How to | ವಾಟ್ಸ್ಆ್ಯಪ್ ಸಂದೇಶ ಹೋಮ್ ಸ್ಕ್ರೀನ್ನಲ್ಲಿ ಪೂರ್ತಿಯಾಗಿ ಕಾಣಿಸದಂತೆ ಮಾಡುವುದು ಹೇಗೆ?
ವಾಟ್ಸ್ಆ್ಯಪ್ ಚಾಟ್ ಗೌಪ್ಯವಾಗಿಡುವಂತೆ ನಿಮಗೆ ಬರುವ ಸಂದೇಶಗಳು ಹೋಮ್ ಸ್ಕ್ರೀನ್ನಲ್ಲಿ ಪೂರ್ಣವಾಗಿ ತೆರೆದುಕೊಳ್ಳದಂತೆ ಕಾಪಾಡುವುದು ಗೌಪ್ಯತೆಯ ವಿಷಯವೇ ಆಗಿದೆ. ಸಂದೇಶಗಳಲ್ಲಿನ ಒಕ್ಕಣೆ ಹೋಮ್ ಸ್ಕ್ರೀನ್ನಲ್ಲಿ ಕಾಣಿಸಿಕೊಳ್ಳದಂತೆ ಏನು ಮಾಡಬೇಕು ಎಂಬ ಮಾಹಿತಿ ಇಲ್ಲಿದೆ.
Updated on:Feb 05, 2021 | 9:51 PM
ವಾಟ್ಸ್ಆ್ಯಪ್ನಲ್ಲಿ ನೀವು ಚಾಟ್ ಮಾಡುತ್ತಿರುವುದನ್ನು ಬೇರೆ ಯಾರಾದರೂ ನೋಡಿದರೆ ಕಿರಿಕಿರಿಯಾಗುತ್ತದೆ. ಇದು ಗೌಪ್ಯತೆಯ ವಿಷಯ. ಚಾಟ್ ಮಾಡುವ ವ್ಯಕ್ತಿ ಯಾರೇ ಆಗಿರಲಿ ಅಥವಾ ಯಾವುದೇ ವಿಷಯ ಆಗಿರಲಿ ಅದನ್ನು ಇನ್ನೊಬ್ಬರು ಓದುವುದು ಅಥವಾ ನೋಡುವುದು ಒಳ್ಳೆಯ ಸ್ವಭಾವ ಅಲ್ಲ. ಸಾಮಾನ್ಯವಾಗಿ ವಾಟ್ಸ್ಆ್ಯಪ್ ಸಂದೇಶದ preview ಮೊಬೈಲ್ ಹೋಮ್ ಸ್ಕ್ರೀನ್ನಲ್ಲಿ ಕಾಣಿಸಿಕೊಳ್ಳುತ್ತದೆ. ಈ ರೀತಿ ಕಾಣಿಸಿಕೊಳ್ಳುವ ಸಂದೇಶಗಳು ಕೆಲವೊಮ್ಮೆ ಕುಟುಂಬ ಅಥವಾ ಸ್ನೇಹಿತರ ಕಣ್ಣಿಗೆ ಬಿದ್ದು ಮುಜುಗರ ಅಥವಾ ತಮಾಷೆಯ ವಸ್ತುವಾಗಿ ಬಿಡುತ್ತವೆ. ಈ ರೀತಿ ಸಂದೇಶಗಳು ಹೋಮ್ ಸ್ಕ್ರೀನ್ನಲ್ಲಿ ಕಾಣಿಸದಂತೆ ತಡೆಯಲು ಏನು ಮಾಡಬೇಕು ಎಂಬುದನ್ನು ನೋಡೋಣ.
ಅಂಡ್ರಾಯ್ಡ್ ಫೋನ್ಗಳಲ್ಲಿ ಸೆಟ್ಟಿಂಗ್ಸ್ ಬದಲಿಸಲು ಹೀಗೆ ಮಾಡಿ 1. ವಾಟ್ಸ್ಆ್ಯಪ್ ತೆರೆದು ಬಲ ಭಾಗದಲ್ಲಿ ಮೇಲೆ ಇರುವ ಮೂರು ಚುಕ್ಕಿ ಕ್ಲಿಕ್ ಮಾಡಿ ಸೆಟ್ಟಿಂಗ್ಸ್ ಆಯ್ಕೆ ಮಾಡಿ. 2. ಅಕೌಂಟ್ ಆಪ್ಶನ್ನಲ್ಲಿ ಪ್ರೈವೆಸಿ ಕ್ಲಿಕ್ ಮಾಡಿ 3. ಕೆಳಗಡೆ Fingerprint lock ಎಂದಿರುತ್ತದೆ. ಅದನ್ನು ಕ್ಲಿಕ್ ಮಾಡಿ unlock with finger print ಎನೇಬಲ್ ಮಾಡಿ. 4. ಇಲ್ಲಿ ಎಷ್ಟು ಅವಧಿಯಲ್ಲಿ ಲಾಕ್ ಆಗಬೇಕು ಎಂಬ ಆಯ್ಕೆಯ ಕೆಳಗಡೆ Show content in notification ಎಂಬ ಆಪ್ಶನ್ ಇರುತ್ತದೆ. ಇದನ್ನು ಡಿಸೇಬಲ್ ಮಾಡಿ.
ಈ ರೀತಿ ಮಾಡಿದರೆ ವಾಟ್ಸ್ಆ್ಯಪ್ನಲ್ಲಿ ನಿಮಗೆ ಎಷ್ಟು ಸಂದೇಶ ಬಂದಿದೆ ಎಂಬುದು ಮಾತ್ರ ಹೋಮ್ ಸ್ಕ್ರೀನ್ನಲ್ಲಿ ಕಾಣಿಸಿಕೊಳ್ಳುತ್ತದೆಯೇ ಹೊರತು ಸಂದೇಶದಲ್ಲಿರುವ ವಿಷಯ ಕಾಣಿಸಿಕೊಳ್ಳುವುದಿಲ್ಲ. ಸಂದೇಶವನ್ನು ಪೂರ್ತಿ ಓದಬೇಕಾದರೆ ವಾಟ್ಸ್ಆ್ಯಪ್ ಚಾಟ್ ವಿಂಡೊದಲ್ಲಿಯೇ ನೋಡಬೇಕು.
How to | ಇನ್ಸ್ಟಾಗ್ರಾಮ್ ಖಾತೆ ಹ್ಯಾಕ್ ಆಗದಂತೆ ಕಾಪಾಡುವುದು ಹೇಗೆ?
Published On - 8:03 pm, Mon, 4 January 21
