14 ದಿನ ಅಲ್ಲ, 7 ದಿನ.. ವಿದೇಶದಿಂದ ಬರುವವರ ಕ್ವಾರಂಟೈನ್ ಅವಧಿ ಕಡಿತ

14 ದಿನ ಅಲ್ಲ, 7 ದಿನ.. ವಿದೇಶದಿಂದ ಬರುವವರ ಕ್ವಾರಂಟೈನ್ ಅವಧಿ ಕಡಿತ

ಬೆಂಗಳೂರು: ವಿದೇಶದಿಂದ ಬಂದವರಿಗೆ ತಮ್ಮ ಮನೆಗಳಿಗೆ ಹೋಗಲು ಬಿಡದೆ ಹೋಟೆಲ್​ಗಳಲ್ಲಿ ಕ್ವಾರಂಟೈನ್ ಮಾಡಲಾಗುತ್ತಿದೆ. ಆದರೆ ಅನೇಕ ವಿದೇಶಿಗಳು ಈ ವ್ಯವಸ್ಥೆಗೆ ಒಪ್ಪುತಿಲ್ಲ. ಕ್ವಾರಂಟೈನ್​ಗೆ ಹೋಗಲು ಆಸ್ತಿ ತೋರಿಸುತ್ತಿಲ್ಲ. ಅನೇಕ ಕಡೆ ಈ ಬಗ್ಗೆ ವಿದೇಶಿಗಳು ಹಾಗೂ ಅಧಿಕಾರಿಗಳ ನಡುವೆ ಮಾತಿನ ಚಕಮಕಿಗಳಾಗಿವೆ.

ಈ ಬೆನ್ನಲ್ಲೆ ವಿದೇಶದಿಂದ ಬರುವವರ ಕ್ವಾರಂಟೈನ್ ಅವಧಿಯನ್ನು ಕಡಿತ ಮಾಡಲಾಗಿದೆ. 14 ದಿನಗಳ ಬದಲಿಗೆ 7 ದಿನ ಮಾತ್ರ ಸಾಂಸ್ಥಿಕ ಕ್ವಾರಂಟೈನ್​ಗೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸೂಚಿಸಿದೆ.

7ದಿನ ಸಾಂಸ್ಥಿಕ ಕ್ವಾರಂಟೈನ್​ ಬಳಿಕ ಉಳಿದ 7ದಿನ ಹೋಂ ಕ್ವಾರಂಟೈನ್​ನಲ್ಲಿರ ಬೇಕು. ಹೋಟೆಲ್​ನಲ್ಲಿ 7 ದಿನ ಕ್ವಾರಂಟೈನ್ ಪೂರೈಸಿದ ಬಳಿಕ ಸೂಕ್ತ ಮಾರ್ಗದರ್ಶನ ಪಡೆದು ವೈದ್ಯರ ಸಲಹೆಯೊಂದಿಗೆ ಹೋಂ ಕ್ವಾರಂಟೈನ್​ಗೆ ಅವಕಾಶ ನೀಡಲಾಗಿದೆ. 14 ದಿನಗಳ ಹೋಟೆಲ್​ ಕ್ವಾರಂಟೈನ್​ಗಾಗಿ ಮುಂಗಡವಾಗಿ ಪಾವತಿಸಿದ ಹಣ ವಾಪಾಸ್ ನೀಡಲಾಗುವುದು ಎಂದು ಇಲಾಖೆ ತಿಳಿಸಿದೆ.

Click on your DTH Provider to Add TV9 Kannada