ಇಡೀ ಕರ್ನಾಟಕ 3 ವರ್ಷಗಳಲ್ಲಿ 746 ಹೆಕ್ಟೇರ್ ಅರಣ್ಯ ಪ್ರದೇಶ ಕಳೆದುಕೊಂಡಿದೆ! ಇಂಚಿಂಚೂ ವಿವರ ಇಲ್ಲಿದೆ

ಬೆಂಗಳೂರು: ಗಣಿಗಾರಿಕೆ ಮತ್ತು ಅಭಿವೃದ್ಧಿ ಯೋಜನೆಗಳಿಂದಾಗಿ (mining and developmental projects) ಹೆಚ್ಚಿನ ಅರಣ್ಯ ಭೂಮಿಯನ್ನು ವೇಗವಾಗಿ ಕಳೆದುಕೊಳ್ಳುತ್ತಿರುವ ಪ್ರಮುಖ ರಾಜ್ಯಗಳಲ್ಲಿ ಕರ್ನಾಟಕವೂ ಒಂದಾಗಿದೆ. ಉತ್ತರ ಕನ್ನಡ (Uttara Kannada) ಮತ್ತು ಬಳ್ಳಾರಿ (Ballari) ಹೆಚ್ಚು ಹಾನಿಗೊಳಗಾದ ಜಿಲ್ಲೆಗಳು ಎಂದು ಖುದ್ದು ಸರ್ಕಾರದ ಅಧಿಕೃತ ಡೇಟಾ ಹೇಳುತ್ತಿದೆ. ತೀರಾ ಇತ್ತೀಚಿನ ನಿದರ್ಶನವೆಂದರೆ ಹುಬ್ಬಳ್ಳಿ-ಅಂಕೋಲಾ ರೈಲು (Hubballi-Ankola rail), ವಿಶೇಷವಾಗಿ ತಜ್ಞರ ಸಮಿತಿಯ ಭೇಟಿಯ ನಂತರ 595.6 ಹೆಕ್ಟೇರ್ ಅರಣ್ಯ ಭೂಮಿಯನ್ನು ಉದ್ದೇಶಿತ ಯೋಜನೆಯ ತಿರುವಿಗಾಗಿ ಸಂರಕ್ಷಣಾವಾದಿಗಳು ವಿರೋಧಿಸುತ್ತಿರುವಾಗಲೂ ಹೊಸ ಘಟ್ಟ ತಲುಪಿದೆ.

ಪ್ರಗತಿ ಮತ್ತು ಅಭಿವೃದ್ಧಿಯ ಹೆಸರಿನಲ್ಲಿ ಕಾಡಿನ ನಾಶ:

ರಾಜ್ಯವು ಕೇವಲ ಮೂರು ವರ್ಷಗಳಲ್ಲಿ 746.1 ಹೆಕ್ಟೇರ್ ಅರಣ್ಯ ಭೂಮಿಯನ್ನು ಕಳೆದುಕೊಂಡಿದೆ. ಇದರಲ್ಲಿ ಕೊರೊನಾದಿಂದಾಗಿ ಕನಿಷ್ಠ ಅರಣ್ಯ ಚಟುವಟಿಕೆಯನ್ನು ಕಂಡ ಎರಡು ಸಾಂಕ್ರಾಮಿಕ ವರ್ಷಗಳೂ ಸೇರಿವೆ. ಅರಣ್ಯ ಇಲಾಖೆಯ ಅಂಕಿಅಂಶಗಳ ಪ್ರಕಾರ, ಬಳ್ಳಾರಿ ಮತ್ತು ಉತ್ತರ ಕನ್ನಡ ಜಿಲ್ಲೆಗಳು ಹೆಚ್ಚು ಅರಣ್ಯ ಪ್ರದೇಶಗಳನ್ನು ಕಳೆದುಕೊಂಡಿವೆ.

“ಎರಡೂ ಜಿಲ್ಲೆಗಳು ಅವುಗಳ ಭೌಗೋಳಿಕ ಪ್ರದೇಶ ಮತ್ತು ಅರಣ್ಯದ ಪ್ರಾಕಾರಗಳಲ್ಲಿ ವಿಶಿಷ್ಟವಾಗಿವೆ. ಪರಿಸರೀಯವಾಗಿ, ಕರ್ನಾಟಕದ ಅರಣ್ಯ ಸಂರಕ್ಷಣಾ ಕಾರ್ಯಕ್ರಮಗಳಿಗೆ ಜಿಲ್ಲೆಗಳು ಪ್ರಮುಖವಾಗಿವೆ. ದುಃಖಕರವೆಂದರೆ, ಸರ್ಕಾರವು ಕೆಲ ಯೋಜನೆಗಳಿಗಾಗಿ ಮತ್ತು ಇತರ ಅಭಿವೃದ್ಧಿ ಕಾಮಗಾರಿಗಳಿಗಾಗಿ ಹಲವಾರು ಅರಣ್ಯ ಪ್ರದೇಶಗಳನ್ನು ಕಳೆದುಕೊಳ್ಳುತ್ತಿದೆ. ಬಳ್ಳಾರಿಯಲ್ಲಿ ಹೆಚ್ಚಿನ ಅರಣ್ಯ ಭೂಪ್ರದೇಶವನ್ನು ಗಣಿಗಾರಿಕೆ ಮತ್ತು ವಿದ್ಯುತ್​​ಗಾಗಿ ಸಂಸ್ಥೆಗಳು ಸ್ವಾಧೀನಪಡಿಸಿಕೊಂಡಿವೆ’ ಎಂದು ಹಿರಿಯ ಅರಣ್ಯ ಅಧಿಕಾರಿಯೊಬ್ಬರು ತಿಳಿಸಿದರು.

