ಪಾಕಿಸ್ತಾನದ ಈ ‘ಪಿತಾಮಹಾನ್’ ರವಿವಾರದಂದು ತನ್ನ 60ನೇ ಮಗುವಿಗೆ ತಂದೆಯಾಗಿದ್ದಾನೆ!
‘ಅಲ್ಲಯ್ಯ ಪ್ರಭೃತಿ ಅಷ್ಟೆಲ್ಲ ಮಕ್ಕಳನ್ನು ಹುಟ್ಟಿಸಿದ್ದಿಯಾ ಅವರೆಲ್ಲರ ಹೆಸರು ನಿಂಗೆ ನೆನಪಿರುತ್ತಾ,’ ಅಂತ ಕೇಳಿದರೆ ‘ಯಾಕಿಲ್ಲ?’ ಅನ್ನುತ್ತಾ ಅಷ್ಟೂ ಜನರ ಹೆಸರು ಹೇಳುತ್ತಾನೆ!
Updated on:Jan 05, 2023 | 4:49 PM
ಕ್ವೆಟ್ಟಾ (ಪಾಕಿಸ್ತಾನ): ನೆರೆರಾಷ್ಟ್ರದ ಈ ವ್ಯಕ್ತಿ ನಮ್ಮ ದೇಶದಲ್ಲೇನಾದರೂ ಹುಟ್ಟಿದ್ದರೆ ಅವನನ್ನು ‘ಪಿತಾಮಹಾನ್’ ಅಥವಾ ‘ಮಹಾನ್ ಪಿತ’ ಅಂತ ಕರೆಯಬಹುದಿತ್ತು. ಯಾಕೆ ಗೊತ್ತಾ? ಮೊನ್ನೆ ರವಿವಾರದಂದು ಅವನು 60ನೇ ಮಗುವಿಗೆ ತಂದೆಯಾಗಿದ್ದಾನೆ! ಅಂದಹಾಗೆ ಈ ಮಹಾನ್ ಪುರುಷ ಬಲೂಚಿಸ್ತಾನದ (Baluchistan) ರಾಜಧಾನಿ ಕ್ವೆಟ್ಟಾದಲ್ಲಿ (Quetta) ವಾಸವಾಗಿದ್ದಾನೆ. ತನ್ನ 60 ಮಕ್ಕಳಲ್ಲಿ 5 ಜನ ಮರಣಿಸಿದ್ದಾರೆ ಮತ್ತು ಉಳಿದ 55 ಮಕ್ಕಳು ಜೀವಂತವಾಗಿದ್ದಾರೆ ಮತ್ತು ಆರೋಗ್ಯದಿಂದ್ದಾರೆ ಅಂತ ಬಿಬಿಸಿಗೆ ನೀಡಿರುವ ಸಂದರ್ಶನದಲ್ಲಿ ಅವನು ಹೇಳಿದ್ದಾನೆ. ಅಂದಹಾಗೆ, ಈ ಮಹಾನುಭಾವನ ಹೆಸರು ಸರ್ದಾರ್ ಜಾನ್ ಮೊಹಮ್ಮದ್ ಖಾನ್ ಖಿಲ್ಜಿ (Sardar Jan Mohammad Khan Khilji).
ಐದು ಡಜನ್ ಮಕ್ಕಳಾಗಿದ್ದರೂ ಅವನು ಮಕ್ಕಳ ಸೃಷ್ಟಿ ಕಾರ್ಯಕ್ಕೆ ಅರ್ಧವಿರಾಮ, ಪೂರ್ಣವಿರಾಮವೇನೂ ಹಾಕಲ್ವಂತೆ! ದೇವರ ಚಿತ್ತವಾದರೆ ಇನ್ನೂ ಕೆಲವು ಮಕ್ಕಳನ್ನು ಹುಟ್ಟಿಸಲು ರೆಡಿಯಾಗಿರುವುದಾಗಿ ಹೇಳಿದ್ದಾನೆ. ಮಕ್ಕಳನ್ನು ಹುಟ್ಟಿಸುವ ಕೆಲಸ ಜಾರಿಯಲ್ಲಿಡಲು ಖಾನ್ ಖಿಲ್ಜಿ ನಾಲ್ಕನೇ ಬಾರಿ ಮದುವೆಯಾಗಲಿದ್ದಾನೆ!
