ಕ್ಯೂರಿಯಾಸಿಟಿ ಹೆಚ್ಚಿಸಿದ ನೂತನ ಚಿತ್ರ ‘ಆದಿಪುರುಷ್’ ಅವತಾರದಲ್ಲಿ ಬರ್ತಿದ್ದಾರೆ ಪ್ರಭಾಸ್, ರಾಮನಿಗೆ ಸೀತೆ ಯಾರು ಗೊತ್ತಾ?

ಬಾಹುಬಲಿ ಸಿನಿಮಾ ಮೂಲಕ ಪ್ರಭಾಸ್ ಮೋಡಿ ಮಾಡಿದ ನಂತರವಂತೂ ಅವರ ಎಲ್ಲಾ ಸಿನಿಮಾಗಳ ಅಪ್ ಡೇಟ್ಸ್ ಗಳಿಗಾಗಿ ದೊಡ್ಡ ಅಭಿಮಾನಿ ಬಳಗವೇ ಕಾದು ಕೂರುವಂತಹ ಕ್ಯೂರಿಯಾಸಿಟಿ ಸೃಷ್ಟಿಯಾಗಿದೆ. ಸದ್ಯ ಆದಿಪುರುಷ್ ಸಿನಿಮಾದಲ್ಲಿ ನಟಿಸ್ತಿರೋ ಪ್ರಭಾಸ್, ಸಿನಿಮಾಗಾಗಿ ಭರ್ಜರಿ ತಯಾರಿಯಲ್ಲಿ ತೊಡಗಿದ್ದಾರೆ. ಜನವರಿ ನಂತ್ರ ಆದಿಪುರುಷ್ ಸಿನಿಮಾದಲ್ಲಿ ರಾಮನ ಅವತಾರಕ್ಕೆ ಮೇಕಪ್ ಹಾಕೋಕೆ ರೆಡಿಯಾಗಿದ್ದಾರೆ ಎನ್ನಲಾಗ್ತಿದೆ.

ಒಂದು ಕಡೆ ಪ್ರಭಾಸ್ ರಾಮನಾಗೋದು ಜೊತೆಗೆ ಸೈಪ್ ಅಲಿಖಾನ್ ಲಂಕಾಧಿತಿ ರಾವಣನ ಅವತಾರ ತಾಳೋಕೆ ಕೂಡ ರೆಡಿಯಾಗ್ತಿದ್ದಾರೆ. ಇದೆಲ್ಲದರ ಜೊತೆಗೆ ಪ್ರಭಾಸ್ ಜೊತೆ ಸೊಂಟ ಬಳುಕಿಸೋ ನಟಿ ಯಾರು. ಈ ಭಾರಿ ರಾಮನಿಗೆ ಸೀತೆ ಆಗೋದ್ಯಾರು ಅನ್ನೋ ಲೆಕ್ಕಾಚಾರದಲ್ಲಿ ಹಲವು ನಟಿಯರ ಹೆಸರು ಕೇಳಿ ಬಂದಿವೆ. ಮೊದಮೊದಲು ಅನುಷ್ಕಾ ಶೆಟ್ಟಿ, ಅನುಷ್ಕಾ ಶರ್ಮಾ ಹೆಸರಿನ ಜೊತೆಗೆ ಕೀರ್ತಿ ಸುರೇಶ್ ಸ್ಕ್ರೀನ್ ಶೇರ್ ಮಾಡ್ತಾರೆ ಎನ್ನಲಾಗಿತ್ತು.

ರಾಮನಿಗೆ ಸೀತೆ ಆಗಿ ಕಮಾಲ್ ಮಾಡ್ತಾರಾ ಕೃತಿ ಸನೂನ್: ಆದ್ರೀಗ ಅದೆಲ್ಲದಕ್ಕೂ ಬ್ರೇಕ್ ಹಾಕಿರೋ ಚಿತ್ರತಂಡ ಸೀತೆ ಅವತಾರದಲ್ಲಿ ಕಾಣಿಸಿಕೊಳ್ಳೋದು ನಟಿ ಕೃತಿ ಸನೂನ್ ಅನ್ನೋ ಮಾಹಿತಿ ಹೊರ ಹಾಕಿದೆ. ಸದ್ಯ ಕೃತಿ ಕೂಡ ಒಂದೊಳ್ಳೆ ಅವಕಾಶ ಅಂದ್ಕೊಂಡು ಆದಿಪುರುಷ್‌ಗೆ ಗ್ರೀನ್ ಸಿಗ್ನಲ್‌ ನೀಡಿದ್ದಾರಂತೆ. ಓಂ ರಾವುತ್ ಆಕ್ಷನ್ ಕಟ್ ಹೇಳ್ತಿರೋ ಸಿನಿಮಾದಲ್ಲಿ ಕೃತಿ ಸನೂನ್ ಜನವರಿಯಲ್ಲಿ ಆದಿಪುರುಷ್ ಅಡ್ಡಕ್ಕೆ ಎಂಟ್ರಿ ಕೊಡಲಿದ್ದಾರಂತೆ.

ಒಟ್ಟಿನಲ್ಲಿ ಪ್ರಬಾಸ್ ಜೊತೆ ನಾಯಕಿಯಾಗೋದ್ಯಾರು ಅನ್ನೋದಕ್ಕೆ ಸದ್ಯ ಉತ್ತರ ಸಿಕ್ಕಿದ್ದು, ಮುಂದಿನ ದಿನಗಳಲ್ಲಿ ಇನ್ನು ಏನೆಲ್ಲಾ ವಿಶೇಷತೆಗಳಿಂದ ಸಿನಿಮಾ ಸೌಂಡ್ ಮಾಡುತ್ತೆ ಅನ್ನೋದನ್ನ ಕಾದು ನೋಡಬೇಕಿದೆ.

Published On - 6:55 am, Sun, 29 November 20