ಭೂ ಯೋಜನೆಗಳಾದ ಉದ್ಯಾನವನಗಳು, ರೈಲು ಕಾರಿಡಾರ್ ವಿಸ್ತರಣೆ, ರಸ್ತೆ ಅಗಲೀಕರಣ ಮತ್ತು ರಕ್ಷಣಾ ಯೋಜನೆಗಳು ಪಶ್ಚಿಮ ಘಟ್ಟಗಳ (ಸಹ್ಯಾದ್ರಿ) ಉದ್ದಕ್ಕೂ ಉತ್ತರ ಕನ್ನಡದಲ್ಲಿ ಅರಣ್ಯ ಭೂಮಿಯನ್ನು ಕಬಳಿಸಿವೆ. ಅರಣ್ಯ ಇಲಾಖೆ ಅಧಿಕಾರಿಗಳ ಪ್ರಕಾರ ಈ 746 ಹೆಕ್ಟೇರ್ ಅರಣ್ಯ ಭೂಮಿಯಲ್ಲಿ ಒಟ್ಟಾರೆಯಾಗಿ 48 ಯೋಜನೆಗಳಿಗೆ ಅನುಮೋದನೆ ನೀಡಲಾಗಿದೆ.

ಅರಣ್ಯಗಳ (ವನ್ಯಜೀವಿ) ಮಾಜಿ ಪ್ರಧಾನ ಮುಖ್ಯ ಸಂರಕ್ಷಣಾಧಿಕಾರಿ ಬ್ರಜ್ ಕಿಶೋರ್ ಸಿಂಗ್ ಅವರು ರಾಜ್ಯದ ಅರಣ್ಯ ಪ್ರದೇಶವನ್ನು ತೋರಿಸುತ್ತಾ ಕರ್ನಾಟಕವು ಅರಣ್ಯ ಪ್ರದೇಶವನ್ನು ಹೆಚ್ಚಿಸಿಕೊಂಡಿದೆ ಎಂದು ಹೇಳುತ್ತಾರೆ. ಆದರೆ ವಾಸ್ತವದಲ್ಲಿ, ಅಧಿಸೂಚಿತ ಅರಣ್ಯ ಪ್ರದೇಶದ ವಿಸ್ತೀರ್ಣವು ಗಣನೀಯವಾಗಿ ಕುಗ್ಗಿದೆ. ಹಲವಾರು ಕೃಷಿ-ಅರಣ್ಯ ಪ್ರದೇಶಗಳನ್ನು ಅರಣ್ಯ ಪ್ರದೇಶಗಳಾಗಿ ಯೋಜಿಸಲಾಗಿದೆ. ಆಂಧ್ರಪ್ರದೇಶ, ತೆಲಂಗಾಣ ಮತ್ತು ಇತರ ಎರಡು ರಾಜ್ಯಗಳಲ್ಲಿಯೂ ಇದೇ ಆಗಿದೆ.

ಇತ್ತೀಚಿನ ವರ್ಷಗಳಲ್ಲಿ, ಕೆಲ ಚಟುವಟಿಕೆಗಳು ಕಳೆದ ವರ್ಷದಲ್ಲಿ ಮಾತ್ರ ಪುನರಾರಂಭಗೊಂಡಿವೆ. ಅಂಕೋಲಾ-ಹುಬ್ಬಳ್ಳಿ ರೈಲು ಮಾರ್ಗ ಯೋಜನೆಯಲ್ಲಿಯೇ ನಾವು ಸುಮಾರು 600 ಹೆಕ್ಟೇರ್‌ಗಳನ್ನು ಕಳೆದುಕೊಳ್ಳುತ್ತೇವೆ. ಇದು ಸರಿಸುಮಾರು 10 ಲಕ್ಷಕ್ಕೂ ಹೆಚ್ಚು ಮರಗಳನ್ನು ನಾಶಪಡಿಸುತ್ತದೆ ಎಂದು ಟೈಮ್ಸ್​ ಆಫ್​ ಇಂಡಿಯಾ ಆಂಗ್ಲ ದಿನಪತ್ರಿಕೆ ವರದಿ ಮಾಡಿದೆ.