ಸರ್ದಾರ್ ಜಾನ್ ಮೊಹಮ್ಮದ್ ಖಾನ್ ಖಿಲ್ಜಿಗೆ ಈಗ 50ರ ವಯಸ್ಸು. ವೃತ್ತಿಯಲ್ಲಿ ವೈದ್ಯನಾಗಿರುವ ಹಾಜಿ ಜಾನ್ ಕ್ವೆಟ್ಟಾದ ಪೂರ್ವಭಾಗಕ್ಕಿರುವ ಬೈಪಾಸ್ ನಲ್ಲಿ ಕ್ಲಿನಿಕ್ ನಡೆಸುತ್ತಾ ಹತ್ತಿರದಲ್ಲೇ ಒಂದು ಮನೆ ಮಾಡಿಕೊಂಡು ವಾಸವಾಗಿದ್ದಾನೆ. ತನ್ನ 60ನೇ ಮಗು ಗಂಡು ಎಂದು ಅವನು ಸಂದರ್ಶನದಲ್ಲಿ ಹೇಳಿದ್ದು ಅದಕ್ಕೆ ಖುಷ್ಹಾಲ್ ಖಾನ್ ಅಂತ ಹೆಸರಿಟ್ಟದ್ದಾನೆ.
‘ಅಲ್ಲಯ್ಯ ಪ್ರಭೃತಿ ಅಷ್ಟೆಲ್ಲ ಮಕ್ಕಳನ್ನು ಹುಟ್ಟಿಸಿದ್ದಿಯಾ ಅವರೆಲ್ಲರ ಹೆಸರು ನಿಂಗೆ ನೆನಪಿರುತ್ತಾ,’ ಅಂತ ಕೇಳಿದರೆ ‘ಯಾಕಿಲ್ಲ?’ ಅನ್ನುತ್ತಾ ಅಷ್ಟೂ ಜನರ ಹೆಸರು ಹೇಳುತ್ತಾನೆ!
ಇದನ್ನೂ ಓದಿ: Good News: ಹೊಸಬರಿಗೆ ಉದ್ಯೋಗಾವಕಾಶ ಭಾರತದಲ್ಲೇ ಹೆಚ್ಚು; ವಿದೇಶಗಳನ್ನು ಹಿಂದಿಕ್ಕಿದ ಭಾರತೀಯ ಕಂಪನಿಗಳು
ನಿಮಗೆ ಪ್ರಾಯಶಃ ನೆನಪಿರಿಬಹುದು, 2050 ರ ಹೊತ್ತಿಗೆ ವಿಶ್ವದ ಜನಸಂಖ್ಯೆ ಹೆಚ್ಚಳಕ್ಕೆ ಶೇಕಡ 50 ರಷ್ಟು ಕೊಡುಗೆ ನೀಡಲಿರುವ 8 ರಾಷ್ಟ್ರಗಳ ಪೈಕಿ ಪಾಕಿಸ್ತಾನ ಕೂಡ ಒಂದಾಗಿದೆ.
ವಿಶ್ವಸಂಸ್ಥೆ ಒದಗಿಸಿರುವ ಮಾಹಿತಿ ಪ್ರಕಾರ 1960 ರಿಂದ ಜನಸಂಖ್ಯೆ ಹೆಚ್ಚಳ ಜಾಗತಿಕವಾಗಿ ಇಳಿಮುಖಗೊಳ್ಳುತ್ತಿದೆ ಮತ್ತು 2020 ರಲ್ಲಿ ಅದು ಶೇಕಡ ಒಂದಕ್ಕಿಂತ ಕಡಿಮೆ ಇತ್ತು ಆದರೆ ಪಾಕಿಸ್ತಾನದಲ್ಲಿ ಅದು ಶೇಕಡ 1.9 ರಷ್ಟಿದೆ.
ಮತ್ತಷ್ಟು ಲೈಫ್ಸ್ಟೈಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Published On - 4:48 pm, Thu, 5 January 23
