ರಾಜ್ಯಸಭಾ ಸದಸ್ಯರಾಗಿ ಅವಧಿ ಮುಗಿದ ನಂತರ ಸಂಸತ್ ಬಗ್ಗೆ ಪುಸ್ತಕ ಬರೆಯುವೆ: ಸುಧಾ ಮೂರ್ತಿ

ಬೆಂಗಳೂರು, ಸೆಪ್ಟೆಂಬರ್.02: 1980 ರ ದಶಕದಲ್ಲಿ ನಾನು ಸಂಸತ್ತಿನ ಬಗ್ಗೆ ಶ್ಯಾಮ ಪ್ರಸಾದ್ ಮುಖರ್ಜಿ (Shyam Prasad Mukherji) ಅವರ ಪುಸ್ತಕವನ್ನು ಓದಿದ್ದೆ. ಭಾರತ ಮತ್ತು ಸಂಸತ್ತಿನ ವಿಚಾರದಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ. ಅದರ ಬಗ್ಗೆ ಬರೆಯುತ್ತೇನೆ. ನಾನು ಯಾವುದರಾ ಬಗ್ಗೆಯೂ ತಲೆಕೆಡಿಸಿಕೊಳ್ಳುವುದಿಲ್ಲ ಎಂದು ಸಂಸದೆ ಮತ್ತು ಲೇಖಕಿಯಾಗಿರುವ ಸುಧಾ ಮೂರ್ತಿ (Sudha Murthy) ಅವರು ತಿಳಿಸಿದರು.

“ಆದಾಗ್ಯೂ, ನಾನು ಪುಸ್ತಕವನ್ನು ಬರೆಯಲು ಪ್ರಯತ್ನಿಸುವ ಮೊದಲು ನಾನು ಮೊದಲು ರಾಜ್ಯಸಭಾ ಸದಸ್ಯನಾಗಿ ನನ್ನ ಅವಧಿಯನ್ನು ಪೂರ್ಣಗೊಳಿಸಬೇಕು” ಎಂದು ಸುಧಾ ಮೂರ್ತಿಯವರು ಭಾನುವಾರ ಖಾಸಗಿ ಸಂದರ್ಶದಲ್ಲಿ ಹೇಳಿದರು.

ಸುಧಾ ಮೂರ್ತಿ ತಮ್ಮ 300 ನೇ ಪುಸ್ತಕ – ಮತ್ತು 46 ನೇ ಪುಸ್ತಕ – ‘ಗ್ರ್ಯಾಂಡ್​​​ಪಾ ಬ್ಯಾಗ್ ಆಫ್ ಸ್ಟೋರೀಸ್’ ಬಿಡುಗಡೆಯ ಸಂಭ್ರಮಾಚರಣೆಯಲ್ಲಿ ಭಾಗವಹಿಸಿದ್ದರು. ಬೆಂಗಳೂರಿನ ಲಿಟ್ ಸ್ಪಿರಿಟ್ ಫೌಂಡೇಶನ್ ಈ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಈ ವೇಳೆ, ಪುಸ್ತಕದ ಸಹ ಲೇಖಕಿಯೂ ಆದ ನಟ ಟ್ವಿಂಕಲ್ ಖನ್ನಾ ಅವರೊಂದಿಗೆ ಸಂವಾದದಲ್ಲಿ ಭಾಗವಹಿಸಿದ್ದರು.

ಇದನ್ನೂ ಓದಿ: Sudha Murty: ಈ ರೀತಿ ಎಂದೂ ಆಗಿರಲಿಲ್ಲ; ರಕ್ಷಾ ಬಂಧನದ ಕುರಿತ ಪೋಸ್ಟ್​ ವಿವಾದಕ್ಕೆ ಸುಧಾ ಮೂರ್ತಿ ಬೇಸರ

ಯಾರಾದರೂ ಪ್ರಯಾಣಕ್ಕೆ ಹೋಗುತ್ತಿದ್ದಾಗ ಅಥವಾ ಮನೆಯಿಂದ ಹೊರಬಂದಾಗ ನನ್ನ ಅಜ್ಜ ಹೇಳುತ್ತಿದ್ದ ಶುಭಾಶಯಗಳು ಹಾಗೂ ಅಜ್ಜ ಪಠಿಸುತ್ತಿದ್ದ ‘ಶ್ಲೋಕಗಳು’ ಈ ಪುಸ್ತಕದಲ್ಲಿದೆ ಎಂದು ಸುಧಾ ಮೂರ್ತಿ ಹೇಳಿದರು.

ನನ್ನ ಪುಸ್ತಕದಲ್ಲಿ ನನ್ನ ಮೊಮ್ಮಕ್ಕಳ ಪಾತ್ರಗಳು ಇವೆ, ಆದರೆ ಅವು ಭಾರತದಲ್ಲಿ ನೆಲೆಗೊಂಡ ಪಾತ್ರಗಳಾಗಿವೆ. ನಾನು UK ನಲ್ಲಿ, 10 ರಿಂದ 15 ದಿನಗಳವರೆಗೆ ಮಾತ್ರ ಇರುತ್ತಿದ್ದೆ. ಕೆಲವು ಕಥೆಗಳಲ್ಲಿ ಸ್ಥಳಗಳ ಬಗ್ಗೆ ಬರೆಯಲು, ನಾವು ಆ ಸ್ಥಳವನ್ನು ಚೆನ್ನಾಗಿ ತಿಳಿದುಕೊಳ್ಳಬೇಕು. ಜನರೊಂದಿಗೆ ಸಂವಹನ ನಡೆಸಬೇಕು. ಆಗ ಮಾತ್ರ ಸಂಸ್ಕೃತಿಯ ಒಂದು ನೋಟವನ್ನು ಪಡೆಯಲಾಗುವುದು. ಮತ್ತು ಅದರ ಬಗ್ಗೆ ಆರಾಮವಾಗಿ ಬರೆಯಲಾಗುವುದು ಎಂದು ಅವರು ಹೇಳಿದರು.

ರಾಜ್ಯದ ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ

Published On - 12:10 pm, Mon, 2 September 24