಯುತ್ತಿವೆ.